| e-texts navigator |
| Wylie |
264a1 རི་རབ་དང་ལྕགས་ཀྱི་རི་དང་། ཁོར་ཡུག་དང་སའི་རི་དང་། རྡོའི་རི་དང་རི་ནག་པོ་དང་། རི་དམར་པོ་ལ་སོགས་པ་ཀུན་ཀྱང་གཡོས་རབ་ཏུ་གཡོས། ཀུན་ཏུ་རབ་དུ་གཡོས། ཉི་མ་དང་། ཟླ་བ་དང་། ནོར་བུ་དང་། མེ་དང་། གཟའ་སྐར་རྣམས་ཀྱི
264a2 འོད་ཀྱང་མེད་པར་གྱུར་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་འཛིན་རྒྱལ་པོས་འདི་ལྟ་བུའི་ཡ་མཚན་ངོ་མཚར་རྨད་དུ་གྱུར་པ་མཐོང་ནས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས
264a3 བཅོམ་ལྡན་འདས་ལ་འདི་ལྟ་བུའི་རྫུ་འཕྲུལ་གྱི་ལྟས་ངོ་མཚར་དུ་བྱུང་བ་སུའི་མཐུ་ལགས་ཤེས་བཅོམ་ལྡན་འདས་ལ་ཚིགས་སུ་བཅད་ཏེ་ཞུས་པ། ། གང་ཞིག་དེ་རིང་མངོན་པར་རྫོགས་སངས་རྒྱ།། འདི་ལྟར་འོད་ཆེན་ཀུན་ཏུ་བཏང་གནས་སུ་རྫོགས
264a4 བཅུའི་འཇིག་རྟེན་ཁ་དོག་གསེར་དུ་སྣང་། ། སྟོང་ཁམས་ཀུན་ཀྱང་ཁྱབ་པར་དེ་བཞིན་ནོ།། སུ་ཞིག་དེ་རིང་དབང་ཕྱུག་ཐོབ་པ་སྟེ།། མཐུ་ཆེན་ངོ་མཚར་ལྡན་པའི་ལྷས་བྱུང་བས།། འཇིག་རྟེན་མཐའ་ཡས་ཀུན་ཀྱང་རབ་གཡོས་ཤིང་།། ལྷ་ཀླུའི་ཁ་ཁྱིམ
264a5 ཀུན་ཀྱང་བདེ་མགྱུར། ། སུ་ཡི་མཐུ་སྟོབས་རྒྱུ་རྐྱེན་གང་ལགས་པ།། བདག་ཅག་མ་རིག་ཐིབས་པོར་སྐྱེས་པས་ན།། བཅོམ་ལྡན་བྱམས་པ་དང་ནི་ཐུགས་རྗེ་ཡིས།། འཕྲུལ་འདི་སུ་ཡི་ཡོན་ཏན་བཤད་དུ་གསོལ།། དེ་ནས་བཅོམ་ལྡན་འདས་ཀྱིས
264a6 བྱང་ཆུབ་སེམས་དཔའ་གཟུངས་འཛིན་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་ཁྱེད་རྣམས་ཤེས་པར་གྱིས་ཤིག། དེ་ལྟར་འཁོར་འདིར་འདུས་པའི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང
264a7 ཐུག་ཅེས་བྱ་བར་ཐོག་མར་བསྐལ་པ་གྲངས་མེད་པ་ནས་བྱམས་པ་དང་སྙིང་རྗེ་ཆེན་པོ་བསྒྲུབས་ཏེ། གཟུངས་ཀྱི་སྒོ་གྲངས་མེད་པ་སྡུད་ཅིང་སྤྱོད་པ་ལ་མཁས་པས་སེམས་ཅན་ཐམས་ཅད་བདེ་བ་ལ་བཀོད་པའི་ཕྱིར།། འདི་ལྟ་བུའི་རྫུ་འཕྲུལ་གྱིས་ལྷྭམ
264a8 ཆེན་པོ་གསངས་ཏེ་བཏང་བ་ཡིན་ནོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སུལ་ནས། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་བསྟན་ལས་ལངས་ཏེ། གོས་ཆགས་བཅོས་ནས་བཅོམ་ལྡན་འདས་གལ་བ་དེ་ལེགས་སུབལ་མོ།
iiif viewer powered by OpenSeadragon
