| e-texts navigator |
| Wylie |
103a1 བུ་མོ་ཀླུ་ཡིས་སྟེན། ། བདུད་དང་སྲིན་པོ་ཀླུ་ཡིས་འདུལ།། དངོས་གྲུབ་རྒྱ་མཚོ་ཀླ་ཡིས་འབེབས།། ཆོས་ཉིད་དབྱིངས་ཀྱི་ཀློང་དཀྱིལ་ནས།། དཔལ་བེའུ་ཉི་མ་དགུ་ཤར་བས།། རྣམ་ཐར་སྒོ་བཞི་རབ་གསལ་ཡང་།། མ་རིག་མུ།
103a2 གནག་འཐིབས་པ་ཡིས།། བསྒྲིབས་པར་རིག་པའི་སྒོ་མོ་བྱ།། འཁོར་བའི་མུན་གནག་གློང་དུམ་ན།། བྱང་ཆུབ་སེམས་ཀྱི་ཟླ་ཤར་བས།། མུན་གསལ་རྣམཐར་སྒོ་བཞིར་སྣང་།། རིན་ཆེན་འབར་བའི་ཉི་མ་རྣམས།། དཔལ་ཆེན་ཐུགས
103a3 ནས་འོད་ཤར་བས། ། བག་ཆགས་སྤྲིན་མཐོངས་བྱེ་བ་རུ།། རྣལ་འབྱོར་ཐུགས་ཀར་ཟེ་བབ་པས།། མུན་གསལ་རིག་པའི་སྒོ་ཕྱེ་སྟེ།། རྣལ་འབྱོར་དོན་ལ་འཇུག་པར་བྱ།། རིག་པ་ཐུགས་ཀྱི་དཀྱིལ་འཁོར་ནས།། རུ་ལུའི་འོད་ཟེར་སྒོ་ཕྱེ
103a4 བས། སྤྲོས་པས་ཆོ་འཕྲལ་སྣ་ཚོགས་འབྱུང་།། སྲིད་པ་གསུམ་གྱི་བྱེ་བྲག་ཕྱེད།། འཁོར་བའི་རྒྱ་མཚོ་གཏིང་ནས་སྐེམས།། ཉོན་མོངས་རྒྱུ་དྲུག་གནས་ནས་སྒྲོལ།། དུག་གསུམ་རྩ་བརྩད་ནས་གཅོད།། བདུད་དང་སྲིན་མོ་གདུག་པ
103a5 འདུལ་བྱིན་རླབས་དངོས་གྲུབ་ཆར་ལྟར་འབེབས། ། ཇི་ལྟར་དབང་པོའི་སྒོ་ཕྱེ་ནས།། འཛུམ་འདངས་གསལ་བར་འབྱུང་བ་ལྟར།། དཔལ་བེའུ་ཐུགས་ཀྱི་སྒོ་ཕྱེ་བས།། རུ་ལུའི་འོད་ཟེར་ཡིག་འབྲུ་ཤར།། འཐིང་ནག་སེར་ནག་དམར
103a6 ནག་ལྗང་། སྨུག་ནག་འབར་བའི་ཡིག་འབྲུ་རྣམས།། ཡི་གེ་རིགས་ཀྱི་ཕྲེང་བར་དྲང་།། རྒྱངས་ཀྱི་བསྐུལ་དང་གར་གྱིས་གདབ།། བསྟེན་བཀོས་ཉེ་བར་གྱུར་པ་ལ།། འཇིམ་གོས་མངོན་གསུམ་གསལ་བར་བྱ།། འབིར་ཀས་གཉིས
103a7 མེད་པ་ལ། ། འདྲེན་གོས་ཡི་གེའི་ཕྲེང་བ་དྲང་།། དེ་ཉིད་ལ་ནི་གླུ་དྲུག་སྟེ།། ཤ་ཏ་བ་དང་གར་ཏ་བ།། ཅང་ཀ་དེའུ་དང་པང་ཀ་དེའུ།། བྲེང་ངེ་བ་དང་དུང་ངེ་བ།། གླུ་ཡི་ཡན་ལག་སུམ་བརྒྱས་ནི།། རྒྱལ་བ་མཉེས་པའི་མཆོག་ཏུ་འགྱུར།། ཀླུ་མ
103a8 རྒྱལ་པོ་འདི་དྲུག་གིས། ། དོན་དྲུག་ཡོངས་སུ་རྫོགས་པར་འགྱུར།། ཤ་ཏ་པ་ཡི་གླུ་བླངས་པས།། གདུག་བྱེད་ཐམས་ཅད་སྤ་ཡང་སྐོང་།། གར་ཏ་པ་ཡི་གླུ་བླངས་པས།། གནོད་བྱེད་ཐམས་ཅད་རྡུལ་དུ་རློག།། ཅང་ཀ་དེའུ་ཡི་གླ་བླང
iiif viewer powered by OpenSeadragon
