| e-texts navigator |
| Wylie |
120a1 ཡུམ་གྱི་པད་མའི་དཀྱིལ་འཁོར་དུ།། བདེ་བ་ཐུགས་ཀྱི་དཀྱིལ་འཁོར་སྤྲོ།། སངས་རྒྱས་སྤྲིན་ཚོགས་མ་ལུས་ལ།། དགྱེས་མཉམ་ཚོགས་ཀྱི་སྦྱིན་པས་བསྟིམ།། བསྒྲུབ་པའི་ཉི་ཟླའི་དཀྱིལ་འཁོར་དེ།། དཀྱིལ་འཁོར
120a2 ལྕེ་ཡིས་བླང་། ། མཁའ་འགྲོ་གས་ལ་འབར་ཚེ་ལ་སོགས།། ཡིད་བཞིན་སྤྲིན་གྱི་བདག་པོར་འགྱུར།། ཞིང་འགྱུར་མཆོག་དང་མཆོག་ཕྲན་རྣམས།། ཉི་ཟླའི་སྟེང་དུ་མངས་པས་བཞག། ང་རྒྱལ་ལག་གི་འདུ་བྱེད་བསྒོམ།། ཏྲཱཾ་དུ་གྱུར་པས།
120a3 རྣམ་པར་དག། དབྱིངས་སུ་ཐིམ་ནས་ཕྱག་རྒྱར་འབར།། སྐུར་འགྱུར་འོད་ཟེར་འཕྲོ་བས་བརྗིད།། གཙུག་ཏུ་རྣམ་པར་རྒྱལ་བ་བསྒོམ།། ངོ་མཚར་ངན་འགྲོ་ཐར་པའི་ཐབས།། ཡེ་ཤེས་སྐྱེ་མེད་དེ་བཞིན་ཉིད།། སྔ་མར་སྣང་བ་མི་གཡོང
120a4 ཚུལ། ། སྦྱོར་སྒྲོལ་བྱ་བ་ཀུན་བྱས་ཀྱང་།། རྡུལ་ཆ་ཙམ་ཡང་གོས་པ་མེད།། སྣོད་བཅུད་རྒྱུ་རྣམས་དག་རྟོགས་ཤིང་།། མཉམ་གཉིས་ལྷག་པའིའམཉན་གཉིས་ཀྱིས།། དཀྱིལ་འཁོར་ཀུན་དུ་བཟང་པོའི་ཞིང་།། བྱེད་སྤྱོད་ཚོགས་ཆེན་གཉིས
120a5 གྱུར་ནས། ཡན་ལགམ་ཉམས་ཡོ་བྱད་ལྡན།། ཆོ་ག་རྫོགས་པར་ཤེས་པ་ཡིས།། རྣལ་འབྱོར་ཚོགས་པའི་དཀྱིལ་འཁོར་གྱིས།། ངེས་པར་ལེགས་པའི་དགོས་པ་འགྲུབ།། ལྔ་དང་ལྔ་ཡི་སྦྱོར་བ་ཡིས།། ཚེམ་བུ་ལྔ་ཡི་ལྷ་བཀོད
120a6 ལ། ། ཁྲོ་བོ་བཅུ་དང་ཁྲོ་མོ་བཅུ།། འཁོར་ལོའི་ཚུལ་དུ་རྣམ་པར་བསྒོམ།། དེ་བཞིན་རིགས་དང་རྡོ་རྗེའི་རིགས།། པད་མའི་རིགས་ཏེ་སྐུ་གསུང་ཐུགས།། ཁྲོ་བོའི་ཚོགས་དང་ལྡན་པ་ཡི།། ཆོམ་བུ་གསུམ་གྱི་ལྷ་རྣམས་བསྒོམ།། རིམ
120a7 ཀྱི་རིགས་ཏེ་རིགས་ཀྱི་གཙོ། ། ཐུགས་ཀྱི་ཐུགས་ཏེ་ཐུགས་ཀྱི་མཆོག། ཁྲོ་བའི་ཚོགས་དང་ལྡན་པ་ཡི།། ཚམ་བུ་གཅིག་པའི་ལྷ་རྣམས་བསྒོམ།། ཁྲོ་བོ་ཁྲོ་མོའི་ཚོགས་ཆེན་དང་།། ཕོ་ཉ་ཕྱག་བསྟན་བཀའ་ཉན་ཚོགས།། ཅི
120a8 བགྱི་ལ་སོགས་ཚོགས་རྣམས་ཀྱིས། ། དངོས་གྲུབ་ལས་རྣམས་རྫོགས་པར་བྱེད།། རྣལ་འབྱོར་སྔགས་འཆང་དངོས་གྲུབ་ནི།། མཉམ་རྫོགས་ལྷུན་གྲུབ་གདང་གནས་ཤིང་།། སྤྱོད་པ་ཅི་ལ་འང་ཐོགས་མེད་པ།། ཐམས་ཅད་ཡེ་ནས
iiif viewer powered by OpenSeadragon
