| e-texts navigator |
| Wylie |
230b1 ནི་གསོད་པ་མེད་ལ་མཁས། ། འཁོར་བ་ལས་ནི་རིང་དུ་སོང་།། དེ་བཞིན་གཤེགས་པས་ལུང་བསྟན་ཏེ།། བྱང་ཆུབ་སེམས་དཔའི་མཚན་རྣམས་དང་།། འཇིག་རྟེན་སྐྱོང་མཛད་དཔལ་ལྡན་མ།། དམ་ཆོས་འཛིན་པ་རྣམས་ལ
230b2 བྱམས། ། ཨོཾ་ཨཱཿབྷྲཱུཾ་ཤྲཱི་ད་བི་ཀཱ་ལི་ས་མ་ཡ་ཛ། ཌཱ་ཀཱི་ནི་ནཱ་ཡ་ས་མ་ཡ་སྭཱ་ཧཱ།། མིང་བརྒྱ་རྩ་བརྒྱད་གང་འཛིན་པ།། ཡོན་ཏན་བརྒྱ་རྩ་བརྒྱད་ཀྱང་ཐོབ།། དམྱལ་བའི་སྡུག་བསྔལ་མྱོང་མི་འགྱུར།། ཡི་དགས་གནས་སུ་མི
230b3 སྐྱེ་ཞིང་། ། སྒྲོལ་སོང་སྐྱེ་བས་ཐོགས་མི་འགྱུར།། ལུས་འཕགས་གནས་སུ་སྐྱེས་པ་ན།། ཐོག་ལས་སོགས་པ་མི་འབབ་ཅིང་།། སྒྲ་མི་སྙན་དུ་རུང་གིས་མིན།། དེ་བཞིན་པ་གླང་སྤྱོད་དུ་ཡང་།། ཆུ་དང་རླབས་ཀྱིས་ཁྱེར་མི་ནུས།།
230b4 འཛམ་བུ་གླིང་དུ་གང་སྐྱེས་པ།། སྣ་ཚོགས་གནོད་པས་ཉེན་མི་འགྱུར།། འདོད་པའི་ལྷ་རྣམས་གནས་སུ་ཡང་།། སྐྱེས་ནས་ཆོས་ལ་དགའ་བར་འགྱུར།། བསམ་གཏན་བཞི་ཡི་སྐྱེ་གནས་སུ།། ཚད་མེད་བཞི་ནི་འཕེལ་བར་འགྱུར།།
230b5 གཟུགས་མེད་གནས་ནི་བཞི་པོར་ཡང་།། དོན་མེད་ན་ནི་མི་སྐྱེ་སྟེ།། འདུ་ཤེས་མེད་པར་ནམས་ཀྱང་མིན།། འཕགས་པ་བཞུགས་པའི་གནས་རྣམས་སུ།། ཁམས་གསུམ་ཚུལ་གྱིས་བདག་དོན་སྤྱོད།། རྟག་ཏུ་ཡུལ་ལ་ཆགས་མི
230b6 འགྱུར། ། སེམས་ལ་འཛིན་པར་མི་བྱེད་དེ།། ཉོན་མོངས་རྩ་བ་དྲུག་པོ་དང་།། དེ་བཞིན་ཉེ་བ་ཉི་ཤུ་དང་།། མཚམས་མེད་ལྔ་ཡང་བྱང་བར་འགྱུར།། བསྐལ་པ་གྲངས་མེད་མང་པོར་ཡང་།། མི་ཁོམ་བརྒྱད་དུ་སྐྱེ་མི་འགྱུར།། མུ་སྟེགས
230b7 རྩོད་པཟློག་པ་དང་། ། མཐུ་སྟོབས་ཕུན་སུམ་ཚོགས་ལྡན་ཞིང་།། ཚེ་རིང་ནད་མེད་དཔལ་དང་ལྡན།། སྡུག་བསྔལ་རྣམ་པ་མང་པོར་ཡང་།། རྣམ་ཀྱང་འཁོར་བར་མི་ལྟུང་ཞིང་།། མྱ་ངན་འདས་པ་ཐོབ་བྱའི་ཕྱིར།། ཉན་ཐོས་ས་རྣམས
230b8 ནོན་པ་དང་། ། རྟེན་འབྲེལ་བཅུ་གཉིས་ཤེས་པར་བྱ།། བྱང་ཆུབ་སེམས་དཔའི་ས་རྣམས་ནི།། རབ་དག་འདྲི་མེད་འོད་བྱེད་འཕྲོ།། སྦྱང་དཀའ་མངོན་གྱུར་རིང་དུ་སོང་།། མི་གཡོ་ལེགས་པ་ཆོས་ཀྱི་སྤྲིན།། སངས་རྒྱས་ས་ཆེན་བླ་ན་མེད།།
iiif viewer powered by OpenSeadragon
