| e-texts navigator |
| Wylie |
226b1 ཆུབ་སྤྱད་པ་སྤྱོད། ། ད་ལྟར་མངོན་པར་དབང་བསྐུར་ཞིང་།། བློ་ལྡན་རྒྱུད་ནི་མཐོང་བ་ལ།། བླ་མ་ལས་ནི་ལུང་ཐོབ་པས།། དཀྱིལ་འཁོར་དག་ནི་བྲི་བར་བྱ།། ཡོན་ཏན་འདི་དང་མི་ལྡན་པར།། གང་ཞིག་དཀྱིལ་འཁོར་འདི་བྱེད་པ།། དེ་ནི་མི་བཟང་སེམས
226b2 དམྱལ་ལྟུང་། ། སློབ་མ་རྣམས་ཀྱང་དོན་མེད་འགྱུར།། མུ་ག་དང་ནི་ནད་མང་དང་།། ཐན་པ་དང་ནི་འཆེ་བ་འབྱུང་།། རྒྱལ་པོ་རྣམས་ཀྱང་འཐབ་པ་དང་།། ཆོམ་རྐུན་ལ་སོགས་འཇིགས་པ་འབྱུང་།། དེ་དང་དེའི་རྒྱུ་རྣམས་ཀྱིས།། སློབ་མ་རྣམས་ཀྱང་།
226b3 ཕུང་བར་འགྱུར།། དཀྱིལ་འཁོར་ཆོག་མི་ལྡན་པར།། བྲིས་ན་བླ་མ་ངེས་པར་འཆི།། དེ་བཞིན་གཤེགས་རིགས་དཀྱིལ་འཁོར་དུ།། གང་ཞིག་ལེགས་པར་དབང་བསྐུར་བ།། དེ་ནི་རིགས་རྣམས་གསུམ་ཅར་གྱི།། དཀྱིལ་འཁོར་ལ་སོགས
226b4 སློབ་དཔོན་འགྱུར། ། འཕགས་པ་སྤྱན་རས་གཟིགས་དབང་གིས།། དཀྱིལ་འཁོར་དུ་ནི་དབང་བསྐུར་བ།། དེ་ནི་རིགས་གཉིས་དཀྱིལ་འཁོར་གྱི།། སློབ་དཔོན་དུ་ནི་དབང་བསྐུར་འགྱུར།། ཕྱག་ན་རྡོ་རྗེ་གཟི་ཆེན་གྱི།། དཀྱིལ་འཁོར་དུ་ནི་དབང
226b5 བསྐུར་བ། ། དེ་ནི་རྡོ་རྗེ་རིགས་གཅིག་གི། དཀྱིལ་འཁོར་གྱི་ནི་སློབ་དཔོན་འགྱུར།། མ་མོ་གནོད་སྦྱིན་དྲག་པོ་ཡི།། དཀྱིལ་འཁོར་གང་དག་ཅི་བཤད་པ།། ཐམས་ཅད་དེ་དག་ཀུན་གྱིས་ཀྱང་།། དོགས་པ་མེད་པར་བྲི་བར་བྱ།། བླ་མས་སློབ་མ་གཅིག
226b6 བུ་ནཾ། དཀྱིལ་འཁོར་དག་ཏུ་དབང་བསྐུར་བྱ།། མཁས་པས་ཅིག་ཅར་སློབ་མ་གཉིས།། དབང་བསྐུར་བ་ནི་ཡོད་མི་བྱ།། གཉིས་སམ་གསུམ་འམ་བཞི་ཡང་རུང་།། བླ་མས་དབང་བསྐུར་བྱ་བ་ནི།། ཡོ་བྱད་སར་བ་གཞན་རྣམས་ཀྱིས།
226b7 ཐམས་ཅད་སོ་སོ་སོ་སོར་བྱ།། རིག་སྔགས་དབང་ནི་ཐོབ་པ་ལ།། སྒྲུབ་པའི་དཀྱིལ་འཁོར་དབང་བསྐུར་བྱ།། དབང་བསྐུར་བའི་ཆོ་ག་དང་།། སྒྲུབ་པའི་ཆོ་གའང་དེ་བཞིན་སྦྱིན།། སློབ་མ་དམ་ཚིག་ཤེས་པ་ནི།། གཞན་རྣམས་ལ་ནི་རང་གི་སྔགས།།
226b8 ཆོ་གར་བཅས་ཤིང་ཕྱག་རྒྱར་བཅས།། ཆོ་ག་རྒྱས་དང་བཅས་པར་སྦྱིན།། དཀྱིལ་འཁོར་ལེགས་པར་མ་མཐོང་བར།། གང་ཞིག་ཇི་སྟེ་སྔགས་ཟློས་ན།། དེས་ནི་དངོས་གྲུབ་ཐོབ་མི་འགྱུར།། ཤི་ན་ངན་སོང་ལྟུང་བར་འགྱུར།། སྔགས་དང
iiif viewer powered by OpenSeadragon
