| e-texts navigator |
| Wylie |
108b1 འགྲོ་དྲུག་སྒྲོལ། ། རྟོག་འཇོམས་ཡེ་ཤེས་རྡོ་རྗེ་ཚེ་འཕྲུལ་འཕྲོ།། ངས་པའི་དོན་གསུངས་གཉིས་མེད་སྟོན་པའི་སྐུ།། སྨྲ་བའི་སེང་གེ་ཁྱོད་ལ་ཕྱག་འཚལ་ལོ།། རིན་ཆེན་གཏེར་ལྡན་འདོད་དགུར་ཀུན་སོང་ཞིང་།། ལུང་དང་རིགས་པ་གཏན་ཚིག
108b2 ཀུན་གྱི་མཛོད། ། བཛྲ་ཅན་ཡང་དག་ལེན་པའི་མེ་ལོང་གསལ།། རྡོ་རྗེ་ཀུན་འདུས་འཇིགས་བྱེད་རྒྱལ་པོའི་བྱུང་།། ཆོས་ཀྱི་མེ་ལོང་འདི་ལ་བདག་ཅག་འདུད།། རྒྱུད་ཀྱི་རྒྱལ་བ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རོ
108b3 མཚར་བསྟོད་པའི་ལེའུ་སྟེ་སུམ་བཅུ་རྩ་གསུམ་པའོ། ། རྒྱུད་ཀྱི་རྒྱལ་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་རྫོགས་སྷོ།། །། ། རྒྱ་གར་སྐད་དུ། ཤྲཱི་གུ་ཧྱ་གརྦྷ་ཏ་ཏཱ་བི་ནི་ཐུ་མ་ཁོད
108b4 སྐད་དུ། དཔལ་གསང་བའི་སྙིང་པོ་དེ་ཁོ་ན་ཉིད་རྣམ་པར་ངེས་པ། བཅོམ་ལྡན་འདས་དཔལ་ཀུན་དུ་བཟང་པོ་ལ་ཕྱག་འཚལ་ལོ།། འདི་སྐད་བཤད་པའི་དུས་ན། དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས
108b5 བཅོམ་ལྡན་འདས་ལོངས་སྤྱོད་ཆེན་པོའི་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བདག་ཉིད.་ལུས་མི་ལུས་ལུས་པ་མེད་པ་ཐམས་ཅད་དང་སོ་སོ་མ་ཡིན་ཐ་མི་དང་དབྱེར
108b6 མེད་པར་རང་བཞིན་ཏེ། ། འོག་མིན་གྱི་གནས་མཐའ་དང་དབུས་མེད་པན་གཞི་ཚད་མེད་པའི་ཡེ་ཤེས་ཀྱི་འཁོར་ལོ་གསལ་བ་ལ་ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན
108b7 དཔག་ཏུ་མེད་པར་རྒྱས་པའི་ཕྱིར་གྲུ་བཞིར་གྱུར་པ། ། ལྷག་པའི་ཡེ་ཤེས་རིན་པོ་ཆེའི་གློ་འབུར་གྱིས་མཛེས་པ། རྩེ་མོ་ཕྱོགས་བཅུ་དུས་བཞིའི་སངས་རྒྱས་ཀྱི་དཀྱིལ་འཁོར་མ་ལུས་པ་ཐམས་ཅད་དང་སོ་སོ་མ་ཡིན་ངོ་བོ་ཉིད་གཅིག
108b8 པའི་ཡེ་ཤེས་ཀུན་དུ་འཁྱིལ་པ། ། ཡེ་ཤེས་བསམ་གྱིས་མི་ཁྱབ་པའི་ཡེ་ཤེས་རིན་པོ་ཆེའི་དབྱིབས་དང་ཁ་དོག་ལ་སོགས་པ་རྣམ་ཐ་དད་པའི་བྱེ་བྲག་དང་ཁྱད་པར་དུ་གྱུར་པ། སྤགས་པ་ཚད་དཔག་ཏུ་མེད་པ་ཡེ་ཤེས་རིན་པོ་ཆེ་སྣ་ཚོགས
iiif viewer powered by OpenSeadragon
