| e-texts navigator |
| Wylie |
210b1 གཟའ་མི་ཟད་པ། མི་བཟད་པའི་གཟུགས་ཅན། དྲག་ཤུལ་གྱི་སེམས་དང་ལྡན་པ། ཁྲོ་བ་ཁྲོ་བའི་གཟུགས་ཅན་དག་སེམས་ཅན་ཐམས་ཅད་ལ་འཚེ་བར་བགྱིད་པ། ཐོ་འཚམ་པར་བགྱིད་པ། མདངས་ཀྱང་འཕྲོག་པར་བགྱིད་ཅིང་།
210b2 ཁ་ཅིག་ནོར་ཟས་འཕྲོག་པར་བགྱིད། ཁ་ཅིག་སྲོག་འཕྲོག་པར་བགྱིད། སེམས་ཅན་ཚེ་རིང་བ་ཁ་ཅིག་ནི་ཚེ་ཐུང་ངུར་གྱིད་དོ།། དེ་ལྟར་སེམས་ཅན་ཐམས་ཅད་ལ་གནོད་ཅིང་འཚེ་བར་བགྱིད་པ་དེ་རྣམས་ཀྱི་སླད་དུ་བཅོམ་ལྡན་འདས
210b3 ཀྱིས་ཆོས་ཀྱི་རྣམ་གྲངས་གང་གིས་སེམས་ཅན་ཐམས་ཅད་ལ་བསྲུང་བར་འགྱུར་བ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་ཡང་ཁྱོད་ཀྱིས་སྙིང་རྗེ་བསྐྱེད་པས་སེམས་ཅན་ཐམས་ཅད་ལ་ཕན་པར་བྱ་བའི་ཕྱིར
210b4 གསང་ཆེན་པས་ཀྱང་ཆེས་གསང་བ་དེ་བཞིན་གཤེགས་པ་ལ་ཞུ་བར་བྱེད་པ་ལེགས་སོ་ལེགས་སོ། ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། གཟའ་མི་བཟད་པའི་གཟུགས་ཅན་ཤིན་དུ་ཁྲོ་བ་དང་། ཤིན་དུ་འཇིགས
210b5 བར་བྱེད་པ་རྣམས་ཀྱིས་མཆོད་པ་དང་། མཆོད་ཡོན་དང་། བཟླས་བརྗོད་བཟང་པོ་གསང་བ་པས་ཀྱང་ཆེས་གསང་བ་ངས་བཤད་དོ།། དེ་དག་མཆོད་པས་མཆོད་གྱུར་ཅིང་། གནོད་པ་བྱས་ན་གནོད་བྱེད་དང་། གཟའ་དེ་ཀུན་གྱི་ཁ་དོག་དང་།
210b6 ཇིལྟ་བུར་ནི་འགྱུར་བ་དང་།། ལྷ་རྣམས་དང་ནི་ལྷ་མིན་དང་། མི་འམ་ཅི་དང་ཀླུ་དག་དང་། གནོད་སྦྱིན་རྣམས་དང་སྲིན་པོ་དང་། མི་རྣམས་དང་ནི་མི་མ་ཡིན།། དྲག་པོ་གཟི་བརྗིད་ཆེན་པོ་དང་།། ཁྲོས་བཞི་པར་བྱེད་པ་དེའི།། གསང་སྔགས
210b7 རྣམས་དང་མཆོད་པ་དང་། རིམ་པ་བཞིན་དུ་བཤད་པར་བྱ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ཉིད་ཀྱི་ཐུགས་གནས་སྙིང་རྗེ་རྣམ་པར་རོལ་པ་ཞེས་བྱ་བའི་འོད་ཟེར་བཀྱེསྟེ། གཟའ་རྣམས་ཀྱི་སྤྱི
210b8 ཞགས་སོ། ། དེ་ནས་དེའི་མོད་ལ་ཉི་མ་ལ་སོགས་པའི་ག། ས་རྣམ་ཐམས་ཅད་ལས་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལ་ལྷ་རྫས་ཀྱི་མཆོད་པ་བྱས་ཏེ། ཕྱག་འཚལ་ནས་པུས་མོ་བཙུགས་ནས་ཐལ་མོ་སྦྱར
iiif viewer powered by OpenSeadragon
