| e-texts navigator |
| Wylie |
114a1 རིན་པོ་ཆེ། ། གདན་ལ་རྫོགས་དང་སེམས་དཔའི་ཚུལ།། འཁོར་ལོ་རྒྱལ་པོ་རྒྱལ་མོ་དང་།། གཡས་ན་མཐོང་ཐོས་སྡོམ་པ་དང་།། མྱོང་དང་བཙུན་མོའི་ཚིགས་སུ་བཅས།། གྲུ་ཆད་ལ་ནི་མཐོང་བྱེད་དང་།། ཐོས་བྱེད་སྡོམ་བྱེད་མྱོང
114a2 བྱེད་རྣམས། ། བཙུན་མོའི་ཚོགས་དང་བཅས་པར་གནས།། པར་བྱམས་ལ་ནི་ཐུབ་དྲུག་དང་།། མདུན་དང་རྒྱབ་ན་བྱེད་པ་དང་།། བྱ་བ་དག་ནི་གནས་པར་བསྟན།། སྒོ་ཁྱུད་བཞི་ལ་འཇོམས་པ་ནི།། བཙུན་མོའི་ཚོགས་དང་ལྡན་པར་གནས།།
114a3 རྡོ་རྗེ་འཁོར་ལོ་རིན་པོ་ཆེ།། པད་མ་རལ་གྲི་དྲིལ་བུ་འབང་།། ཨུཏྤ་ལ་ཀླུ་ཤིང་ལ་སོགས་མཚན།། མཛེས་ཚུལ་མཉེས་པའི་ཡོ་བྱད་འཛིན།། འཐིང་ཁ་དཀར་པོ་སེར་ལེབ་རྒན།། ལྗང་ཁུ་ལ་སོགས་སྣ་ཚོགས་པའི།། མཉེན་ལྕུག་འཁྲིལ
114a4 ལྡེམ་གཞོན་ཚུལ་ཅན། ། གསལ་འཚེར་ལྷུན་སྟག་གཟི་བྱིན་འབར།། འོད་ཟེར་འཕྲོ་བའི་ཚོགས་ཆེན་པོ།། འབར་བའི་ཕྲེང་བས་འཁྲིགས་པ་སྟེ།། མཐའ་དབུས་མེད་པར་ཁྱབ་པ་ཡི།། དཀྱིལ་འཁོར་བསམ་ཡས་ལྷུན་གྱིས་འགྲུབ།།
114a5 སྐུ་ཡི་ཕྱག་རྒྱ་ཆེ་མཆོག་ནི།། དེ་བཞིན་དབྱིངས་ལས་མ་གཡོས་ཀྱང་།། ཡང་དག་ཐར་པའི་གཟུགས་སྐུ་དང་།། འགྲོ་བ་མ་ལུས་འདུལ་བའི་ཕྱིར།། འཐུན་བྱས་སྐུ་ནི་སྣ་ཚོགས་སྟོན།། སྟོན་ཉིད་སྒྱུ་མ་མི་གཡོར་ཚུལ།། ཚུལ་ཉིད་དབྱིང
114a6 ལས་གཡོས་པ་མེད། ། མ་གཡོས་བཞིན་དུ་སྣ་ཚོགས་པའི།། དེ་ཚེ་མི་མཐུན་སྣ་ཚོགས་ལ།། སོ་སོ་འདྲ་བར་སྣང་བ་ནི།། དེ་བཞིན་ཉིད་ཀྱིས་མ་བཅོས་ཀྱང་།། ལས་འཕྲོའི་དབང་གིས་སོ་སོར་སྣང་།། དཔེར་ན་མེ་ལོང་ཆུ་ཟླ་བ་ཞི།། དེ་ཚེ་འགྲོ
114a7 དྲུག་ཐམས་ཅད་ལ། ། ། སྡིག་སྤོང་གཟུགས་སུ་རྣམ་པར་བསྟན།། དགེ་ཚུལ་རྣམས་ལ་དགྲ་བཅོམ་གཟུགས།། རང་རྒྱལ་རྣམས་ལ་བསེ་རུའི་གཟུགས།། གཞན་ཡང་ཐེག་མཆོག་རིམ་པ་བཞིན།། འོག་མིན་བླ་མེད་གནས
114a8 མཆོག་ཏུ། ། སྐུ་ནི་རྣམ་པར་སྣང་མཛད་ཚུལ།། བྱང་ཆུབ་སེམས་དཔའི་འཁོར་རྣམས་ལ།། དེ་བཞིན་གསུང་མཆོག་མི་སྨྲ་སྟེ།། སྐུ་ཡིས་ཆོས་རྣམས་འཇལ་བར་སྟོན།། མེ་ལོང་བསྟན་པའི་ཚུལ་བཞིན་དུ།། དངོས་ཀྱི་མདོག་ངན་ཐམས་ཅད
iiif viewer powered by OpenSeadragon
