| e-texts navigator |
| Wylie |
11b1 ངང་ཚུལ་ཁྲིམས་སོ་སོར་སྣང་། ། བྱིས་པ་རྣམས་ནི་ཐ་ཚིག་སྡོམ།། བདེན་གཉིས་རྒྱུ་ལ་སྟོན་པར་གྲགས།། བླ་མེད་མཆོག་ལ་དམ་ཚིག་སྤྱོད།། གཅིག་གི་དོན་ལས་མ་གཡོས་ཀྱང་།། འདུལ་དབང་པོ་ལ་སོ་སོར་གྲགས།། ཁོ་ན་ཉིད་ལྡན
11b2 དམ་ཚིག་མཆོག། དེ་དང་གང་ལྡན་དམ་པ་སྟེ།། དེ་ལས་འདས་ན་འཚིག་པར་འགྱུར།། དེ་ཕྱིར་དམ་ཚིག་ཆེན་པོ་ནི།། ནམ་མཁའ་འདྲ་བར་དཔའ་བོས་བཤད།། རྒྱལ་བ་དཔའོ་ཐམས་ཅད་ལ།། དམ་ཚིག་འདི་ལས་ཡོད་མི་མངའ།།
11b3 སྤྱོད་པ་དག་གི་ཁྱད་པར་ཡང་།། ཆོས་ཉིད་བྱ་བ་རྩོལ་ཀུན་བྲལ་ལ།། བསྒྲུབ་དང་སྒྲུབ་པའི་དམིགས་པ་མེད།། འཁྲུལ་པ་གཅོད་པའི་སྐྱེ་བོ་དག། དམིགས་མེད་བྱང་ཆུབ་བདེ་ཆེན་ལ།། སྡུག་བསྔལ་རྩོལ་སེམས་བཅུག་པས་ནོར
11b4 བྱ་བ་མེད་པའི་ཆོས་ཉིད་ལ། ། ཉོན་མོངས་བྱ་མེད་སྤྱད་པས་འཁྲུལ།། རང་བྱུང་ལྷུན་གྲུབ་གནས་བཞིན་དུ།། བྱིས་པའི་སྤྱོད་པས་ཅི་བརྩལ་དགོས།། གང་ཞིག་འདོད་དེ་ཅི་ཞིག་སྒྲུབ།། ཅི་སྤྱད་ཅི་བསྒྲུབས་ཅི་བརྩལ་ཡང་།། སྡུག
11b5 བསྔལ་ཉིད་དེ་བྱང་ཆུབ་མེད། ། དམྱལ་བ་སངས་རྒྱས་ཆེན་པོ་ལ།། སྡུག་བསྔལ་བྱང་ཆུབ་ལམ་ཉིད་དེ།། ཉན་ཐོས་རང་རྒྱལ་ས་གཉིས་དང་།། ཐེག་པའི་ཁྱད་པར་ཅི་བསྟན་པ།། བྱེད་རྩོལ་བཅས་པ་ཐམས་ཅད་འཁྲུལ།། བླ་མེད་བྱང་ཆུབ
11b6 གེགས་སུ་ཆེ། ། གང་ཞིག་བརྩལ་མེད་བདེ་ཆེན་དོན།། སེམས་ཀྱི་ཀློང་འདིས་མ་མཐོང་ན།། སྒྲུབ་དང་རྩོལ་བ་ཅི་སྤྱད་ཀྱང་།། བྱིས་པ་དོན་མེད་ཀྱི་ན་འཁྱམ།། བརྩལ་དུ་མེད་པའི་རང་བཞིན་ལ།། རྩོལ་བའི་སྤྱོད་པས་ཅི་ཞིག་བྱ།། འཛིན་པ
11b7 མེད་པའི་ཆོས་ཉིད་ལ། ། ཚིག་འཛིན་ནོར་པའི་རྩོལ་བྱར་མེད།། བགྲོད་དུ་མེད་པའི་ཆོས་ཉིད་ལ།། བགྲོད་པའི་དཀྱིལ་འཁོར་མིང་དང་བྲལ།། བསམ་དུ་མེད་པའི་ཆོས་ཉིད་ལ།། རྟོག་སེམས་བསམ་པའི་དམིགས་དང་བྲལ།། བརྩལ་མེད
11b8 པ་ཡི་ཆོས་ཉིད་ལ། ། བརྩལ་མེད་ཡེ་ནས་ལྷུན་གྱིས་གྲུབ།། མཐའ་དབུས་མེད་པས་བརྡལ་བ་ཆེ།། ཕྱི་ནང་མེད་པས་ཡོ་གསལ་ཁྱབ།། སྐྱོན་ཡེན་མེད་པར་ལྷུན་གྱིས་རྫོགས།། བསྒྲུབ་དུ་མེད་པས་བརྩལ་སེམས་བྲལ།། གཟུང་དུ་མེད
iiif viewer powered by OpenSeadragon
