| e-texts navigator |
| Wylie |
263b1 སེམས་དཔའ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་དང་། བྱང་ཆུབ་སེམས་དཔའ་མེ་ཏོག་བཀོད་པ་དང་། བྱང་ཆུབ་སེམས་དཔའ་ཆེར་བཀོད་པ་དང་། བྱང་ཆུབ་སེམས་དཔའ་རིན་པོ་ཆེ་བཀོད་པ་དང་། བྱང་ཆུབ་སེམས
263b2 དཔའདཔལ་གྱི་སྙིང་པོ་དང་། བྱང་ཆུབ་སེམས་དང་འརྡོ་རྗེའི་སྙིང་པོ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་བྱམས་པ་དང་། ཀུན་ཏུ་བཟང་པོ་དང་བྱང་ཆུབ་སེམས་དཔའ་འཇམ་དཔལ་ལ་སོགས་པ་བྱང་ཆུབ
263b3 སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་ཆོས་ཆེན་པོའི་དབང་སྤྱི་བོ་ནས་བསྐུར་བ་ཤ་སྟག་དང་། ཉན་ཐོས་ཀྱི་དགེ་འདུན་ཆེན་པོའི་ནང་ན་གཙོ་བོ་འོད་བསྲུངས་ཆེན་པོ་དང་། ཉན་ཐོས་ཀྱི་དགེ་འདུན་གྲངས་མེད་པ་དག་དགྲ་བཅོམ
263b4 པའི་ས་བཅུ་ལ་སྤྱོད་པ་ཤ་སྟག་དང་། ཡང་ཚངས་ལྷ་རྣམས་ཀྱི་ནང་ན་གཙོ་བོ་ཚངས་པ་ཆེན་པོ་དང་། ཚངས་ལྷ་གྲངས་མེད་པ་དག་དང་། ཡང་ལྷའི་བུའི་ནང་ན་གཙོ་བོ་ལྷའི་ཐང་སྣང་བུ་བཅན་དང་། ལྷའི་བུ་གྲངས་མེད་པ་དག་དང་། འཇིག་རྟེན་སྐྱོང་བའི་གཙོ་བོ
263b5 གནས་སྲུང་པོ་ལ་སོགས་པ་རྒྱལ་པོ་ཆེན་པོ་བཞི་དག་དང་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་། མེའམ་ཅི་དང་ལྟོ་ཕྱེ་ཆེན་པོ་དང་མི་དང་མི་མ་ཡིན་པ་ལ་སོགས་པ་གྲངས་མེད་པའི་ནང་ན་གཙོ་བོ་ཀླུའི་རྒྱལ
263b6 པོའི་དཔལ་དང་། འདོད་པའི་ཁམས་ཀྱི་ལྷ་མོ་གྲངས་མེད་པའི་ནང་ན་གཙོ་མོ་ལྷ་མོ་གཞོན་ནུའི་མིག་དང་། ནམ་མཁའ་དང་ཆུ་བོ་དང་མཚོ་དང་། རྫིང་དང་། ཆུ་མིག་དང་། ཆུ་བྲང་དང་། ཤིང་དང་། སྨན་དང་། ཚལ་དང་། གྲོང་ཁྱི་བ་དང་། ས་དང་ཆུ་དང་མེ
263b7 དང་རླུང་དང་། རི་དང་། ནགས་ཚལ་ལོ་སོགས་པའི་ལྷ་ཀུན་དང་ཐབས་གཅིག་གོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འཁོར་མང་པོ་འདུས་པའི་ནང་ནས་གསངས་ཏེ་རྫུ་འཕྲུལ་གྱི་འོད
263b8 ཕྱོགས་བཅུར་བཏང་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཀྱང་གསེར་གྱི་ཁ་དོག་ཏུ་སྣང་། ལྷའི་གནས་དང་། ཀླུའི་གནོས་དང་། གཉེན་པོ་ཐམས་ཅད་ཀྱི་གནས་ཀུན་ཀྱང་གཡོས་རབ་ཏུ་གཡོས། ཆུ་བོ་དང་རྒྱ་མཚོ་དང་།
iiif viewer powered by OpenSeadragon
