| e-texts navigator |
| Wylie |
108a1 ཐོབ་བསྐུར་བར་འགྱུར།། དབང་གི་ཚད་ནི་འདི་ལྟ་སྟེ།། དད་ལྡན་སྲི་ཞུར་ལྡན་པ་ལ།། གསང་བ་ཉན་པའི་དབང་ཆེན་བསྐུར།། རྣམ་བཞི་ལས་ཀྱི་དོན་ཚད་ན།། ལས་རྣམས་བྱེད་པའི་དབང་ཐོབ་པོ།། ལྟ་བའི་དམིགས་བུས
108a2 ཆོས་མཐོང་ན། ། རྒྱལ་ཐོབ་འཆང་བའི་དབང་ཐོབ་པོ།། རྐྱེམཐུབ་ཚད་མ་གསུམ་ལྡན་ན།། བླ་མ་རྡོ་རྗེ་སློབ་དཔོན་དབང་།། དམ་པ་མཛོད་གསུང་ཐམས་ཅད་ལ།། ཕྱོགས་མེད་པར་ནི་འཆད་ཤེས་ནས།། རབ་འབྱམ་རྒྱལ་བའི་དབང་འཐོབ་པོ།།
108a3 དད་མེད་བློ་ཞན་རྫོབ་པ་ཆེ།། ཚུལ་འཆོས་མཁན་ལར་གཅོད་བྱེད།། དེ་ནི་དབང་གིས་འཚིག་པར་བཤད།། གསང་མེད་བརྗེད་ངས་དབང་མི་འཆགས།། དད་མེད་གཡེལ་རྨུགས་དབང་མི་འགོས།། སྣོད་མེད་བཅུད་བྲལ་ཀུན་སྟོངས་པ།། དེས
108a4 ནི་དབང་ཐོབ་མ་ཡིན་ནོ། ། སྣོད་ལྡན་བཅུད་རྫོགས་དབང་ཐོབ་ན།། དབང་མཆོག་ཐོབ་པའི་རྒྱུ་ཞེས་བཤད་ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་དབང་གི་ལེའུ་ཞེས་བྱ་སྟེ་སུམ་བཅུ
108a5 རྩ་གཉིས་པའོ། ། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་།། སེམས་དཔའི་རྡོ་རྗེ་དམ་པ་རྒྱུད་ཀྱི་རྒྱལ་པོ་ཆེན་པོ་ཀུན་འདུས་རིག་པའི་མདོ་དང་བཅས་པ་ཆོས་ཐམས་ཅད་ཀྱི་མེ་ལོང་ཡིན་པར་རིག་ནས།
108a6 འདུས་པ་ཕལ་མཆེའི་འཁོར་རྣམས་ཀྱིས་ཤིན་དུ་ངས་ཞིང་ངོ་མཚར་སྐྱེས་ནས། བསྟོད་པ་ཤིན་ཏུ་དགའ་བ་ཆེན་པོའི་ཀླུ་འདིས་བླངས་ས།། ཨེ་མ་ཧོ།། ཉེས་བཅོམ་ལེགས་ལྡན་མཚན་ཞིང་མཐའ་ལས་འདས།། དཔག་མེད་བྱམས་སེམས
108a7 དོན་གྱིས་བདག་གཞན་དཔལ། ། དོན་དམ་གསང་སྦས་ནམ་མཁའི་དཀྱིལ་དུ་འཁྱིལ།། རྗེ་ཆེ་མཆོག་དབང་ཕྱུག་ཀུན་གྱི་བདག། འཛིན་པ་མེ་ཏོག་ཤ་རུས་ཁྲག་ལ་རོལ་ཐུགས་ཀྱི་གདུང་ཐག་འཁོར་བའི་མཐའ་ལ་རྗེ།། ཡུལ་མེད་མ
108a8 སྐྱེས་མཚན་མའི་གཡུལ་ལས་རྒྱལ། ། བདེ་མཆོག་རྒྱལ་པོ་ཁྱོད་ལ་ཕྱག་འཚལ་བསྟོད།། ཤེས་རབ་ཆེན་པོ་ནམ་མཁའི་ཉི་མར་གསལ།། བྱང་ཆུབ་སེམས་ཀྱི་འོད་ཟེར་དབྱིངས་སུ་འཆར།། དཔའ་བཏུལ་མྱུར་བའི་ཤུགས་ཀྱིས
iiif viewer powered by OpenSeadragon
