| e-texts navigator |
| Wylie |
127a1 གི་ཕྱོགས་བཅུ་ཐམས་ཅད་དུ་འབར་བའི་དཀྱིལ་འཁོར་ཀུན་དུ་གསལ་བར་གྱུར་ཏོ། ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་དཀྱིལ་འཁོར་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན
127a2 འདས་དགྱེས་པ་ཆེན་པོས་མཉེས་པའི་མཆོད་པ་ཆེན་པོ་འདི་ཆེད་དུ་བརྗོད་དོ། ། དེ་ལ་མཆོད་སྦྱིན་དམ་པ་འདི།། ཐོག་མར་བདག་ཉིད་རྟོགས་གོམས་བསྒྲལ།། དེ་ནས་གཉིས་མེད་བློ་ཡིས་ནི།། བློ་ངན་འཇིག་རྟེན་སྙིང་རེ་རྗེ།། གཉིས་སུ
127a3 མེད་པར་བསྒྲོལ་བར་བྱ། ། འཁྲིལ་པའི་མཆོད་ཆེན་མཉམ་སྦྱོར་པས།། བདག་ཉིད་མཉེས་པས་མཉེས་པར་བྱ།། མཉམ་པའི་གྲུབ་རྫས་ཆེན་པོ་དག། བདག་དང་མཉམ་པའི་ཚོགས་ལ་དབུལ།། བཟའ་དང་བཅའ་དང་བཏུད་དང་བའོ།།
127a4 ལོངས་སྤྱོད་ལྔ་ལྡན་ཐམས་ཅད་ནི།། དཀྱིལ་འཁོར་ལ་ནི་དཀྱིལ་འཁོར་ཐིམ།། ཕྱོགས་བཅུ་དུས་བཞིར་གཤེགས་པ་ཡི།། བདེར་གཤེགས་ཡོན་ཏན་རྨད་པོ་ཆེ།། གཞན་ནས་ཡོད་འོངས་མ་ཡིན་ཏེ།། ལྷ་སྲིན་ལ་སོགས་སྨོས་ཅི
127a5 དགོས། ། རྣལ་འབྱོར་ལས་སུ་རུང་རྣམས་ཀྱིས།། ཕྱག་རྒྱ་ཆེན་པོར་རྫོགས་གྱུར་ཅིག། གསལ་བའི་ཡིད་གཉིས་མེད་པ་ན།། དཀྱིལ་འཁོར་ཆེན་པོ་འབར་བར་འགྱུར།། ཞེས་བརྗོད་པས་མཉེས་པ་ཆེན་པོས་འཇིག་རྟེན་དྲུག་གི་ཕྱོགས
127a6 བཅུ་ཐམས་ཅད་ཁྱབ་པར་གྱུར་ཏོ། ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་མཆོད་སྦྱིན་དམ་པ་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་དོན་ཡོད་པར་བྱ་བའི་ཕྱིར་དམ་ཚིག
127a7 ཆེན་པོ་འདི་བརྗོད་དོ། ། བླ་མེད་ཐེག་པ་རབ་དེས་ན།། ཉོན་མོངས་འདོད་ལྔ་ཀུན་སྤྱད་ཀྱང་།། བྱས་ལ་མི་སོག་ཚོགས་འགྱུར་ཏེ།། ཚུལ་ཁྲིམས་སྡོམ་པ་ཕུན་སུམ་ཚོགས།། བླ་མེད་མཆོག་གི་དམ་ཚིག་ཏུ།། འདུལ་བའི་དབང་གིས
127a8 གིས་ཚུལ་ཁྲིམས་དང་། ། ཇི་སྙེད་སྡོམ་པ་བས་མ་ཡས་པ།། མ་ལུས་ཀུན་འདུས་རྣམ་པར་དག། ཡོད་མེད་དབུ་མའང་མི་དམིགས་ཤིང་། སྦྲུམ་མིག་གཡོད་ལྟ་བུར་ཚུལ།། སྲོག་མེད་སྲོག་གཅོད་གཅད་དུ་མེད།། སྲོག
iiif viewer powered by OpenSeadragon
