| e-texts navigator |
| Wylie |
100a1 བཅས་པ་རྣམས། ། བརྡའི་ཚུལ་དུ་བྲིས་ནས་ནི།། ར་རྣམས་ཁྱད་པར་བགོད་པར་བྱ།། དེ་ནས་རོ་ཡི་ཕུང་པོ་།། རྟེན་ནམ་གླེགས་སམ་སྟེངས་བུ་ཡི།། སྟེང་དུ་མཁས་པས་གཞག་པར་བྱ།། ཐབ་ཀྱི་ཆོག་བརྩམ་པ་ནི།།
100a2 མཎཌལ་འཁོར་ཁྱུད་ཙམ་ཞིག་ལ།། དཀྱིལ་འཁོར་གང་དང་གང་ཡིན་པའི།། ཕྱག་རྒྱ་བཞུགས་པའི་ཕོ་བྲང་དག། ཐིག་གིས་ཡུལ་བཅད་སོ་སོར་བྱ།། དེ་ཡི་སྟེང་དུ་ཤིང་བརྩིག་པ།། དབྱིབས་ནི་གྲུ་བཞི་གཏམས་པ་ལ།།
100a3 བཞི་ཀ་བ་བཞིས་བརྟན་བྱ།། སུམ་རྩེག་ཡང་ཐོག་པར་ཁང་བཅས།། མཐའ་མ་ཤིང་གིས་བརྫང་བར་བྱ།། བར་ཁང་དག་གི་གླེགས་མ་ལ།། རོ་ཡི་བཞིན་ཕྱོགས་ཤར་དུ་བསྟན།། རོ་ཡི་སྟེང་གི་ཁང་པ་ལ། རས་སམ་ཤེག།
100a4 ཤོ་ག་ལ་བྲིས་པའི།། ཕྱག་རྒྱའི་དཀྱིལ་འཁོར་གསལ་བར་དགོད།། རོ་ཁང་གློ་སྐར་བཞི་ཕྱེ་ལ།། ཐུགས་རྗེ་གཟུངས་ཐག་བཞིས་བཏགས་ནས།། ཕྱོགས་བཞི་བླ་མ་བཞི་ལ་དབུལ།། ཤིང་གི་ཆོ་ག་རྫོགས་པ་དང་།། ཤིང་གི
100a5 བྱི་མཐའ་སྟེགས་བུ་ལ། ། ཕྱག་རྒྱའི་ལྷ་རྣམས་རིམ་པར་དགོད།། སྟེགས་བུ་རྫོགས་པར་གྱུར་པ་དང་།། རྡོ་རྗེ་ལས་ཀྱི་སྒོས་གདབ་པ།། རྡོ་རྗེ་རྒྱལ་པོ་བླ་མ་ལ།། འཁོར་བ་བསྲེག་པའི་མངའ་གསོལ་ཏེ།། ཏིང་འཛིན
100a6 ཡེ་ཤེས་རྩེ་གཅིག་པས། ། མེ་ཡི་འདུ་འཕྲོ་རྒྱུན་དུ་བྱ།། རྡོ་རྗེ་ལས་ཀྱི་ཀརྨ་ལ།། ལས་རྣམས་རྫོགས་པའི་མངའ་གསོལ་ཏེ།། ལས་ཀྱི་ཕྲེང་བ་རྫོགས་པར་བྱ།། རྡོ་རྗེ་ཆེན་པོའི་བླ་མ་ཞིག། རོ་ཡི་ཉེས་པའི་མཐུ
100a7 བཟུང་ནས། ། ལས་ཀྱི་བསགས་པ་བགྲང་ཞིང་བཤགས།། རྡོ་རྗེ་སྐབས་སྦྱར་བླ་མ་ཡིས།། བདུད་རྩི་སྐབས་ཀྱི་མཆོད་པ་སྒྲེང་།། རྡོ་རྗེ་བྲོ་གར་གླུ་ཚིག་གིས།། སྐབས་ཀྱི་གླུ་གར་མཆོད་པ་དག། རོལ་མོས་གྲངས་སྟེ།
100a8 དབུལ་བར་བྱ།། རྡོ་རྗེ་གནས་ཀྱི་སྨོན་ལམ་ནི།། སྐབས་དང་ལས་ཀྱི་འཇུག་ཏུ་གདབ།། རྡོ་རྗེ་ལས་ཀྱི་ལྟད་འཛིན་པས།། རྩ་བརྒྱད་ལས་ཀྱིས་གྲངས་བཟུང་སྟེ།། དཀར་བྱང་བླ་མའི་ཕྱག་དུ་དབུལ།། རོ་ཡི་ལས་ངན།
iiif viewer powered by OpenSeadragon
