| e-texts navigator |
| Wylie |
229b1 རབ་མཛེས་པ། ། དྲན་པ་རྣམས་ཀྱི་ནང་ན་མཆོག་ཏུ་གྱུར།། ཅི་ལྟར་སེང་གེ་གཅན་ཟན་མཆོག་གྱུར་བཞིན།། བསྔགས་བསྟོད་ཚིག་ནི་འདི་ལས་འབྱུང་བ་ཡིས།། བསམ་པའི་དངོས་པོ་ཐམས་ཅད་གྲུབ་པར་ཤོག་ཅེས་བསྟོད་དོ།། དེ་ནས
229b2 དཔལ་ཕྱག་ན་རྡོ་རྗེས་འདུས་པ་རྣམས་ལ་བཀའ་སྩལ་བ། ། ཁྱེད་ཀྱིས་དཔལ་ལྷ་མོ་ལ་བསྟོད་པ་ལེགས་སོ།། ད་ཡང་བསྟོད་པ་འདི་དག་གི་དོན་བསྒོམས་ཤིག། ཡིད་ལ་རྟག་ཏུ་ཟློས་ཅིག། ལྷ་མོ་འདི་ལ་བསྟོད་པ་ནི་ངལ་བསྟོད་པ་ཡིན་ནོ།།
229b3 སངས་རྒྱས་ཐམས་ཅད་ལ་བསྟོད་པ་ཡིན་ནོ།། ལྷ་མོ་དེས་ཀྱང་མི་འདི་སྲུང་བར་བྱེད་དོ།། སྐྱོབ་པར་བྱེད་དོ།། ཅི་འདོད་པའི་དངོས་གྲུབ་སྟེར་རོ།། ཞེས་བཀའ་སྩལ་པ་དང་། འཁོར་དེ་རྣམས་རབ་ཏུ་དགའ་ནས་བཅོམ་ལྡན་འདས་ཕྱག་ན་རྡོ་རྗེ
229b4 ལ་རྒྱན་གྱི་ཆར་ཆེན་པོ་ཕབ་ནས་སོ་སོའི་གནས་སུ་འཁོད་དོ། ། བསྟོད་པའི་རྒྱལ་པོའི་རྒྱུད་རྫོགས་སྷོ།། ། རྒྱ་གར་སྐད་དུ། ཤྲཱི་དེ་བི་ཀཱ་ལི་ཨཥྚ་ཤ་ཏ་ཀ། བོད་སྐད་དུ། དཔལ་ལྷ་མོ་ནག་མོའི་མཚན
229b5 བརྒྱ་རྩ་བརྒྱད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།། བཅོམ་ལྡན་འདས་བྱ་རྒོད་ཀྱི་ཕུང་པོའི་རི་ལ་བཞུགས་ཏེ། རྒྱུ་དང་འབྲས་བུའི་བྱང་ཆུབ་སེམས
229b6 དཔའ་ཐམས་ཅད་ལ་བདེན་པའི་མཚན་རྣམས་སྟོན་པར་མཛད་དོ། ། དེའི་ཚེ་དཔལ་ལྷ་མོ་ནག་མ་ཚན་མོ་ཡང་བཅོམ་ལྡན་འདས་ཀྱི་ཐད་དུ་སོང་སྟེ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་ཕྱོགས་ཅིག
229b7 ཏུ་འདུག་གོ། ། དེ་ནས་བྱང་ཆུབ་སེམས་དཔའ་སེང་གེ་བརྩོན་འགྲུས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས་ཀྱིས་འཇིག་རྟེན་པའི་དོན་མཛད་པའི་མཚན
229b8 གྱི་རྣམ་གྲངས་ཇི་ལྟ་བུ་ལགས་ཞེས་གསོལ་བ་དང་། ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་དཔལ་ལྷ་མོ་ནག་མོ་ལ་གཟིགས་ཏེ་འདི་སྐད་ཅེས་གསུངས་སོ།། ཐོས་བསམ
iiif viewer powered by OpenSeadragon
