| e-texts navigator |
| Wylie |
225a1 འཁོར་གྱིས་བསྐོར་བའི་གཙོ་མོ་ནི། ། རྟགས་ཀྱི་སྐུ་མདོག་དམར་མོ་ཤིན་དུ་བརྗིད།། ཀུན་དུ་དབང་མཛད་ཁྱོད་ལ་ཕྱག་འཚལ་བསྟོད།། བདག་གི་ནད་དང་དགྲ་རྣམས་དབང་དུ་མཛོད།། འཐུན་པར་བསྟན
225a2 པའི་དྲག་མོ་དཔལ་ལྷ་མོ། ། དྲག་མཛད་དྲག་འགྱུར་དྲག་མོའི་ངང་ཚུལ་ཅན།། དྲག་མོའི་འཁོར་གྱིས་བསྐོར་བའི་གཙོ་མོ་ནི།། རྟགས་ཀྱི་སྐུ་མདོག་ནག་མོ་ཤིན་དུ་བརྗིད།། ཀུན་དུ་དྲག་མཛད་ཁྱོད་ལ་ཕྱག་འཚལ་བསྟོད།།
225a3 བདག་གི་ནད་དང་དགྲ་རྣམས་དྲག་མོས་སོད།། ཁྱོད་ཀྱི་རང་བཞིན་ཅིར་ཡང་མ་གྲུབ་ལ།། འདི་ལྟར་འཛིན་ཉིད་ཅིར་ཡང་སྣང་བ་ནི།། ཕྲིན་ལས་རྣམ་བཞིས་འགྲོ་དོན་མཛད་པ་ལགས།། བདག་ཀྱང་ལས་བཞི་རང་བཞིན
225a4 ལྷུན་གྲུབ་ནས། ། ཁྱོད་ལྟར་གཞན་གྱི་དོན་ལ་བརྩོན་པར་ཤོག།། ། དེ་ནས་དཔལ་ལྷ་མོ་ནག་མོ་ལ་ཀླུའི་རྒྱལ་པོ་དགའ་བོས་སྐུའི་ཡོན་ཏན་གྱི་སྒོ་ནས་བསྟོད་པ།། གསང་སྔགས་རྣལ་འབྱོར་གྲུབ་པའི་བདག་ཉིད་མ།། ཡོན
225a5 ཏན་རྣམས་ཀྱི་སྐུ་མདོག་ཕྱག་མཚན་ནི། ། དོན་དུ་སྣང་བ་མེད་ཀྱང་གདུལ་བྱའི་ཕྱིར།། རྟགས་ཀྱི་ཕྱག་རྒྱ་འདི་ལྟར་བསྟན་པའོ།། ཁམས་གསུམ་གདུལ་ཕྱིར་གདན་དུ་བོང་བུ་ཞོན།། མྱ་ངན་མི་འདའི་རྟགས་སུ་ལྷགས་སྒྲོག
225a6 མདའ། བདག་དོན་ལྷུན་གྲུབ་གླང་ཆེན་ཀོ་བས་བརྒྱན།། གཞན་དོན་ཕུན་སུམ་ཚོགས་ཕྱིར་རེ་ལྡེས་དཀྲིས།། བྱང་ཆུབ་སེམས་ལྡན་སྤྱི་གཙུག་ཟླ་རྒྱས་གསལ།། ཤེས་རབ་རྟོགས་ཕྱིར་ལྟེ་བ་ཉི་མས་བརྒྱན།། དུག
225a7 གསུམ་སྟོང་པོ་གཅོད་པའི་རལ་གྲི་དང་། བསོད་ནམས་གཏེར་གྱི་ཕྱག་མཚན་ནེའུ་ལ་བསྣམས།། དབང་དྲག་རྫོགས་ཕྱིར་རལ་པ་ཁམ་ནུག་སག། ཉོན་མོངས་འདྲེན་ཕྱིར་རྣོ་དཔལ་མཆེ་བ་གཙིགས།། འཁོར་བལྡགས་ལ
225a8 བདར་ཕྱིར་རྐན་སྒྲ་གདེབ། ། གདུག་པ་ཞེས་ལ་གནོན་ཕྱིར་སྡང་མིག་བགྲེད།། ཐམས་ཅད་དབང་དུ་སྡུད་ཕྱིར་སྤྱན་རྩ་དམར།། སྙོམས་པའི་ཚོགས་མཆོག་མི་འགྱུར་སྐུ་མདོག་གནག། མ་མོ་འདུལ་ཕྱིར་དུར་ཁྲོད་རྒྱན་གྱིས
iiif viewer powered by OpenSeadragon
