| e-texts navigator |
| Wylie |
12a1 པས་དམིགས་དང་བྲལ། ། ཐམས་ཅད་མཁྱེན་པས་བྱིན་རླབས་ཆེ།། གདོད་ནས་བྱང་ཆུབ་སྙིང་པོར་གནས།། སྤྱོད་པའི་ཁྱད་པར་འདི་ལྟ་བུ།། དེས་ན་གཅིག་ལས་མེད་བཞིན་དུ།། སྤྱོད་འཐུན་རྩོལ་བའི་རང་བཞིན་ལ།། རྣམ
12a2 རྟོག་སྤྱོད་པ་སོ་སོར་སྣང་། ། འཁྲུལ་པ་ཐམས་ཅད་འཁོར་བར་སྤྱོད།། རྒྱུ་འབྲས་མི་སླུ་བདེན་དོན་སྤྱོད།། མི་དམིགས་པ་ལ་ནམ་མཁའ་སྤྱོད།། དེ་ལྟར་སྤྱོད་པ་ཀུན་སྤྱོད་ཀྱང་།། དམ་པའི་དོན་དེ་སྤྱོད་མཆོག་ཉིད།། དམ་པར་གྱུརཔ
12a3 ཐམས་ཅད་ལ། ། དམ་པའི་སྤྱོད་པ་དེ་ལས་མེད།། སྐྱེས་བུ་མཆོག་གིས་དེ་སྐད་བཤད།། ཐེ་ཙོམ་མེད་པར་ཤེས་པར་གྱིས།། མ་བཅོས་བྱང་ཆུབ་དེ་བཞིན་ཉིད།། བསྒོམ་དུ་མེད་པའི་ཆོས་ཉིད་ལ།། བསྒོམ་པ་དམིགས་སུ་མེད་པ
12a4 སྟེ། ཏིང་འཛིན་ཞེས་ནི་གདགས་སུ་མེད།། བསྒོམས་ཀྱང་རྙེད་པ་མ་ཡིན་ལ།། དེ་བཞིན་མ་བསྒོམས་སྟོར་བ་མེད།། བསྒོམས་ཆོས་སྣ་ཚོགས་ཅིར་སྣང་ཡང་།། བསྒོམས་ནས་དེ་ཡི་དང་མི་གནས།། དེ་བས་བྱིས་པའི་སྤྱོད་ཡུལ་ཡིན།
12a5 དཔེར་ན་བྱིས་པའི་རང་བཞིན་གྱིས།། ས་ལ་སོགས་པ་གཟུགས་སྣ་ཚོགས།། མཛེས་པར་བྱས་ནས་སྐད་ཅིག་མཐོང་།། མཐོང་བ་ཉིད་ན་མ་གྲུབ་སྟེ།། སྐད་ཅིག་ཁོ་ནས་ཞིག་གྱུར་ནས།། ས་ལ་སོགས་པའི་རྡུལ་དུ་སྣང་།། དེ་བཞིན་རྣམ།
12a6 འབྱོར་བྱིས་པ་ཡིས།། གཟུགས་ལ་སོགས་པ་སྣ་ཚོགས་བསྒོམ།། སེམས་ཀྱི་བྱེ་བྲག་སྐད་ཅིག་ལ།། ཡིད་ཀྱི་རྒྱུ་བ་སྣ་ཚོགས་འབྱུང་།། བྱུང་བ་བཞིན་དུ་དེ་མ་གྲུབ།། སེམས་ཀྱི་སྐད་ཅིག་དྲན་པ་ལ།། ཡིད་ཀྱི་དམིགས་པ་རྒྱུན་ཆད་ནས
12a7 བྱུང་ཚོར་ཆད་པའི་མཐའ་སྤངས་ཏེ། ། ཆོས་རྣམས་ནམ་མཁའ་ལྟ་བུར་ནི།། བརྗོད་མེད་རྒྱུན་མི་འཆད་པར་དམིགས།། དེ་དོན་བྱིན་ཅི་མ་ལོག་པར།། བརྗོད་མེད་ཏིང་འཛིན་སྒོམ་པའི་མཆོག། ཅི་ཕྱིར་ཆོས་ཀྱི་དབྱིངས་ཉིད་ནི།། ནམ་མཐ
12a8 ལྟ་བུར་འདུས་མ་བྱས། ། བསམ་དུ་མེད་པས་ནམ་མཁའ་འདྲ།། བརྗོད་དུ་མེད་པས་གཟུགས་དང་བྲལ།། ཀུན་གཞི་ཀུན་དུ་ནམ་མཁའ་ལ།། ཡིད་ནི་མཁའ་ལ་ཉི་ཤར་འདྲ།། རྣམ་ཤེས་ཉོན་མོངས་སྤྲིན་གྱིས་ཁེབས།། འདུ་བྱེད་རླུང
iiif viewer powered by OpenSeadragon
