| e-texts navigator |
| Wylie |
10b1 དེ་བཞིན་ས་གཞི་ཆེན་པོ་ལྟར།། བླ་མེད་བྱང་ཆུབ་མྱུ་གུ་སྐྱེད།། མེ་ཡི་རང་བཞིན་ལྟར་སྣང་བས།། རྨོངས་པའི་བུད་ཤིང་སྲེག་པར་བྱེད།། རླུང་གི་རང་བཞིན་ཡིན་པས་ན།། མི་ཤེས་པ་ཡི་རྡུལ་ཀུན་སེལ།། ཆུ་ཡི་རང་བཞིན་ཡིན་པས།།
10b2 ན། ཉོན་མོངས་གདུང་བ་ཀུན་སིམ་བྱེད།། སྨན་གྱི་རང་བཞིན་ཡིན་པས་ན།། འཁོར་བའི་གཅོད་རྙིང་རྣམ་པར་འབྱིན།། དེ་ལྟར་རྩིའི་རང་བཞིན་པས།། འཚོ་བ་རྣམས་ཀྱིས་གསོས་སུ་འབབ།། དེ་བཞིན་རྣོ་དཔལ་རང་བཞིན་པས། སྡུག
10b3 བསྔལ་རྒྱ་མཚོ་རྣམ་པར་གཅོད། ། ཉི་མ་ལྟ་བུར་སྣང་བ་ཡིས།། མུན་ཁང་སྣང་སྟོན་སེལ་བར་བྱེད།། རི་རབ་ལྟ་བུའི་རང་བཞིན་པས།། བརྟན་པོ་མི་འགྱུར་གཡོ་བ་མེད།། རྒྱ་མཚོ་ལྟ་བུའི་རང་བཞིན་པས།། མི་གཡོ་བ་ལ་བྱིན་རླབས
10b4 ཆེ། སེམས་ནི་འདི་ལྟར་ཆོ་འཕྲུལ་པས།། དེ་ཕྱིར་འཁོར་དང་མྱ་ངན་འདས།། གཉིས་སུ་སྣང་བ་མ་ཡིན་ཏེ།། སེམས་ཀྱི་རང་བཞིན་བཟང་ངན་ལས།། གཉིས་ཀྱི་འདུ་ཤེས་ཕྱེ་སྟེ་བསྟན།། སེམས་ལས་ཡང་དག་ཡེ་ཤེས་འབྱུང་།།
10b5 དེ་བཞིན་བདེ་དང་སྡུག་བསྔལ་འབྱུང་།། ཆོས་དང་སངས་རྒྱས་ཡེ་ཤེས་འབྱུང་།། དགེ་འདུན་ཡང་ནི་དེ་བཞིན་ནོ།། འདི་ལས་ཕ་རོལ་ཕྱིན་ཚོགས་དང་།། བྱང་ཆུབ་དང་ནི་པད་མོ་འབྱུང་།། འདི་ལས་རྡོ་རྗེ་སེམས་དཔའ་དང་།། དྲི་མེད
10b6 རིན་ཆེན་དཔའ་བྱིན་འབྱུང་། ། དེ་བཞིན་རྡོ་རྗེ་དཔག་མེད་དང་།། སྣ་ཚོགས་རྒྱལ་བ་འདི་ལས་བྱུང་།། འདི་ལས་ཕྱག་རྒྱ་སྣ་ཚོགས་དང་།། རིག་པའི་སྙིང་པོ་ཐམས་ཅད་འབྱུང་།། འདི་ལས་འདོད་ཆགས་ཞེ་སྡང་དང་།། སྡུག
10b7 བསྔལ་ང་རྒྱལ་ཕྲག་དོག་འབྱུང་། ། གཏི་མུག་དག་ཀྱང་དེ་བཞིན་ཏེ།། འདི་ལས་ཁམས་གསུམ་ཐམས་ཅད་དང་།། སྐྱེས་པ་བུད་མེད་མ་ནིང་འབྱུང་།། འདི་ལས་འདོད་དང་འདོད་གཟིར་དང་།། ཉོན་མོངས་གདུང་འདོད་ཆགས་པ
10b8 འབྲིང་། རི་དང་སྐྱེ་བོ་དེ་བཞིན་དུ།། ནམ་མཁའ་དང་ནི་རླུང་དག་དང་།། སྲེད་པའི་མེ་ནི་རབ་ཏུ་འབྱུང་།། འདི་ལས་ས་དང་ཆུ་དང་ནི།། རྡོ་དང་ས་བོན་མྱུ་གུ་འབྱུང་།། དེ་བཞིན་གློག་དང་སྐར་མ་དང་།། ཉི་མ་ཟླ་བ་སྤྲིན་རྣམས་འབྱུང་།།
iiif viewer powered by OpenSeadragon
