| e-texts navigator |
| Wylie |
230a1 སྒོམ་ལ་ཆེར་གནས་པའོ། ། རྒྱུ་འབྲས་རྐྱེན་གྱི་བདག་ཉིད་ཅན།། འགྲོ་ལ་ཕན་མཛད་མཁས་པའི་མཆོག། དཔལ་ལྡན་ལྷ་མོ་ནག་མོ་འཕགས།། བྱང་ཆུབ་སེམས་དཔའ་སྤྲུལ་པ་སྟེ།། ས་ལྟར་བརྟེན་པའི་གཞིར
230a2 གྱུར་པ། ། ཡོན་ཏན་སྡུད་བྱེད་ཆུ་དང་འདྲ།། བྱང་ཆུབ་སྨིན་བྱེད་མེ་ལྟ་བུ།། དགེ་བའི་འདུ་བྱེད་རླུང་ལྟར་གཡོ།། ཤེས་རབ་རྣམ་དག་ནམ་མཁའ་སྟེ།། ཁྱོད་ནི་འབྱུང་བ་ཆེན་པོ་འདྲ།། འབྱུང་པོ་པལ་ཆ་རྣམས་ཀྱིས་བསྟོད།། བསོད་ན
230a3 ཡེ་ཤེས་རབ་བསགས་པའི། ། ལས་དང་རྣམ་སྨིན་དག་ལ་མཁས།། ང་རྒྱལ་གཟུགས་ཀྱི་འདུལ་བ་གོམས།། ཤེས་རབ་སྙིང་རྗེའི་ལམ་དུ་འགྲོ།། ཁྱོད་ནི་བུམ་པ་བཟང་ལྟ་བུ།། དཔེར་ན་ཡིད་བཞིན་ནོར་བུའི་ཆུ།། ཀུན་ལ་ཕན་པའི
230a4 དཔག་བསམ་ཤིང་། ། ཉི་མ་འདྲ་བར་ཁྱོད་ལ་གསལ།། ཟླ་ལྟར་གསལ་བའི་ཐུགས་མངའ་ཞིང་།། མིང་ནི་རི་བོང་རྭ་དང་འདྲ།། རང་གི་རྒྱུད་ནི་འཁོར་ལོ་འདྲ།། ཨུ་དུ་མཐར་ལྟར་ཁྱོད་དཀོན་ཡང་།། བདུད་རྩི་ལྟ་བུར་ཡོངས
230a5 ཚིམ་མཛད། ། འགྲོ་བ་ཀུན་གྱི་བདག་མོ་ལགས།། རང་བཞིན་མེད་པའི་ཆོས་ཀྱང་སྟོན།། ཆུ་དང་ནམ་མཁའི་ཚུབ་མ་ལྟར།། གདུལ་བྱའི་སྲིད་གསུམ་ཅིས་ཀྱང་འདུལ།། དུས་གསུམ་རྒྱལ་བའི་བསྟན་པ་སྐྱོང་།། དམ་པ་རྣམས
230a6 དང་ཡང་དག་གཅིག། དམ་པ་རྣམས་ཀྱི་ལམ་དུ་འགྲོ།། ལྷ་མོ་མ་མོ་གནོད་སྦྱིན་མོ།། སྲིན་མོ་ཀླུ་མོ་ཤ་ཟ་མོ།། གདུག་མོ་འབྱུང་མོ་གྲུལ་བུམ་མོ།། དྲག་མོ་རྔམ་ཚུལ་གློག་འགྱུ་མ།། རླུང་མོ་ནག་མོ་འཇིགས་བྱེད་མ།
230a7 མཁའ་འགྲོ་གཏུམ་མོ་ཞིང་སྒྲོལ་མ།། ཞི་རྒྱས་དབང་དང་དྲག་པོས་འདུལ།། དཀར་སེར་ལྗང་ནག་དམར་ཡང་སྟོན།། རྣམ་པ་བརྒྱད་ཀྱི་དབྱིབས་ཀྱང་འབྱུང་།། འགྲོ་བ་དྲུག་པོའི་ཚུལ་ཡང་སྟོན།། ཕུང་པོ་ལྔ་ཡང་བརྗོད
230a8 པར་ནུས། ། དབང་པོ་ཆེམ་བྱེད་ཡུལ་ལྔའང་སྟོན།། རྟེན་ཅིང་འབྲེལ་བའི་སྤྱོད་པ་མཁས།། ཡུལ་ཅན་རྣམས་ནི་གསོད་ལ་མཁས།། དེ་བཞིན་དག་རྣམས་གསོད་པ་དང་།། ལུས་ཅན་རྣམས་ནི་གསོད་ལ་བརྩོན།། སེམས
iiif viewer powered by OpenSeadragon
