| e-texts navigator |
| Wylie |
112a1 སྟེ་གསུམ་པའོ། ། །། དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གུང་ན་མཉམ་པ་ཆེན་པོའི་ཚུལ་རྡོ་རྗེའི་དབྱིངས་སུ་ཆོས་ཐམས་ཅད་ཡེ་ནས་སངས་རྒྱས་པའི་ཏིང་འཛིན་ལས་མི་གཡོ་བར་ཆོས་ཐམ
112a2 ཅད་མིང་ཙམ་དུ་གནས་པའི་ཡི་གེ་ཕྲེང་བའི་འཁོར་ལོ་ཞེས་བྱ་བ་འདི་སྐུ་དང་། གསུང་དང་། ཐུགས་རྡོ་རྗེ་ལས་ཕྱུང་ངོ་།། ཨ་རབ་ཏུ་བརྟན་གྱུར་ཨ་དཀར་ལས། ཤིན་ཏུ་ཕྲ་བའི་ཨ་རྣམས་སྷོ།། ཕྱོགས་བཅགང་བར་གསལ་གྱུར་ནས། བསྡུས
112a3 ཀྱང་འཕེལ་འགྲིབ་མེད་པར་བསྟན། ། དེ་ལས་མིང་ཚོགས་གསལ་འབར་ཀུན།། སྤྲོ་ཞིང་བསྡུ་བའང་དེ་བཞིན་ནོ།། འདི་ནི་རྡོ་རྗེ་དངོས་གྲུབ་ཀྱི།། བརྟན་ཐུང་ཡེ་ཤེས་ཆུ་ཡིན་ནོ།། ཨ་ཨཱ། ཀ་ཁ་ག་གྷ་།། ཙ་ཚ་ཛ་ཛྷཿ། ཊཊཌཱ་ཌྷ་ཎ། ཏ་ཐད་དྷན།
112a4 བ་བ་བ་བྷ་མ། ཡ་ཝ་ར་ལ་ཤ་ཥ་ས་ཧཀྵ། ཨོཾ་ཨཱི་ཨུ་ཨཱུ། ཨེ་ཨཱི་ཨོ་ཨཽ་འདི་དག་ཕྱུང་བས་འཇིག་རྟེན་དྲུག་གི་ཕྱོགས་བཅུ་མཐས་ཡས་པ་རྣམ་པ་དྲུག་ཏུ་གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་ནས་ཆོས་ཐམས་ཅད་མིང་གི་མཚན
112a5 ཉིད་ཙམ་དུ་གྱུར་ཏོ། ། ཧོཿདེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ།། ཨ་ནི་སྟོང་དང་མི་སྟོང་གི། དབུ་མའང་དམིགས་སུ་ཡོད་མ་ཡིན།། ཐམས་ཅད་མིང་ཙམ་སངས་རྒྱས་ཀུན།། ཡི་གེ་ཕྲེད་པ་ཉིད་ལ
112a6 གནས། ། ཨ་ཉིད་སྣ་ཚགས་པར་སྣང་བའི་ཀ་ལ་སོགས་པ་བཞི་བཅུ་གཉིས།། གྷ་ཡི་མིང་གིས་ཐམས་ཅད་བསྡུས།། མངོན་རྫོགས་རྒྱལ་པོར་དེ་ཉིད་ངེས། ཨེ་མ་ངོ་མཚར་ཡམ་མཚན་གྱི།། འཕྲུལ་ཆེན་བཞི་བཅུ་རྩ་ལྔའི་མིང་། ཚིག
112a7 རྣམས་མ་ལུས་འཛིན་པའི་གནས། སྣ་ཚོགས་དོན་ཆེན་ཀླུ་ཞིང་སྟོན།། དངོས་མེད་ཡི་གེའི་རང་བཞིན་སེམས།། བདག་མེད་མཐའ་བྲལ་མི་དམིགས་ཀྱང་།། དབྱིབས་དང་ཁ་དོག་མིང་ཚོགས་ཀྱིས།། རོལ་པ་ཅིར་ཡང་སྤྲུལ་ཅིང་སྟོན།། ཕྱོགས་བཅུ་དུས
112a8 བཞིར་གཤེགས་པ་ཡིས། ། ཡེ་ཤེས་སེམས་དཔའ་ཀླུ་གསུང་ཐུགས། དཀྱིལ་འཁོར་བཞི་བཅུ་རྩ་ལྔ་ཉིད།། ཡི་གེ་མགོ་ནས། ལ་རྫོགས།། སེམས་ཀྱི་རང་བཞིན་ཡི་གེ་སྟེ།། ཡི་གེའི་དངོས་པོ་ཡོད་མ་ཡིན།། དམིགས་མེད་དེ་ཉིད་སྣ་ཚོགས
iiif viewer powered by OpenSeadragon
