| e-texts navigator |
| Wylie |
236a1 དབྱེ་གྱིས་བརླབ་ཏུ་གསོལ། དེ་ནས་བཅོམ་ལྡན་འདས་ཀྱིས་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞལ་ཟས་ཀྱི་སྟེང་དུ་ཟླ་བའི་དཀྱིལ་འཁོར་གྱི་སྟེང་དུརཾ་དཀར་པོ་ལ་ཆོས་ཐམས
236a2 ཅད་རྡུལ་དང་བྲལ་བའོ། ། ཞེས་བྱ་བའི་སྒྲ་བྱུང་བས་ཞལ་ཟས་ཀྱི་དྲི་མ་དག་པར་གྱུར་ཏོ།། ཡང་ཟླ་བའི་དཀྱིལ་འཁོར་གྱི་སྟེང་དུ་ཨ་དཀར་པོ་བསམས་ཏེ། ཞལ་ཟས་ལྷའི་བདུད་རྩི་དང་། ཡོ་བྱད་དུ་གྱུར་ཏོ།། ཡང་ཟླ་བའི་དཀྱིལ་འཁོར
236a3 གྱི་སྟེང་དུ། ཨོཾ་ཞེས་པས་འཕགས་པ་དང་སེམས་ཅན་ཐམས་ཅད་མཉེས་ཤིང་ཚིམ་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཕྱག་རྡོ་རྗེ་ལྟར་བྱས་ཏེ་གཟུངས་འདི་གསུངས་སོ།། ཨོཾ་སརྦ་དྷརྨ་ཏ་བཛྲ་སིད་ཏེ་ཧཱུ~ཾ། ཨོཾ་ཨ
236a4 པྲི་ཏ་ཏཱཾ། ན་མཿསརྦ་ཏ་ཐཱ་ག་ཏེ་བྷྱོཿབི་ཤྭ་མུ་གེ་བྷྱཿསརྦ་ཏད་ཁཾ་ཨུད་ག་ཏེ་སྥ་རན་ཏི་མཾ་ག་ག་ན་ཁཾ་སྭཱ་ཧཱ། ཨོཾ་ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏི་སཾ་བྷ་ར་སཾ་བྷ་ར་ཧཱུཾ། ཨོཾ་རུ་རུ་སྥུ་རུ་ཛྭ་ལ་ཏིཥྛ་སིད་དྷ་ལོ་ཙ་ནི་སརྦ་ཨརྠ་སཱ།
236a5 དྷ་ན་སྭཱ་ཧཱ།། ཞེས་གཟུངས་འདི་བརྗོད་མ་ཐག་ཏུ་མཆོད་པའི་ཞལ་ཟས་ཀྱིས་མཆོད་ནས། འཕགས་པ་ཐམས་ཅད་མཉེས་པ་དང་། སེམས་ཅན་ཐམས་ཅད་བདེ་བར་གྱུར་ཏོ།། དེ་ནས་ཁྱིམ་བདག་བཟང་སྐྱོང་གིས་བཅོམ་ལྡན
236a6 འདས་ཀྱི་སྤྱན་སྔར་ཐལ་མོ་སྦྱར་ནས་འདི་སྐད་ཅེས་གསོལ་ཏོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐུ་དང་། ཆོས་ཀྱི་དབྱིངས་རྣམ་པར་དག་པའི་བྱིན་གྱིས་རླབས་ཀྱི་མཐུ་དང་། བདག་གི་བསམ་པ
236a7 རྣམ་པར་དག་པའི་སྟོབས་ཀྱིས་འཕགས་པ་ཐམས་ཅད་ཀྱི་ཕོ་བྲང་དང་། སེམས་ཅན་ཐམས་ཅད་ཀྱི་གནས་དང་། སེམས་ཅན་ཐམས་ཅད་ཀྱི་མཐུ་ལ་ཆོས་དང་ཟང་ཟིང་གི་ལོངས་སྤྱོད་དཔག་ཏུ་མེད་ཅིང་བརྗོད་ཀྱིས་མི་ཁྱབ་པ།། །
236a8 བརྗོད་ཀྱིས་མི་རྫོགས་པ་འབྱུང་ཞིང་རྒྱས་པར་གྱུར་ཅིག། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་། ཕྱག་རྒྱ་དང་། ཏིང་ངེ་འཛིན་གྱི་བདེན་པ
iiif viewer powered by OpenSeadragon
