| e-texts navigator |
| Wylie |
110a1 མང་པོ་ཀུན། བྱང་ཆུབ་སེམས་དཔའི་དཀྱིལ་འཁོར་ཉིད། ས་བཅུ་སྨན་དང་མཱ་མ་ཀི། མེ་རླུང་གོས་དཀར་སྒྲོལ་མ་སྟེ།། ནམ་མཁའ་དབྱིངས་ཀྱི་དབང་ཕྱུགས་མ། སྲིད་གསུམ་ཡེ་ནས་སངས་རྒྱས་ཞིང་། ཐམས་ཅད་མ་ལུས་ཆོས་སོ
110a2 ཅོག། སངས་རྒྱས་ཉིད་ལས་གཞན་མ་ཡིན།། སངས་རྒྱས་ཉིད་ལས་གཞན་པའི་ཆོས།། སངས་རྒྱས་ཉིད་ཀྱི་མི་མཉེས་སོ།། ཞེས་བརྗོད་པས། དེ་བཞིན་གཤེགས་པ་ཐམས་ཅད་མཉེས་པར་གྱུར་ཏོ།། དེ་ནས་བཙུན་མོ་བྱབ་མོ་ཆོས་ཀུན་དུ
110a3 བཟང་མོས་བཅོམ་ལྡན་འདས་ཡིད་ཀུན་དུ་བཟང་པོ་དང་གཉིས་སུ་མེད་པར་གྱུར་ནས་ཆེད་རྗོད་འདི་ཡོད། ། ཀྱེ་མ་ཕྱོགས་བཅུའི་སྣོད་ཁམས་ཡེ་ནས་དབེན།། སྲིད་པ་གསུམ་ཉིད་དག་པའི་ཞིང་།། སྙིགས་མ་ལྔ་ཉིད་བདེ་ལྡན་གནས།། ཕུང་པོ
110a4 ཉིད་རྫོགས་སངས་རྒྱས། ཐམས་ཅད་མཆོག་གི་སྙིང་པོ་པས། གཞན་དུ་རྒྱལ་བའི་ཆོས་མི་བཙལ།། ཉིད་ལས་གཞན་ཞེས་བྱ་བའི་ཆོས།། བཙལ་ཀྱང་རྒྱལ་བས་མི་མཉེས་སོ་ཞེས་བརྗོད་པས། ཐམས་ཅད་ཡེནས་སངས་རྒྱས་པར་དེ་བཞིན
110a5 གཤེགས་པ་ཉིད་ཀྱིས་མཁྱེན་ཏོ། ། དེ་ནས་གཉི་སུ་མེད་པའི་བདག་ཉིད་ཆེན་པོས་ཡེ་ནས་སངས་རྒྱས་པའི་སེམས་ཡེ་ཤེས་སུ་བསྐྱེད་པ་འདི་གསུངས་སོ།། ཨེ་མའོ་ངོ་མཚར་སྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང།། བྱེ་བ་མེད་ལས
110a6 ཐམས་ཅད་སྟེ། ། རྒྱས་པ་ཉིད་ནས་སྐྱེ་བ་མེད།། ཨེ་མ་ངོ་མཚར་རྨད་ཀྱི་ཆོས། རྫོགས་པའི་སངས་རྒྱས་ཀུན་གྱི་གསང་།། འགག་པི་མད་ལས་ཐམས་ཅད་འགག། འགག་པ་ཉིད་ན་འང་འགག་པ་མེད།། ཨེ་མ་ངོ་མཚར་སྨད་ཀྱིས་ཆོས།། རྫོགས་པའི་ས
110a7 རྒྱས་ཀུན་གྱི་གསང་། ། གནས་པ་མེད་ལས་ཐམས་ཅད་གནས།། གནས་པ་ཉིད་ན་ལ་གནས་པ་མེད།། ཨེ་མ་ངོ་མཚར་སྤྲད་ཀྱིས་ཆོས།། རྫོགས་པའི་སངས་རྒྱས་ཀུན་གྱི་གསང་།། དམིགས་པ་མེད་ལས་ཐམས་ཅད་དམིགས།། དམིགས་པ་ཉིད་ན
110a8 དམིགས་པ་མེད། ཨེ་མ་ངོ་མཚར་སྨད་ཀྱི་ཆོས།། རྫོགས་པའི་སངས་རྒྱས་ཀུན་གྱི་གསང་།། འགྲོ་འོང་མེད་ལས་འགྲོ་དང་འོང་།། འགྲོ་འོང་ཉིད་ན་འང་འགྲོའོང་མེད།། ཅེས་བརྗོད་པས། དེ་བཞིན་གཤེགས་པ་ཐམས་ཅད་དང་། བཙུན་མོའི་ཚོགས
iiif viewer powered by OpenSeadragon
