| e-texts navigator |
| Wylie |
105a1 ནི་རྡོ་རྗེ་གླུ་འཁོར་ལོ། ། ཡེ་ཤེས་རྒྱན་གྱིས་ལས་ཡིན་ནོ།། ཞེས་སེམས་དཔའི་རྡོ་རྗེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་ཀླུའི་ལེའུ་ཞེས་བྱ་སྟེ་སུམ་བཅུ་པའོ།།
105a2 དེ་ནས་ཡང་སེམས་དཔའི་རྡོ་རྗེ་དེས་རྡོ་རྗེ་རྣལ་འབྱོར་འཇུག་པ་ཞེས་བྱ་བའི་ལེའུ་འདི་གསུངས་སོ།། འདུས་པ་ཆེན་པོའི་རྣལ་འབྱོར་པ།། གསང་བའི་དཀྱིལ་འཁོར་དམ་པ་འདིར།། གང་དག་འཇུག་པར་བྱེད་པའི།། རྣལ་འབྱོར་རིགས་ཀྱི་བུ་རྣམས་ཀུན།།
105a3 སྟོང་གྱུར་པ་ཀུན་བསྡུས་ནས།། བྱང་ཆུབ་མཆོག་གི་སེམས་བསྐྱེད་དེ།། ཚིག་འདི་བརྗོད་དེ་གནས་པར་བྱ།། ཨེ་མ་བདེ་མཆོག་དགའ་འཚལ་འདིར།། བདག་ཅག་ཀུན་ཏུ་འཛག་པར་འཚལ།། དགའ་བ་བྱང་ཆུབ་སེམས་བསྐྱེང་ནས།། གསང
105a4 བའི་དོན་འདི་སྤང་བར་བགྱི། ། དེ་སྐད་གསོལ་ཏེ་ཞུས་པ་དང་།། གསང་བ་མཆོག་གི་བདག་པོ་ཡིས།། རྒུང་སྦྱང་རྒྱུད་དྲུག་ལས་སྒོ་གཅད།། རིག་པ་འཛིན་པའི་རྣལ་འབྱོར་ཀུན།། དཀྱིལ་འཁོར་ཆེན་པོ་གསལ་བཏོན་ཏེ།། ཕྱག་རྒྱ་པར་དང
105a5 བཅས་པ་ཡི། ། འཁོར་བའི་རྒྱུད་རྣམས་སྦྱང་བར་བྱ།། འཇུག་པ་དེ་ཡི་གནས་ལྔ་རུ།། རྒང་དུག་ས་བོན་བསྐྱེད་ནས་ཀྱང་།། ལྕེ་ལྔ་དག་གིས་གནན་པར་བྱ།། བཅུག་པ་དེ་ཡི་སྤྱི་བོར་ནི།། བ་ཡི་ཡེ་ཤེས་ལ་བསྐྲུན་པ།། པད་མ་ཁ་བཞི་ལྟེ
105a6 བལ། ། མི་དང་ལྷའི་ས་བོན་དེགང་།། ཤར་ལྷོ་རབ་དང་བྱང་དག་ཏུ།། ལྷ་མིན་དུད་འགྲོ་ཡི་དགས་དང་།། དམྱལ་བ་རྣམས་ཀྱིས་བོན་གདབ།། ཧཱ་གི་ལམ་སྒོགཅད་པར་བྱ།། ལག་གཉིས་མཐེའ་ཆུང་མཐེ་བས་གནན།། སོར་མོ་གསུས་སྣང
105a7 དཔྲལ་བར་བསྣོལ། ། ལྷ་དང་ལྷ་མིན་གནས་དག་ཏུ།། མཾ་གཏང་བཟློག་པའི་ཕྱག་རྒྱ་ཡིན།། ལག་གཉིས་བསྣོལ་ནས་མཚན་ཁང་བསམ།། མེའི་ཁམས་ནས་བཟློག་པའི་རྒྱ།། ཁུ་ཚུར་བཅངས་ཏེ་འབྲུ་བསྒྲེང་ནས།། གཡོན་གྱི་སྟེང་དུ་མནན
105a8 པ་འདི། ། བྱོལ་སོང་གནས་ནས་བཟློག་པའི་རྒྱ།། ཐལ་མོ་མཉམ་སྦྱར་གུང་རྩེ་སྤྲད།། གུང་མོ་རྒྱབ་ཏུ་སྲིན་ལག་བསྣོལ།། མགུལ་ནས་འཛུབ་མོས་འཁྱུད་པ་ནི།། ཡི་དགས་ཁམས་ལས་བཟློག་པའི་རྒྱ།། གཡོན་ཐེག་གཡས་ཀྱི་རྒྱབ་སྦྱར་ཏེ།། སྲིན
iiif viewer powered by OpenSeadragon
