| e-texts navigator |
| Wylie |
212a1 ཀཱ་མ་པ་ཡ་ཨཱཧཱ། སརྦ་རྦ་ཏེ་བྷྱསྭཱ་ཧཱ། སརྦནཀྵུརྦེ་བྷྱ་སྭཱཏྨ། སརྦ་དྷི་ད་ཤ་རཱ་ཤིནཎྜ་སྭཱརྨྨ། སརྦ་སྭ་པཱ་ཏྲ་བེ་བྷ་སྭཱཧཱ། ཨོཾ་སརྦ་བི་ཧཱུཾཧཱུཾ་ཕཊ་ཕཊ་སྭཱ་ཧཱ། ཕྱགན་རྡོ་རྗེ་དི་ནི་གཟའ་རྣམས་ཀྱི་ཡུམ་ཞེས་བྱ་བའི་ག་རྫ
212a2 ཀྱི་གསང་སྔགས་ཀྱི་ཚིག་དངོས་གྲུབ་ཐམས་ཅད་ཀྱི་གཞི་ཡིན་ནོ། ། ཕྱག་ན་རྡོ་རྗེ་གང་ཡང་གཟའ་རྣམས་ཀྱི་གཟུངས་ཀྱི་གསང་སྔགས་ཀྱི་ཚིག་འདི་དག་སྟོན་ཟླ་ཐ་ཆུངས་ཡར་གྱི་ངོའི་ཚེས་བདུན་ནས་བརྩམས་ཏེ་གསོ་སྦྱོང་དང་ལྡན
212a3 པར་བྱས་ཏེ། ཆོས་བཅུ་བཞིའི་བར་དུ་གཟའ་རྣམས་ལ་མཆོད་པ་བྱས་ཏེ་གཟུང་བར་བྱའོ།། དེ་ནས་ཟླ་བ་ཉིའི་ཉིན་མཚན་ཐོག་ཐེག་བླུགས་ན་དེ་དགལ་ལོ་དགུ་བསྒྲི་བ་པར་འཆི་བའི་འཇིགས་པ་མི་འབྱུང་ངོ་།། གཟའ་འཇིགས་པར
212a4 སྐར་མདའ་ལྟུང་བ་དང་། རྒྱུ་སྐར་གྱི་གནོད་པས་འཇིགས་པར་མི་འགྱུར་རོ།། ཚེ་རབས་དྲན་པར་འགྱུར་རོ།། གཟའ་ཐམས་ཅད་ལ་མཆོད་པ་བྱས་པར་འགྱུར་རོ།། གཟའ་ཐམས་ཅད་ཀྱིས་ཅི་འདོད་པ་སྦྱིན་པར་བྱེད་དོ།། དེ་ནས
212a5 བཅོམ་ལྡན་འདས་ལ་གཟའ་རྣམས་ཀྱིས་ཕྱག་འཚལ་ཏེ། ལེགས་སོ་ལེགས་སོ་ཞེས་གསོལ་ཏེ་མི་སྣང་བར་གྱུར་ཏོ།། གཟའ་རྣམས་ཀྱི་ཡུམ་ཞེས་བྱ་བའི་གཟུངས་རྫོགས་སྷོ།།
212a6 རྒྱ་གར་སྐད་དུ། ཨཱརྱ་བ་སུ་དྷ་ར་ནཱ་མདྷཱ་ར་ཎཱི། བོད་སྐད་དུ། འཕགས་པ་ནོར་གྱི་རྒྱུན་ཅེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས
212a7 གཅིག་ན། བཅོམ་ལྡན་འདས་ཀོཊ་ཤམ་བིན་ཚར་མ་ཅན་ཞེས་བྱ་བའི་ནགས་མཆོག་ཆེན་པོ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཡོན
212a8 ཏན་ཐམས་ཅད་དང་ལྡན་པ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ། དེའི་ཚེ་ཀོའུ་ཤམ་པིའི་གྲོང་ཁྱེར་ཆེན་པོ་ན་ཁྱིམ་བདག་ཟླ་བ་བཟང་ངོ་ཞེས་བྱ་བ། དབང་པོ་ཉེ་བར་ཞིབ་ཡིད་ཉེ་བར་ཞིག། བུ་བོ་དང་། བུ་མོ་མང་པོ།
iiif viewer powered by OpenSeadragon
