| e-texts navigator |
| Wylie |
241b1 གཞན་ཡིད་ལམ་དྲན་ཏེ། བཅོམ་ལྡན་འདས་འོད་མའི་ཚལ་ན་བཞུགས་པ་ཅན་དུ་དེ་མ་ཐག་བྱིན་ཏེ། ཞབས་ལ་ཕྱག་བཙལ་བས་འཁོངས་ནས་ཐང་ཆད་དེ་དྲི་བ་མ་སྤོབས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ
241b2 ཁྱེད་ཅི་ཉེས། དྲི་བ་ཡོད་ན་དབུགས་བྱུང་ལ་དྲིས་ཤིག་ཅེས་གསུངས་སོ།། བཅོམ་ལྡན་འདས་ལགས་བདག་ཅག་ནི་ཤིན་དུ་མ་དགའ་སྟེ། ཉིད་ལ་ཁོད་ཡུས་ཆེ་ནས་འཁྱམས་པ་ལགས་སོ།། བཀའ་སྩལ་པ། ཙི་ལས་གྱུར། སྨྲས་པ།
241b3 ར་། ཤཤིཞིསནི་པས་མཐའ་ཞིག་ན། བཅོམ་ལྡན་འདས་ཀྱི་ཞལ་ནས་གསུངས་པ་སོ་སོར་རྟོག་པ་ཡིད་ལ་བྱེད་པ་ལས་རྒྱང་རིང་པོར་འཆག་ཏུ་ཕྱིན་པ་ལས་ཡི་དགས་མོ་ལུས་པོ་སྔོ་ལ་སྐམ་པ། ཁོག་ཁོག་ཟེར་བ། སྒྲ་འཛིངས་པ།
241b4 མིག་དམར་ལ་གཡོན་དུ་ཡོ་བ། མ་མཆུ་རིང་ལ་གཡས་སུ་ཡོ་བ། སྐེ་དང་རྐང་ལག་ཤིན་དུ་ཕྲ་ལ་རིང་བ། ལག་པས་ཁུ་ཚུར་བསྡམས་པའི་སེ་ན་མོས་ཐད་ཀར་ཐུག་ནས་སྔོ་ཟད་དེ་བ། ཁ་ན་ས་སྒྲ་རྣམ་པ་ལྔ་སྒྲོགས་པ་འདི
241b5 ལྟ་སྟེ། དགོས་ན་ཞེས་བྱ་བ་དང་། མེད་ན་ཞེས་བྱ་བ་དང་། མ་བྱིན་ཅིག་ཅེས་བྱ་བ་དང་། སྟེར་ན་ཡང་མཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཅེས་བྱ་བ་དང་ལྔ་བརྗོད་པ། སྤྱི་ཟིང་བྱེད་པ་ཅིག་དང
241b6 ཕྲད་ནས། བདག་ཅག་གཉིས་ཀྱིས་བསམས་པས་དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་བྱིན་ཏེ་བསླངས་པས་དཀར་གསུམ་དང་། མངར་གསུམ་དང་། འབྲས་དང་། ནས་ཀྱི་ཟན་ལ་སྩོགས་པ་བཟའ་བ་དང
241b7 བཏུང་བ་མང་དུ་རྙེད་ནས་ཡི་དགས་མོ་དེའི་དྲུང་དུ་ཁྱེར་ནས་བསྟབས་པས། ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང་གང་བྱིན་པ་མི་ལེན་པར་བྲོས་ཏེ་ཐལ་ན་འདི་ཅི་ལས་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ
241b8 མཆིས་པ་ལགས་སོ། ། བཀའ་སྩལ་པ། རིགས་ཀྱི་བུ་དག་དེ་ནི་ཤིན་དུ་ལེགས་སོ།། དེས་བཤད་ཀྱིས་ལེགས་པར་ཉོན་ལ་ཡིད་ལ་ཟུད་ཤིག། དེ་ཅི་ལས་གྱུར་ན་ལུས་སྡེ་ལ་སྐམས་པ་ནི་རང་གིས་ཟ་མ་ཕོད་པ་ལས་གྱུར
iiif viewer powered by OpenSeadragon
