| e-texts navigator |
| Wylie |
185b1 དྲུག་དེ་རྣམས་ཀྱིས་བཀང་སྔགས་ལ་བགེགས་བྱེད་དོ།། ནེའུ་ལེའི་རིགས་གང་ཡིན་པ་རྒྱ་ཆེ་ཏེ།། ཁྲི་ཕྲག་བྱེ་བ་ཐེར་འབུམ་ཕྲག་སྟོང་དང་། དེ་དག་རྣམས་ནི་སྡེང་པོ་ན་གཙུག་ནས་ཕྱུང་།། ཡི་རིགས་དང་སྔགས་ལ་བགེགས་བྱེད་དོ།། དགའ་བྱེད་པདས
185b2 འདྲ་བར་དཀྱུས་རིང་མིག། ལྔས་རྩེན་སྔགས་རྒྱུད་ལ་ནི་བགེགས་ཀྱང་བྱེད།། ནོར་སྤྱོད་བུ་ནི་གང་ཡིན་གང་བ་པ།། རང་གི་གསང་སྔགས་རྒྱུད་ལ་བགེགས་ཀྱང་བྱེད།། སྒྲུབ་པ་པོ་ནི་འབྱོར་བར་མི་དགའ་བ།། བརྩེ་མེད་རང་རང་རིགས་ལ་བགེགས་ཀྱང་བྱེད།
185b3 རང་གི་གསང་སྔགས་གཟུགས་སུ་རྣམ་སྤྲུལ་ནས།། ཕྲེང་བ་དང་ནི་གཏོར་མ་མངོན་དུ་ལེན།། ལྷ་ཡིས་ལོག་འདྲེན་གྱིས་བྱས་དེ་མཐོང་ནས།། བྲོས་ཤིང་འཁྲུགས་ནས་ཕྱིར་ཡང་ཕྱོགས་པར་འགྱུར།། སྔོན་ཆད་སེམས་ནི་འཇུངས་དང་རྨོངས་པ་ཡིས།
185b4 ལྷ་ཡིས་ལོག་འདྲེན་བགེགས་ཀྱི་ལུགས་འདི་བཏོང་།། ལུགས་འདི་ལྟ་དང་ཀླུ་དང་གྲུབ་པ་དང་།། སུམ་ཅུ་རྩ་གསུམ་ལྷས་ཀྱང་བཟློག་མི་ནུས།། བགེགས་ཀྱིས་འཇིགས་སུ་རུང་བ་བྱས་པ་དག། སྔར་བཤད་པས་ནི་དེ་དག་བཟློག་པར་བྱེད།། བཟླས་བརྗོད
185b5 བེན་ནས་ལེགས་པར་བསྲུང་བ་དང་། དཀྱིལ་འཁོར་མང་བྱས་བསྒྲུབ་ལ་འཇུག་པར་བྱ།། གཞན་དུ་མཆོད་པའི་ཆོག་མེད་པ་དང་།། བཟླས་བརྗོད་སྦྱིན་པ་སྲེག་ཆོག་བྲལ་བའམ།། གང་ཞིག་རྟག་ཏུ་སེམས་ནི་འདི་ལྟར་སེམས།། རིག་པ་གང་ཞིག་བདག
185b6 གིས་བཟླས་པར་བྱ། ། ཡུལ་དང་རྒྱལ་སོགས་གཏམ་ལ་ཆགས་པ་དེའི།། ལུས་ལ་ཐོགས་པ་མེད་པར་རབ་ཏུ་འཇུག།། འདི་ལྟར་ཕན་ཚུན་དུ་ནི་འགྲོ་བ་ན།། རིག་པ་འདོན་པའི་སེམས་ནི་གཡེམ་པར་བྱེད།། དཔེར་ན་ཆུན་གྲིབ་མ་སྣང་བ་ལྟར།། དེ་བཞིན
185b7 མི་ཡི་ལུས་ལ་འཇུག་པར་འགྱུར། ། འབྲུ་ཚེ་གཞན་ལ་ཟློས་པ་ན་ཡང་གཞན།། ཉལ་ན་གཞན་མིན་མེ་ཏོག་བདུག་པ་དང་། མར་མི་འབྲལ་བའི་ཚེ་ན་གཞན་ཡིན་པ།། སྦྱིན་སྲེག་བྱེད་པ་ན་ཡང་གེགས་གཞན་འབྲུ།། དཔེར་ན་ནི་ཟེར་མ་ཤེས་བ
185b8 བ་ཡི། རྐྱེན་གྱིས་མ་བསྒྲིབས་མན་འབྱུང་བ་ལྟར་།། དེ་བཞིན་གེགས་ཀྱང་ལུངས་ལ་དྲགས་གྱུར་ན།། འདོད་ཆགས་མ་ཆེན་ཀུན་དུ་བསྐྱེད་པར་བྱེད།། གཡོ་ཞིང་འགུལ་བ་ཞེས་ནི་བྱ་བའི་བགེགས།། ཆུན་སྐྱེས་བུ་ཁྲུ་བའི་ཚེན་ལ་འཛིན།།
iiif viewer powered by OpenSeadragon
