| e-texts navigator |
| Wylie |
107b1 གསུམ་སྒྲོལ་བ་བྱ་བ་ཡི།། དབང་མཆོག་ཆེན་པོའི་སྦྱིན་པའི་ཕྱིར།། ཀ་ཏ་ར་ལ་སོགས་མཚོན་ཆ་རྣམས།། དབང་ཐོབ་ད་ཡི་ལག་ཏུ་སྦྱིན།། འཁོར་བའི་ཆོས་ལ་ཅིང་སྤྱད་ཀྱང་།། སྐྱོན་གྱི་གོས་པར་མི་འགྱུར་བའི།། རྟགས་ཀྱི་ཕྱག་རྒྱ་ཆེན་པོ་ནི།།
107b2 ནམ་དག་རྫས་ཀྱི་པད་མ་སྦྱིན།། ལས་རྣམས་རྫོགས་པར་གྱུར་པ་ཡི།། དབང་མཆོག་ཐོབ་པའི་རྟགས་ཆེན་ནི།། སྟེར་འི་དབྱུག་པ་ཆེན་པོ་དག། དབང་ཐོབ་དེ་ཡི་ལག་ཏུ་སྦྱིན།། ཡུམ་དང་གཉིས་མེད་འཁྲིལ་བ་ཡི།། ཆོས་ཉིད་དོན་དང་གཉིས
107b3 མེད་རྟགས། ། སྦྲུལ་ནག་འཁྲུལ་པའི་ཆུན་པོ་འདི།། དབང་ཐོབ་དེ་ཡི་ལག་ཏུ་བྱིན།། གསང་བ་སྦྱོར་བའི་ཤེས་རབ་མ།། དྲི་མེད་རྣམ་དག་ལྷ་མོ་ཞིག། མཚན་ལྡན་ཤིན་དུ་བརྒྱད་བྱས་ལ།། དབང་ཐོབ་དེ་ལ་བྱིན་པར་བྱ།། དབང་ཐོབ་རྒྱལ་པོ
107b4 ཆེན་པོ་དེ། ། ཀུན་གྱི་བདག་པོ་ཡིན་པས་ན།། རོལ་མོ་དྲི་དང་ཞལ་ཟས་དང་།། འདོད་ཡོན་ལྔ་ལ་སོགས་པ་དང་།། ཉེ་བའི་ལོངས་སྤྱོད་རྒྱན་རྣམས་ཀུན།། ཐམས་ཅད་ཐམས་ཅད་སྦྱིན་པར་བྱ།། སྒྲུབ་པའི་རྒྱལ་པོ་དེ་ལ་ནི།། སྒྲུབ་པའི་ལས་ལ
107b5 དབང་ཐོབ་ཕྱིར། ། རྡོ་རྗེ་སེམས་དཔའ་ལ་སོགས་པ།། རྒྱལ་བ་ཐམས་ཅད་བསྒྲུབ་པ་དང་།། རྡོ་རྗེ་ཚེ་དང་སྨན་ལ་སོགས།། བསྒྲུབ་པ་མ་ལུས་བསྒྲུབས་ཤིག་ཅེས།། བསྒྲུབ་རྫུ་ཐམས་ཅད་སྦྱིན་པར་བྱ།། རྒྱལ་བ་སངས་རྒྱས་ཐམས་ཅད་དང་།།
107b6 དབང་ཐོབ་དེ་གཉིས་གཅིག་པའི་ཕྱིར།། རིག་འཛིན་རྡོ་རྗེ་རྩལ་གྱི་དབང་།། རྡོ་རྗེ་མིང་ནི་སྦྱིན་པར་བྱ།། བསྒྲུབ་པའི་དབང་དང་རྫས་མཆོག་དང་།། གསང་བའི་བདག་པོ་ཡིན་པས་ན།། གསང་བའི་དབང་མཆོག་སྦྱིན་པར་བྱ།། དགའ་བ་བྱང
107b7 ཆུབ་སེམས་ཆེན་པོ། ། ཀུན་དུ་ཚིམ་པར་བྱེད་པ་ཡི།། དཀར་དམར་ལྷག་པའི་བྱང་ཆུབ་སེམས།། དབང་ཐོབ་དེ་ཡི་ལྕེ་ལ་གཞག། བརྩལ་མེད་བྱང་ཆུབ་སེམས་ཆེན་པོ།། ཤེས་རབ་ཆེན་པོའི་རྩལ་གྱིས་ནི།། ཆོས་སྐུ་སྒྱུ་མར་དབང་བསྐུར་ན།
107b8 རྩལ་ཆེན་རྫོགས་པའི་དབང་ཡིན་པས།། རྫས་དང་ཚིག་དང་གང་ཟག་དང་།། ཀུན་རྫོབ་དབང་དེ་མ་ཐོབ་ཀྱང་།། ཆོས་ལ་སེམས་ཀྱི་དབང་ཐོབ་ན།། རྒྱལ་བའི་རིག་འཛིན་ཐམས་ཅད་དང་།། སྲིད་གསུམ་དབང་ཅན་ཐམས་ཅད་ཀུན།། དེ་ལ་དབང་།།
iiif viewer powered by OpenSeadragon
