| e-texts navigator |
| Wylie |
125a1 ནས་ཀྱང་འབར་བ་ཆེན་པོའི་འཁོར་ལོའི་མཚན་ཤར་ཕྱོགས་ནས་འཁོར་བར་འཇིགས་པའི་གཟུགས་ཀྱིས་རང་རང་གི་ལག་ཆ་དང་བཅས་ནས་འབོད་དོ། ། དེ་ནས་ཤིན་དུ་གྱེས་ཧེ་ཧེ་ཧེ་ཞེས་བརྗོད་པས་སེང་གདོང་ཆེན་མོས
125a2 ཚོགས་དང་། སྟག་གདོང་ཆེན་མོའི་ཚེགས་དང་། ཝ་གདོང་ཆེན་མོའི་ཚོགས་དང་། ཁྱི་གདོང་ཆེན་མོའི་ཚོགས་དང་། གཞད་གདོང་ཆེན་མོའི་ཚོགས་དང་། ཀང་ཀའི་གདོད་ཆེན་མོའི་ཚོགས་དང་། ངུར་བྱའི་གདོང་ཆེན་མོའི་ཚོགས་དང་། འུག་པའི།
125a3 གདོང་ཆེན་མོའི་ཚོགས་རྣམས་རང་རང་གི་ལག་ཆ་དང་། ངོ་མཚར་དུ་ཆས་ནས་འཐོན་པར་གྱུར་ཏོ།། འཐོན་ནས་ཀྱང་འབར་བ་ཆེན་པོའི་འཁོར་ལོའི་ཕྱི་རོལ་ཤར་གྱི་ཕྱོགས་ནས་འཁོར་བར་རྔམ་པའི་མདངས་ཀྱིས་འཁོད་དོ།། དེ་ནས་ཤིན་དུ
125a4 དགྱེས་པས་ཕྱོགས་བཅུའི་ཞིང་ཁམས་མ་ལུས་པར་ཁྱབ་པར་བྱས་ནས་ཕཊ་ཅེས་བརྗོད་པས་རྡོ་རྗེ་སྲིད་འགྲོ་མའི་ཚོགས་དང་། རྡོ་རྗེ་གདོད་མིའི་ཚོགས་དང་། རྡོ་རྗེ་འཇིག་རྟེན་མའི་ཚོགས་དང་། རྡོ་ས་མི་།། རྣས་རང་རང་གི་ལག་ཆ་དང་ངོ་མཚར་དུ་ཆས་ནས།
125a5 འཐོན་པར་གྱུར་ཏོ།། འཐོན་ནས་ཀྱང་འབར་བ་ཆེན་པོའི་དཀྱིལ་འཁོར་གྱི་སྒོར་ཤིན་དུ་རྔམ་པའི་གཟུགས་ཀྱིས་གནས་སོ།། དེ་ནས་དགྱེས་པའི་སྤྲིན་ལས་ཕྱོགས་བཅུ་ནས་ཕཊ་ཅེས་བསྒྲགས་པས་ཐམས་ཅད་ཁྲོས་ནས། མ་མོ།།
125a6 ཐམས་ཅད་ཀྱང་རང་རང་གི་གནས་ག་ལ་བ་དེར་ཡུད་ཙམ་གྱིས་ཕྱིན་པར་བགྱིའོ།། དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོ་དེ་དག་ཀུན་ཐུགས་རྗེ་ཆེན་པོ་བདུད་རྩི་ཆེན་པོ་འབྱུང་བ་ཞེས་བྱ་བའི་ཏིང་ངེ་འཛིན
125a7 ལ་སྙོམས་པར་ཞུགས་ནས་སྐུ་དང་གསུང་དང་། ཐུགས་རྡོ་རྗེ་ལས་འདི་ཕྱུང་ངོ་།། ཨོཾ་བཛྲ་མ་ཏ་ཨ་མྲི་ཏ་མ་ཧཱ་ཀྲོ་དྷ་ཨེ་ཨཾ་ཨཾ་ཞེས་བརྗོད་པས། དབང་ཕྱུག་ཆེན་པོ་ལ་སོགས་པ་ཐམས་ཅད་བཅོམ་ལྡན་འདས་ཁྲོ་བོ་ཆེན་པོ་དེ་དག་གི
125a8 སྣམས་ནས་གཏེན་ནས་མི་གཙང་བའི་འདམ་གྱི་རྒྱ་མཚོ་ཆེན་པོར་ཆུད་པ་ལས་སྣུམ་ནས། ཁྲོ་བོ་ཨུ་ཙུསྨ་ཀོ་དྷ་ཕྱུང་ནས་འདམ་ཁུ་ཀུན་འཐུངས་པས་དྲན་པ་སླར་རྙེད་དེ། ཁྲོ་བོའི་དཀྱིལ་འཁོར་གྱིས་ཚོགས་དེ་དག་ཐམས་ཅད་ཀྱང་དབུ་དགུ
iiif viewer powered by OpenSeadragon
