| e-texts navigator |
| Wylie |
124a1 པ་བསྟན་ནས་མགྲིན་གཅིག་ཏུ་གདུག་པའིང་རོས་གླང་པོའི་གཏུམ་ཆོག་ཏུ་སྨྲས་པས། ཐོང་ཐོང་སྙིང་རྗེའི་བདག་པོ་ཅི་དེ་ལྟར་བྱེད་དམ་ཞེས་འཛེར་ཅིང་ཤིན་དུ་གདག་པའི་སེམས་ཀྱིས་ཁྲོས་ནས་རྔམ་མོ།།
124a2 དེ་ནས་བཅོམ་ལྡན་འདས་དགྱེས་པ་ཆེན་པོ་དབུ་དགུ་ཕྱག་བཅོ་བརྒྱད་ཞབས་བརྒྱད་དུ་གནས་ནས། ཐུགས་རྗེས་འདུལ་བའི་ཐབས་ཀྱིས་ཤིན་དུ་ཁྲོས་ནས་རྔམ་པའི་སྐད་ཀྱིས། ཧཱུཾ་ཧཱུཾ་ཧཱུཾ་ཧ་ཧ་ཧ། ཁཱ་ཧི་ཁཱ་ཏི་ཁཱ་ཧི། ཞེས་བརྗོད་པས
124a3 དབང་ཕྱུག་ཆེན་པོ་ལ་སོགས་པ་གདུག་པ་ཆེན་པོའི་ཚོགས་ཆེན་པོའི་དེ་དག་གི་སྙིང་དང་དབང་པོ་ཀུན་ཕྱུང་། ནང་གྲོལ་ཀུན་དྲངས་ཡན་ལག་ཀུན་བཅད་གཏུབས་ནས་ཁྲག་ཀུན་འཐུངས་ནས་ཕུས་ཀུན་འཆོས་སོ།། དེ་ནས་ཧཱུཾ
124a4 ཏཱ་ཧཱུཾ་བྷྱོ་ཨེ་ཨར་ལི་ཛ་ཛ་ཞེས་བརྗོད་པས། ཕྱོགས་བཅུ་འཇིག་རྟེན་གྱི་ཁམས་ནམ་མཁའ་དང་བཅས་པར་ཡུངས་འབྲུ་གཅིག་ཙམ་གྱི་ནང་དུ་ཆུད་པར་བསྡུས་སོ།། དེ་ནས་འབྱུང་པོ་མ་ལུས་པའི་རྒྱལ་པོའི་ཡང་རྒྱལ་པོ་དྲག
124a5 པ་ཆེན་པོ་ལ་སོགས་པའི་ཆུང་མ་འབྱུང་མོ་ཐམས་ཅད་ཀྱི་རྔོ་མོའི་ཡང་མོ་སྲིན་མོ་ཆེན་མོ་མིའི་སྲིན་མོ་དང་། ཚངས་མ་དང་འཁྲུག་མོ་དང་དབང་མོ་དང་། འཇུག་སྲིང་མོ་དང་། གནོན་ནུ་མ་དང་། དམར་མོ་དང་བདུད་རྩི་མོ་དང་། ནི
124a6 བ་མོ་དང་། པོ་ཆེན་མོ་དང་སྲིན་མོ་དང་། ཟབ་མོ་དང་། དགའ་བ་མོ་དང་། ར་རོ་ཁྲག་འཐུང་མྱོས་པ་དང་། གཅིག་བུར་སྤྱོད་མ་དང་། ཡིད་འཕྲོག་མ་དང་། གྲུབ་མོ་དང་། རླུང་མོ་དང་། གསོད་བྱེད་མོ་དང་། མེ་མོ་དང་། ཕག་མོ་དང་། རྒན
124a7 བྱེད་མ་དང་། སྣ་ཚད་མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་མར་ཆེན་མོ་དང་། བྲམ་སྣ་སྔོནག་མོ་དང་། གསུས་འཛིན་སེར་ནག་ཆེན་མ་ལ་སོགས་པ་བྲན་དང་། ཡང་བྲན་དང་། གཡོག་དང་ཡང་གཡོག་དང་།
124a8 ལོལོ་ཤིང་གི་རྡུལ་སྙེད་བསྡུས་སོ།། དེ་ནས་བཅོམ་ལྡན་འདས་དགྱེས་པ་ཆེན་པོ་དཔལ་ཁྲག་འཐུང་ཆེན་པོས་འདུལ་བའི་ཐབས་ཀྱིས་ཡང་རིགས་ལྔའི་འཇིགས་བྱེད་ཆེན་པོ་སྣང་བར་བྱས་ནས། དེ་དག་ཀུན་གྱེས་པར་རོལ་པའི་དཀྱི
iiif viewer powered by OpenSeadragon
