| e-texts navigator |
| Wylie |
11a1 ཨུ0f7f།། དེ་བཞིན་སྤྱོད་དང་མི་སྤྱོད་ཀུན།། ཐམས་ཅད་ཐམས་ཅད་འབྱུང་བར་འགྱུར།། དཔེར་ན་ནམ་མཁའི་རང་བཞིན་ལས།། སྤྲིད་དང་དབུན་ཁུག་རླངས་དང་།། ཟླ་བ་ཉི་མ་སྐར་ཚེགས་དག། སྣང་ཡང་ནམ་མཁའ
11a2 བཞིན་དུ་གནས། ། དེ་བཞིན་སེམས་ཀྱི་ནམ་མཁའ་ལས།། མཚན་མའི་ཆོ་འཕྲུལ་ཅི་བྱུང་ཡང་།། ཆོས་ཉིད་ནམ་མཁའ་བཞིན་གནས་པར།། རྣལ་འབྱོར་ཅན་གྱིས་བལྟ་བར་བྱས།། དེ་ལྟ་བུ་ཡི་སེམས་ཉིད་ནི།། རྟོགས་དང་མ་རྟོག
11a3 རང་བཞིན་ལ། ། ལྟ་བའི་ཁྱད་པར་སོ་སོར་བལྟ།། རྟོག་པ་ཅན་གྱི་ངོག་ལ།། རྟོག་པ་འཁྲུལ་པའི་ངོ་བོར་སྣང་།། ཀུན་དུ་ཉེ་ར་འཛེག་ལ་མ་ཚོར་ལ།། ཀུན་དུ་རྡུལ་གྱི་ཕུང་པོར་སྣང་།། ཚོགས་སྤྱོད་སྙིང་རྗེར་ཉེར་འཇོག་ལ།། ཐམས་ཅད
11a4 སྒྱུ་མའི་རང་བཞིན་ལྟར། ། དེ་ཉིད་མཉམ་པར་ཤེས་གནས་ན།། ནམ་མཁའི་རང་བཞིན་མཐོང་བར་གནས།། ཡེ་ཤེས་རང་སྣང་ནམ་མཁའ་ལ།། ནམ་མཁའ་ཉིད་དུ་སྣང་བར་ཟད།། བརྗོད་བྲལ་མཐོང་མེད་དམིགས་དང་བྲལ།། མཐོང
11a5 བ་མེད་པའི་དོན་འདི་ནི། ། སྔོན་གྱི་རྒྱལ་བ་རྣམས་ཀྱིས་བཤད།། བདེ་གཤེགས་སྙིང་པོ་བྱང་ཆུབ་ལ།། དགོངས་པ་འདི་ལས་གང་མི་མདའ།། ལྟ་བ་དེ་དང་ལྡན་བཞིན་དུ།། དམ་ཚིག་ནམ་མཁའ་ལྟ་བུ་ལ།། བསྲུང་དང་མི་བསྲུང
11a6 ཕྱོགས་དང་བྲལ། ། འདིའོ་ཞེས་ནི་བསྲུང་དུ་མེད།། བསྲུང་བའི་རྣམ་གྲངས་ཇི་སྙེད་ཅིག། དུས་གསུམ་རྒྱལ་བས་གསུངས་མོད་ཀྱང་།། བསྲུང་བའི་མདོནི་གཅིག་ཏུ་འདུས།། ནམ་མཁའ་ལྟ་བུའི་རྣལ་འབྱོར་པས།། ནམ་མཁའ
11a7 འདྲ་བའི་དམ་ཚིག་བསྲུང་། ། དེ་ཡང་བསྲུང་དུ་མེད་ན་བདེ།། གཞན་པ་ཐེག་པ་ཆུད་པ་རྣམས།། བསྲུང་བའི་མཚམས་དག་བསྲུངས་ནས་ནི།། སྐྱོན་ཡོན་ཆོས་ལ་བླང་དོར་བྱེད།། བསྲུང་དང་བྲལ་བའི་ཆོས་རྣམས་ནི།། བསྲུང་དུ་མེད་པས
11a8 དེ་བཞིན་གཞག། དེ་བཞིན་པ་ཡི་དམ་ཚིག་ལ།། ཇི་བཞིན་པ་ཡི་བློ་བཞག་སྟེ།། བརྗེད་པ་མེད་པའི་སེམས་ཉིད་ཀྱིས།། བསྲུང་བ་མེད་པའི་དང་དུ་སྔ་མ།། བསྲུང་མེད་ནམ་མཁའི་དམ་ཚིག་འདི།། ཇི་ལྟར་གྲགས་པའི་རང་བཞིན་ལ། སྡོམ
iiif viewer powered by OpenSeadragon
