| e-texts navigator |
| Wylie |
211a1 བ་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བདག་ཅག་ལ་སྨན་ཡོན་བཏགས་པར་འགྱུར་ཏོ།།
211a2 བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་གང་གིས་བདག་ཅག་རྣམས་ལ་སོགས་པས་ཆོས་སྨྲ་བ་རྣམས་ལ་སྲུང་བར་འགྱུར་བ་དང་། ཡོངས་སུ་བསྐྱབ་པ་དང་། ཞི་བ་དང་། བདེ་ལེགས་སུ་འགྱུར་བ་དང་། མཚོན་ཆ་སྤང
211a3 བ་དང་། ཆད་པ་སྤང་བ་དང་། དུག་གཞིལ་བ་དང་། དུག་གསད་པ་དང་། མཚམས་གཅད་པ་དང་། ས་བཅིང་བ་རྣམས་བགྱིད་པར་འགྱུར་བ་བཤད་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་གཟའ
211a4 རྣམས་མཆོད་པ་དང་། གསང་སྔགས་བཀའ་སྩལ་ཏོ།། ཨོཾ་མཾ་གྷོ་ལ་ག་ཡ་སྭཱ་ཧཱ། ཨོཾ་ཤི་ཏཾ་ཤ་བཻ་སྭཱ་ཧཱ། ཨོཾ་རག་ཏ་ཨཾ་ག་ཀུ་མ་ར་ཡ་སྭཱ་ཧཱ། ཨོཾ་བུད་ཡ་སྭཱ་ཧཱ། ཨོཾ་བྷཱི་ཧ་སྭ་ཏི་ཡེ་སྭཱ་ཧཱ། ཨོཾ་ཨ་སུ་རོད་ཏ་མ་ཡ་སྭཱ་ཧཱ། ཨོཾ་ཀྲིཥྞ་བན
211a5 ཡེ་སྭཱ་ཧཱ། ཨོཾ་ཨ་མྲྀ་ཏ་པྲི་ཡཱ་ཡ་སྭཱ་ཧཱ། ཨོཾ་ཛྙོ་ཏི་ཀཻ་ཏ་བཻ་སྭཱ་ཧཱ། ལག་ན་རྡོ་རྗེ་འདི་དག་ནི་གཟའ་དགུའི་གསང་སྔགས་ཀྱི་སྙིང་པོ་ཀླགས་པས་གྲུབ་པ་ཡིན་ཏེ། ཁ་དོག་དང་འཐུན་པར་སྤོས་ཀྱི་དཀྱིལ་འཁོར་སོར་བཅུ་གཉིས་པ་བྱས་པའི
211a6 དབུས་སུ་མཆོད་པར་བྱའོ། ། ཁམ་པ་འམ། ཟངས་ལ་སོགས་པ་འམ། གསེར་དང་དངུལ་གྱི་སྣོད་དུ་མཆོད་ཡོན་ཕུལ་ནས། རེ་རེ་ལ་ཡང་བཟླས་བརྗོད་བརྒྱ་རྩ་བརྒྱད་བྱའོ།། ལག་ན་རྡོ་རྗེ་དེའི་འོག་ཏུ་གཟའ་རྣམས་ཀྱི་ཡུམ་ཞེས་བྱ་བའི
211a7 གཟུངས་ཀྱི་གསང་སྔགས་ཀྱི་ཚིག་ལན་བདུན་བརྗོད་པར་བྱའོ། ། དེ་ནས་གཟའ་རྣམས་ཐམས་ཅད་སྲུང་བ་བྱེད་པར་འགྱུར་རོ།། དབུལ་བའི་གདོན་ལས་ཐར་བར་འགྱུར་རོ།། ཚེ་ཟད་པ་ལས་ཚེ་རིང་བར་བྱེད་པར་འགྱུར་རོ།། ལག་ན
211a8 རྡོ་རྗེ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། གནན་ཡང་སེམས་ཅན་ཀྱི་རིགས་གང་ཡིན་པ་དང་། གང་དག་གི་ན་ལམ་དུ་ཟག་པ་དེ་དག་ཀྱང་དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ།། ཕྱག་ན་རྡོ།
iiif viewer powered by OpenSeadragon
