| e-texts navigator |
| Wylie |
129b1 བཞིན། ། མཆེ་བཟང་ཡག་ཟ་བྱེད་ཆེ་ཧོཿཧཱུཾ་རྔམ་པའི་ང་རོ་འབྲག་སྟོང་ལྡིར།། གཏུམ་ཆེ་མ་རི་རབ་འབུམ་པ་སྙིལ་སྐད།། ཨ་ཨ་ཧཱ་ལའི་གང་རྒྱངས་ཆེ།། དབྱུགས་པའི་འཐོར་རླུང་གཡེང་བ་ཆེ་ཧོཿཧཱུཾ་ཁྲེ་བོ་ཤེས་རབ་འོད་པོ་ཆེ།། ཡེ
129b2 ཤེས་དཀྱིལ་འཁོར་ཀུན་དུ་གསལ། ། འབར་བའི་ཡེ་ཤེས་ཀུན་དུ་འཇོམས།། སྣ་ཚོགས་ཡེ་ཤེས་ཐིག་ལེ་ཆེ་ཧོ།། ཧཱུཾ་ཁྲོ་བོའི་རྒྱལ་པོ་སྤྲིན་ཆེན་པོ།། ཁྲོས་པའི་དཀྱིལ་འཁོར་ཆེར་ཆེན་འབེབས།། དཀྱིལ་འཁོར་ཡིད་བཞིན་འབྱུང་བའི
129b3 གཏེར། ། སྣ་ཚོགས་ཁྲོས་པའི་ཐིག་ལེ་ཚེ་ཧོཿཧཱུཾ་བདུད་ཀུན་གྱིས་ནི་བདུད་ཆེན་པོ།། བདུད་ཀྱི་བདུད་དེས་དུད་རྣམས་འཇོམས།། འཇིགས་པའི་ཚོགས་ཀྱང་འཇིགས་བྱེད་པ།། འཇིགས་བྱེད་ཆེན་པོ་ཐིག་ལེ་ཆེ་ཧོ།། རྡོ་རྗེ་བྲག་སྟེ་སྲབ་པོ་རྡོརྗེ།
129b4 ཆུ་བོ་སྡུད་པ་པོ།། རྡོ་རྗེ་མེ་སྟེ་ཀུན་འབར་ཆེ།། རྡོ་རྗེ་རླུང་སྟེ་འཐོར་རླུང་ཆེ་ཧོ།། ཞེས་ཆེད་དུ་ཀླུ་འདི་བླངས་སོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོ་ལ་བསྟོད་པའི་ལེའུ་སྟེ། ཉི་ཤུ་རྩ་གཅིག་པའོ།། །། དེ་ནས་བཅོམ་ལྡན
129b5 འདས་དགྱེས་པ་ཆེན་པོས་དེ་བཞིན་གཤེགས་པ་ཉིད་ལ་སྔགས་ཀྱི་རྒྱལ་པོ་བརྟན་པར་གཟུང་བ་འདི་ཆེད་བརྗོད་དོ། ། ཀྱེ་ཀྱེ་ཕྱོགས་བཅུ་དུས་བཞིའི་རང་བཞིན་འདི།། དེ་བཞིན་གཤེགས་པའི་ངོ་བོ་ཉིད།། གཟུང་འཛིན་སྤྲོས་ལ
129b6 འཕེལ་བ་ཡི། ། རྣམ་རྟོག་ཞབས་པས་སོ་སོར་ཟིན།། ས་རྣམས་ཁྱད་པར་བཀོད་པ་ཡང་།། གསང་བའི་སྙིང་པོར་འགྲོ་བའི་ལམ།། ཡེ་ཤེས་ངོ་མཚར་རབ་འབྱམ་ཀུན།། དོན་དུ་མི་འགྱུར་ཡོད་མ་གསུངས།། དེ་བཞིན་གཤེགས
129b7 པ་ཐམས་ཅད་ཀྱི། ། ཕྱག་རྒྱ་གསང་ཆེན་ངེས་པ་འདི།། རྟོགས་ནས་སྨྲ་བར་གང་བྱེད་པ།། དེ་ཉིད་ང་ཡིན་དབང་ཡང་རྫོགས།། དེ་བཞིན་གཤེགས་པ་ཐམས་ཅད་ལ།། གསང་བ་འདི་ལས་གཞན་མི་མངའ།། སྒོ་དང་སྐུར་བཞི་པ་ཡི།།
129b8 གསང་བའི་སྙིང་པོ་དེ་ཁོ་ན་ཉིད་དེ་ངེས་པའི་དབྱིངས་ནས་ཕྱུང་།། དེ་ནི་ངེས་པར་ལུང་བསྟན་ཏེ།། སྲས་ནི་ཐུགས་ལས་སྐྱེས་པ་ཡིན།། ས་རབ་རིག་པ་འཛིན་ལ་གནས་ཞེས་བརྗོད་པས།། དེ་བཞིན་གཤེགས་པ་ཐམས་ཅད་དབྱེར་མེད
iiif viewer powered by OpenSeadragon
