| e-texts navigator |
| Wylie |
106a1 སོ། ། འདུས་པ་ཆེན་པོའི་རྣལ་འབྱོར་པ།། སྲིད་པ་གསུམ་གྱིས་ཕྱག་བྱས་པས།། བླ་མའི་ས་ལ་གནས་པ་ནི།། གསང་མཆོག་སུམ་བཅུ་རྩ་དྲུག་ཡིན།། ཕྱི་ཡི་དབང་དང་ནང་ཀི་དབང་།། བསྒྲུབ་པའི་དབང་དང་གསང་པའི་དབང་།།
106a2 བཅུ་དང་བཅུ་གཅིག་བཅུ་གསུམ་དང་།། རྣམ་པ་གཉིས་ཀྱིས་རྫོགས་པར་འགྱུར།། དེ་ལ་དང་པོ་སྦྱིན་པའི་དབང་འདི་ཡིན་ཏེ། ཨོཾ་ཧཱུཾ་ས་ཧྲིཧ། ཀུན་གྱིས་འདའ་བར་དཀའ་བ་ཡི།། ཚིག་བཙན་ཡུལ་ལ་དབང་སྒྱུར་བ།། རྒྱལ་པོ་བཀའ
106a3 རྟགས་ཕྱག་རྒྱའི་དབང་། ། སྐུ་ལྔ་ཡོངས་སུ་རྫོགས་པར་འགྱུར།། རིགས་རྣམས་སོ་སོའི་རྒྱུད་འཛིན་ཅིང་།། རྟགས་ཀྱི་མཚན་མཆེན་པོ་ནི།། སྦྱོར་བ་ཆེན་པོའི་ཕྱག་མཚན་ཏེ།། དམ་ཚིག་ཕྱག་རྒྱ་རྫོགས་པར་འགྱུར།། ཤེས་རབ་གཟུང
106a4 ཀྱི་གསང་མཆོག་ནི། ། དོན་དང་ལྡན་པར་འགྱུར་བ་ཡིས།། མཐའ་གཉིས་དག་ཏུ་མི་གཏོང་བའི།། གཟུངས་མའི་རྒྱལ་མོ་ཆེན་མོ་ཡིན།། གཉིས་མེད་ཡོངས་སུ་རྫོགས་པ་ན།། ཐམས་ཅད་བདེ་བ་ཆེན་པོའི་ངང་།། བྱང་ཆུབ་སེམས་དང
106a5 དོན་དུ་འབྲེལ། ། ཤེས་རབ་ཆེན་པོ་རྫོགས་པའི་དབང་།། བཀྲ་ཤིས་ཆེན་པོ་བུམ་པ་ནི།། བདེ་གཤེགས་གཞུགས་པའི་ཕོ་བྲང་སྟེ།། དཀྱིལ་འཁོར་རྫོགས་པར་གྱུར་པ་ཡི།། དབང་ཆེན་དེ་ལ་སྦྱིན་པར་བྱ།། གསང་བའི་བསྟན་པ་རྒྱས་ནས
106a6 ནི། ། ཡུན་རིངས་གནས་པར་འགྱུར་བ་ཡི།། བཀྲ་ཤིས་རྫས་ཀྱི་དབང་མཆོག་ཀྱང་།། གནང་བ་ཆེན་པོ་སྦྱིན་པར་བྱ།། དོན་རྣམས་གྲུབ་པར་འགྱུར་བ་ཡི།། འདོད་དགུར་རེ་སྐོང་རིན་པོ་ཆེ།། རྒྱལ་སྲིད་རིན་ཆེན་སྣ་བདུན་གྱིས།། རྒྱལ་པོ
106a7 མཆོག་ཏུ་དབང་སྐུར་རོ། ། རིན་ཆེན་པད་མ་སེང་གེའི་ཁྲི།། བླ་མར་གྱུར་པའི་གདན་མཆོག་དེ།། ཁྱད་པར་ཆེན་པོར་གྱུར་པའི་དབང་།། ཁྲི་ཆེན་དག་ལ་གཞག་པར་བྱ།། ཅོད་པན་མེ་ཏོག་ཕྲེང་ལ་སོགས།། དབང་མཆོག་བརྗིད་པའི
106a8 རྒྱན་གྱིས་ཀླུབས། ། དབུ་རྒྱན་དོ་ཤལ་ས་མོ་དོ།། དཔུང་རྒྱན་རྐང་གདུབ་ལག་གདུབ་རྣམས།། དབང་ཐོབ་རྒྱལ་པོས་དེ་ལ་སྦྱིན།། དབང་ཐོབ་མཛེས་པས་བརྗིད་པའི་རྒྱལ་པོ་དེ།། དབང་ཕྱུག་ཡིན་པས་དེ་ལ་ཀུན་ཕྱག་འཚལ།། རྡོ་རྗེ
iiif viewer powered by OpenSeadragon
