| e-texts navigator |
| Wylie |
128b1 ཀྱི་དཀྱིལ་འཁོར་དུ། ། ལུ་གུ་རྒྱུད་དུ་སྦྲེལ་བསྡམས་ནས།། འགུག་འགྱུར་རྡོ་རྗེ་འང་ཕྱི་བཞིན་འབྲང་།། ཅི་འདོད་དེ་བཞིན་འོང་བར་འགྱུར།། མ་ཡི་ཚོགས་ཀྱི་དཀྱིལ་འཁོར་མཆོག། འབར་བའི་འདུ་འཕྲོ་གཟི་བྱིན་ལ།། དགའ་བའི་ཡིད་ཀྱིས
128b2 མཆོད་སྦྱིན་བྱ། ། ཡོན་ཏན་ནམ་མཁའི་མཐའ་དང་མཉམ།། བདུད་རྩི་ལྔ་འམ་ཟས་ལྔ་ལ།། མཚན་མའི་མིང་དུ་བཅས་པར་བྱ།། ཡོན་ཏན་ཡིད་བཞིན་གཏེར་དུ་བརྟག། ང་རྒྱལ་དགའ་འཕྲོའི་ཕུར་རབས་གདབ།། རྡོ་རྗེ་གརྦ་བྱིན་འབ་བ་བྱུང་།།
128b3 མའི་ཚོགས་ཀྱི་དཀྱིལ་འཁོར་དུ།། ལུ་གུ་རྒྱུད་དུ་སྦྲེལ་བསྡམས་ནས།། གཟི་བྱིན་འབར་བའི་འཕྲུལ་ཆེན་འཕྲོ།། ཡིད་བཞིན་ནམ་མཁའ་གང་བར་འགྱུར།། ཡ་ཡི་ཚོགས་ཀྱི་དཀྱིལ་འཁོར་མཆོག། གསལ་བའི་གཟི་བརྗིད་བར
128b4 བ་ལ། ། དད་པའི་ཡིད་ཀྱིས་མཆོད་སྦྱིན་བྱ།། གཏུམ་པོ་རྔམ་པོ་ལྡན་རེར་འགྱུར།། བདུད་རྩི་ལྔ་འམ་ཟས་ལྔ་ལ།། གཏུམ་རྔམ་འཁྲུག་པའི་ངོ་བོར་བརྟག། ལྷན་ནེར་གསལ་བའི་ཕུར་བ་ས་ག་བ།། འབར་བའི་ལྷན་ནེའི་ཚིགས་སུ་དབུལ།། ཡ
128b5 ཡི་ཚོགས་ཀྱི་དཀྱིལ་འཁོར་དུ། ། ལུ་གུ་རྒྱུད་དུ་སྦྲེལ་ནས་བསྡམ།། འབར་བ་ལྟན་ནེའི་བྱིན་གྱིས་རླབ།། ཐམས་ཅད་གཡོ་བ་མེད་པར་བྱེད།། སླས་དང་བྱི་མོ་བྲན་མོའི་ཚོགས།། ལྷག་མའི་མཆོད་སྦྱིན་འདོད་པ་སྦྱིན།། རང་གི་དམ་ཚིག་རབ
128b6 བསྒྲགས་ན། ། གང་འདོད་ལས་ནི་བྱེད་པར་བསྒོ།། སྔོན་ཚེ་དཔལ་ཆེན་ཧེ་རུ་ཀ། ཤིན་ཏུ་གདུག་ཅིང་གཏུམ་བག་ཅན།། ཐམས་ཅད་མ་ལུས་འདུལ་མཛད་པའི།། དབང་དང་བྱིན་རླབས་སྤྲང་པོ་ཆེ།། ལྷ་ཆེན་ལ་སོགས་དབང་བསྡུས་ནས།།
128b7 འཁོར་རྣམས་དབང་ཕྱུག་སླས་སུ་བྱས།། སོ་སོའི་ལས་རྣམས་བསྐོས་པ་དེ།། ཇི་ལྟར་ཁས་བླངས་དམ་ས་པ།། མཐོགས་མྱུར་དུ་མངོན་པར་ཕྱུང་།། དམ་བཅས་བཞིན་དུ་མ་བྱས་ན།། ཇི་ལྟར་རང་གི་མནས་བོར་བའི།། སྡོམ་བྱས་དེ་ལས
128b8 འདའ་མ་བྱེད། ། སྡོམ་བྱས་དེ་ལས་འདས་གྱུར་ན།། མགོ་ལུས་སྙིང་ཡང་ཚལ་བ་བདུན།། ཡ་ཀྵ་ཁྲོ་བོས་གཏུགས་པར་འགྱུར།། དེ་བས་རྣལ་འབྱོར་སྔགས་འཆང་གིས།། ཇི་ལྟར་བཅོལ་བ་བཞིན་དུ་བྱོས།། ལས་དེ་མངོན་དུ
iiif viewer powered by OpenSeadragon
