| e-texts navigator |
| Wylie |
12b1 གིས་ཀུན་བསྐྱོད་དེ། ། གསལ་དང་འབྱུང་འཇུག་སངས་དང་འགག། ནམ་ཤེས་མཚན་མའི་རྟོག་པ་ཡིས།། ཀུན་གཞི་ནམ་མཁའ་མཐོང་མི་སྟེར།། ཀུན་གཞི་མཐོང་ཉིད་ཆོས་སྐུ་སྟེ།། འདི་དོན་ནམ་མཁའ་མ་བརྗེད་པ།། ཏིང་འཛིན།
12b2 ཆེན་པོ་རྒྱུན་མི་འཆད།། གང་ཞིག་འདི་དོན་ཡིད་འཆང་བ།། གཟུགས་ཀྱི་དངོས་པོ་ཅིར་སྣང་ཡང་།། སེམས་ནི་ཡེ་ནས་མྱ་ངན་འདས།། བདེ་ཆེན་སངས་རྒྱས་ཐམས་ཅད་ལ།། དགོངས་པ་འདི་ལས་ཡོད་མི་མངའ།། སྣང་བ་མེད།
12b3 པའི་ནམ་མཁའ་འདི།། ཏིང་འཛིན་ཆེན་པོར་གནས་བཞིན་དུ།། འདི་ལས་གླགས་ཏེ་ཅི་ཞིག་ཚོལ།། རྒྱལ་བས་བརྩལ་ཀྱང་ཡོང་མི་བརྙེད།། འདི་ལས་གཞན་དུ་གང་ཚོལ་བ།། བཙལ་བ་ཉིད་ན་ཚེ་ཚད་གྱུར།། གཞན་ནམ་དམས
12b4 པའི་སྒོ་རྣམས་ནི། ། ཏིང་འཛིན་མེད་པའི་ཆོས་ཉིད་ལ།། འཛིན་པའི་ཏིང་འཛིན་བཅུག་པས་ནོར།། དེ་དག་ལ་ནི་གང་སྤྱོད་རྣམས།། ཐེན་ཚེར་མིག་ནི་ནམ་མཁའ་ལ།། ཕྲ་རབ་ཐེན་ཐག་འཛུད་པ་ལྟར།། བྱིས་པ་ལས་གང་བྱེད་པ་དེ།
12b5 ཤེད་ཅན་དག་གིས་བྱར་མི་རུང་།། ཤེད་ཅན་སྤྱོད་པའི་ནམ་མཁའ་དེ།། ཐེན་ཚེར་ནམ་མཁར་ཤོང་མི་འགྱུར།། དེ་བས་གཞན་ལ་བསྟན་པ་མིན།། བསྟན་ན་བྱིས་པ་ག་ཆད་གྱུར།། ཆོས་ཉིད་ནམ་མཁའ་ལྟ་བུའི་དངོས།། གསལ་བར
12b6 འོད་སྟོང་ཉི་མས་འགྲུབ། ། བྱིན་རླབས་འོད་ཀྱི་ཟེར་ཕྲེང་ཙམ།། སྒྱུ་མ་ལྟར་སྣང་མཚན་མར་ཐོབ།། མི་གཡོ་མཚན་མེད་རང་བཞིན་དངོས།། སྐྱེ་མེད་སེམས་ཀྱིས་མ་མཐོང་བ།། བྱིས་པ་འདྲིད་པའི་རྩེད་མོར་སྣང་།། དངོས་གྲུབ་ཆེན
12b7 པོའི་སེམས་ཉིད་དེ། ། ཡིད་བཞིན་འབྱུང་བ་རིན་པོ་ཆེ།། ཇི་ལྟར་དམིགས་ཤིང་བསྒྱུར་བར་འགྱུར།། གྲུབ་པའི་དོན་ཆེན་ཐམས་ཅད་རྫོགས།། སེམས་ཀྱིས་སེམས་ཀྱི་ཚུལ་མཐོང་ན།། དངོས་གྲུབ་ཅེས་དེ་དག་ལས་འོད་།། གང་གིས
12b8 སྩོལ་ཏེ་སུ་ཡིས་བླང་། ། སྩལ་དང་སྩོལ་བར་བྱེད་མི་དམིགས།། དཔེར་ན་ཆུ་དང་མེ་ལོང་དང་།། མཁའ་དང་རལ་གྲི་ཤེལ་ལ་སོགས།། གསལ་བར་བྱེད་པའི་རང་བཞིན་ལ།། རྙོག་མེད་ལ་སོགས་བལྟས་གསལ་བ།། ཆུ་ལ་སོག
iiif viewer powered by OpenSeadragon
