| e-texts navigator |
| Wylie |
128a1 བཙུན། ། སྲིང་གསུམ་འགྲོ་བ་ཇི་སྙེད་པ།། ཏོག་འདྲལ་དམ་ཚིག་དེ་སྙེད་སྤྲོ།། གཞན་ཡང་རྒྱལ་མཆོག་ཀུན་བཟང་གི། ཐམས་ཅད་མ་ལུས་ཕྱག་རྒྱ་ཡི།། སྒྲུབ་བྱེད་དམ་པ་མ་ལུས་འགྲུབ།། དེ་ལ་སོགས་པ་མཐའ
128a2 ཡས་མཆོག། རྒྱལ་བའི་རིགས་མཆོག་འཛིན་པ་དེ།། འཇིག་རྟེན་གཙོ་དང་འཁོར་གྱིས་བཀུར།། དམ་པ་མཆོག་དང་དམ་པ་ཡས།། སྲས་དང་སྤུན་དང་བྱིན་གྱིས་རློབ།། བདེར་གཤེགས་ཉིད་ཀྱི་ཡུལ་ལ་བཞུགས།། འཇིག
128a3 མེད་ཀུན་དུ་བཟང་པོར་སྦྱོར། ། ཇི་བཞིན་ཉིད་དང་འདུལ་བའི་ཐབས།། ཇི་སྙེད་སྡོམ་པ་བསམ་ཡས་པ།། མ་ལུས་རྣམ་དག་ལྷུན་གྱིས་གྲུབ།། ཉམས་ན་བསྐངས་པས་རྫོགས་པ་དང་།། དེ་ལ་སོགས་ཏེ་མཐའ་ཡས་མཆོག། ཅེས
128a4 བརྗོད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་འདུལ་བར་གྱུར་ཏོ། ། གསང་བའི་སྙིང་པོར་ཁོ་ན་ཉིད་ངེས་པ་ལས་དམ་ཚིག་གི་ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས
128a5 པ་དགྱེས་པ་ཆེན་པོས་ལྷུན་གྱིས་གྲུབ་པའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། ། ཨེ་ཡི་ཚོགས་ཀྱི་དཀྱིལ་འཁོར་མཆོག། འབར་བ་གཏུམ་ཆེན་རྔམ་པ་ལ།། ཁྲོས
128a6 པའི་ཡིད་ཀྱིས་མཆོད་སྦྱིར་བྱ། ། སངས་རྒྱས་བསོད་ནམས་སྐུ་ཡང་འཇིག། བདུད་རྩི་ལྔ་འམ་ཟས་ལྔ་ལ།། མཚན་མ་མིང་དུ་བཅས་པར་བྱ།། བཀུག་ནས་རྡོ་རྗེ་པུ་རབས་གདབ།། རྡུལ་དུ་བྱས་ནས་ཚོགས་ལ་དབུལ།། ཨེ་ཡི་ཚོགས
128a7 ཀྱི་དཀྱིལ་འཁོར་དུ། ། ལུ་གུ་རྒུད་དུ་སྦྲེལ་བསྡམས་ནས།། བཅིངས་འགྱུར་བསྐྱོད་ན་ཕྱོགས་བཅུར་གཡོ།། མྱོས་ནས་གལ་ཏེ་འཚིག་པར་འགྱུརརེ།། བ་གྱི་ཚོགས་ཀྱི་དཀྱིལ་འཁོར་མཆོག། འབར་བའི་གཟི་ཆེན་ལྷུན་ཆེན་ལ།། ཆག
128a8 པའི་ཡིད་ཀྱིས་མཆོད་སྦྱིན་བྱ། ། རྡོ་རྗེ་གསུང་ཡང་དབང་དུ་འགྱུར།། བདུད་རྩི་ལྔ་འམ་ཟས་ལྔ་ལ།། མཚན་མ་མིང་དུ་བཅས་པར་བྱས།། རྡོ་རྗེ་ཆགས་པའི་ཕུ་རབས་གདབ།། ཆགས་པའི་ཚོགས་ལ་ཐིབ་པར་དབུལ།། བ་གྱི་ཚོགས
iiif viewer powered by OpenSeadragon
