| e-texts navigator |
| Wylie |
114b1 སེལ། ། འཁོར་གྱིས་དེ་བཞིན་སྐུ་བལྟས་ན།། བྱང་ཆུབ་སྒྲུབ་པ་གཏིང་དཔག་མེད།། མེ་ལོང་བཞིན་དུ་སྐུ་ལ་སྣང་།། དེ་ནས་ས་བཅུའི་རིམ་གྱི་འབྱེད།། བླ་མེད་བྱང་ཆུབ་ཡང་དག་འཐོབ།། ཆོས་སྐུ་དཔག་མེད་བརྗོད་དུ་མེད།། ལོངས་སྤྱོད་ཟད།
114b2 མེད་རིན་ཆེན་གཏེར།། སྦལ་པོ་བྱེ་བ་བསམ་མི་ཁྱབ།། མཚན་དང་དཔེ་བྱད་ཐམས་ཅད་རྫོགས།། སྤྱོད་ཡུལ་ཀུན་དུ་མཎ་ཌ་ལ།། ཚེགས་ཆེན་གཉིས་ཀྱང་རྫོགས་པར་རོལ།། ཐབས་དང་ཤེས་རབས་ཡི་མཆོག། དེ་ལ་སོགས་ཏེ་བསམ
114b3 ཡས་མཆོག། སྐྱེ་ཤི་མེད་པ་གཡུང་དྲུང་སྐུ།། ཉོན་མོངས་ཀུན་གྱི་ཞིང་དུ་གནས།། ཟད་མི་ཤེས་པའི་གཏེར་དུ་འགྱུར།། རྡོ་རྗེ་འཛིན་པ་རིག་པའི་སྐུ།། ཐམས་ཅད་དབྱེར་མེད་མཉམ་པའི་སྐུ།། ཐམས་ཅད་མཁྱེན་འི་ཡེ་ཤེས
114b4 ས། ། དེ་ཚེས་ལྔ་ཀུན་ཀྱང་རྫོགས་ཞེས་བརྗོད་པས།། འཇིག་རྟེན་དྲུག་གི་ཕྱོགས་བཅུ་མཐའ་ཡས་མུ་མེད་པ་ཐམས་ཅད་དུ་དཀྱིལ་འཁོར་བརྗོད་ཀྱིས་མི་ལོང་བ་ཞིང་གི་རྡུལ་སྙེད་ཅིག་གསལ་བར་གྱུར་ཏོ།། དེ་ནས་དེ་བཞིན་གཤེགས
114b5 པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད་སྐུ་དང་། གསུང་དང་ཐུགས་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་།། ཨ་ཧོ།། དམིགས་བྱེ་དམིགས་བྱེད་མི་དམིགས་དཔག་མེད་བསམ་མི
114b6 ཁྱབ། ཡེ་ཤེས་རང་རིག་དཀྱིལ་འཁོར་སྣ་ཚོགས་བརྗོད་མེ་ལང་།། མཉམ་དང་མི་མཉམ་ཀུན་གྱི་ཁྱབ་མེད་ཁྱབ་པའི་དབྱིངས།། ཡེ་ནས་ཀུན་གསལ་དཀྱིལ་འཁོར་རྣམ་འབྲོས་སྤྲོས་པ་མེད།། ཧོ།། རྡོ་རྗེ་གསང་བའི་ཚིག་ཏུའོ།། གསང་བའི
114b7 སྙིང་པོ་དེ་ཁོ་ན་ཉིད་ངེས་པ་ལས་དཀྱིལ་འཁོར་སྤྲོས་པའི་ལེའུ་སྟེ་དྲུག་པའོ། ། དེ་ནས་དེ་བཞིན་གཤེགས་པ་བཙུན་མོའི་ཚོགས་དང་བཅས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ་།། བྷྲཱུཾ་ལི་སྭ་བི་ཤུད་དྷེ། ཧཱུཾ་བཛྲ་དྷྲྀཀ།
114b8 ཨོཾ་ཛི་ན་ཛེ་ཀ། སྥོ་རང་ན་དྷིརྐ། ཨོཾ་ཨཱ་རོ་ལི་ཀ། ཧཾ་པྲཛྙཱ་དྷི་ཀ། མྲྀ་དྷ་ཏྭེ་ཤྭ་རཱི། ལཱཾ་དྷེ་ཥ་ར་ཏེ། མཱཾ་མོ་ཧ་ར་ཏི། བཱཾ་རཱ་ག་ར་ཏི། ཏཱཾ་བཛྲ་ར་ཏི། ཀྵཾ་ཧི་རཱ་ཛ་ཡ། ཏྲཾ་ཨ་ག་དྲ་ཡ། ཏྲི་ཧ་ཧཱུཾ་པད་མ་པད་མ། ཛྷི་ཀུ་རུ་བན་ཏྲེ། ཧཱུཾ་ལཱ་སྱེ་ས་མ
iiif viewer powered by OpenSeadragon
