| e-texts navigator |
| Wylie |
229a1 མཛོད། ། རྨ་བྱའི་སྒོ་ལ་རྒྱལ་མཚན་བྱས།། གང་ཞིག་རྟག་བསྟེན་སྲུང་བར་བྱེད།། གནག་ལུག་ཕྱུགས་རྣམས་འཕེལ་བར་བྱེད།། སེང་གེ་སྟག་དང་སྤྱང་གི་ཡིས།། རྟག་ཏུ་ཀུན་ནས་བསྐོར་ནས་ཀྱང་།། རྡོ་རྗེ་དྲིལ་ཆེན
229a2 སྙན་པར་སྒྲོགས། ། བྱིན་ཏེ་དྲིལ་ཆེན་སྙན་པར་སྒྲོགས།། ལན་འགའ་ལག་ན་ཏྲི་ཤུལ་ཐོགས།། ལན་འགའ་ཉི་ཟླའི་རུ་མཚོན་འཕྱར།། མར་གྱི་ཚེས་དགུ་བཅུ་གཅིག་ན།། དེ་ཡི་དུས་སུ་མཆོད་བྱས་ན།། ལྷ་མོ་ཁྱོད་ལས་ལྷག་པ
229a3 མེད། ། བདུད་འདུལ་ལྷ་མིན་སྲིང་མོར་སྟོན།། དགྲ་དང་འཐབ་ཚེ་རྒྱལ་བར་བྱེད།། བུད་མེད་ནང་ན་མཆོག་ཡིན་ཏེ།། ཚིག་དབང་འཇིག་རྟེན་མགོན་པོ་འདྲ།། རྒྱལ་པོའི་ཁབ་ན་པད་མ་འདྲ།། ཞལ་བཟངས་ཟླ་བ་ཉ་བ་འདྲ།། ཆུ་ལ་རྒལ
229a4 ན་གྲུ་ཟམ་འདྲ། ། ཕོངས་པ་རྣམས་ཀྱི་གཉེན་བཤེས་འདྲ།། ལྷ་དང་ལྷ་མིན་གཡུལ་འགྱེད་ཚེ།། ལྷ་མོ་ཁྱོད་ཀྱི་ལྟེ་བ་ལ། ལྷ་རྣམས་ཀུན་གྱི་རྫོང་བཅས་ནས།། ལྷ་དམག་དཀར་པོ་རྒྱལ་བར་བྱས།། ལྷ་མ་ཡིན་རྣམས་ཕམ་པར
229a5 བྱེད། ། ལག་ན་མདུང་དམར་ཆེམས་སེ་ཆེམས།། རུ་མཚོན་བ་དན་མེ་ལྟར་འབར།། དགྲ་འདུལ་གཡུལ་ཟློག་ཁྱེད་ལ་བསྟོད།། དེ་ནས་དྲང་སྲོང་ཆེན་པོ་ཀཽཎྜི་ནྱས་དཔལ་ལྷ་མོ་ལ་དཔེ་བྱད་ཀྱི་སྒོ་ནས་བསྟོད་པ།། འཇིག་རྟེན་གཙེ་ལ
229a6 རྟག་ཏུ་གུས་ཕྱག་འཚལ། ། མི་རྣམས་ནང་ན་ཁྱོད་ནི་རྟག་ཏུ་མཆོག་ཡིན་ཏེ།། འཇིག་རྟེན་གསུམ་པོ་ཐམས་ཅད་ཁྱོད་ལ་བསྟོད།། བྱད་བཞིན་སྡུག་མཛེས་ཀུན་གྱིས་བལྟ་བར་མོས།། ཡོན་ཏན་རྣམ་པ་སྣ་ཚོགས་ལུས་རབ་བརྒྱན།།
229a7 མིག་ཡངས་འདམ་སྐྱེས་སྔོན་པོའི་མདབ་མ་འདྲ།། བསོད་ནམས་ཡེ་ཤེས་སྣང་བ་གྲགས་པས་བརྒྱན།། དཔེར་ན་རིན་ཐང་མེད་པའི་ནོར་བུ་འདྲ།། དེང་བདག་པད་མོ་ཁྱོད་ལ་བསྔགས་པས་ཀྱང་།། སེམས་ལ་བསམ་པ་ཐམས
229a8 ཅད་འགྲུབ་པར་འགྱུར། ། ཡང་དག་ཡེ་ཤེས་གྱ་ནོམ་བཀྲ་ཤིས་པ།། པད་མ་ལྟ་བུར་ཤིན་ཏུ་རྣམ་པར་དག། ལུས་མདོག་རབ་མཛེས་ཀུན་གྱི་ལྟ་བར་མོས།། མཚན་མ་ཡོན་ཏན་རྣམ་པ་སྣ་ཚོགས་བརྒྱན། དྲི་མེད་ཡེ་ཤེས་རྣམ་དས
iiif viewer powered by OpenSeadragon
