| e-texts navigator |
| Wylie |
198b1 ཞེས་བྱ་བ་མགོ་དགུ་པ་འཁོར་དང་བཅས་ཏེ་བྲི་བར་བྱའོ། ། བླ་རེ་དང་། གོས་སྔོན་པོ་དང་། རྒྱལ་མཚན་སྔོན་པོ་དང་། ལྔ་བཤོས་ཐམས་ཅད་ཀྱང་སྔོན་པོར་བྱའོ།། ཀླུ་གནད་ལ་དབབ་པ་ནི་མངར་གསུམ་གྱིས་བྱའོ།། མངར་གསུམ་གྱི་དགང་བླུགས་བདུན
198b2 ཡང་ཀླུའི་སྙིང་པོས་སྦྱིན་བསྲེག་བྱའོ། ། སྤྲིན་གྱི་རྒྱལ་པོ་རྣམས་ཀྱང་བྲེས་ཏེ་ཆར་གྱི་རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འབྲུ་བར་བྱའོ།། འདིར་དབབ་པ་ནི་ཁུ་རབ་བཀྲ་ཤིས་ལྡན་དང་། བེན་ཙེ་དང་། ཤ་དང་། ཉ་ཤ་དང་། སྦྲང་རྩི
198b3 ལས་བྱས་པའི་ཟས་མཆོག་རྒྱས་པར་བྱའོ། ། དེ་ནས་ཆོས་སྨྲ་བ་གཙང་ཞིང་གོས་གཙང་མ་བགོས་པས་རླུང་གི་དཀྱིལ་འཁོར་ཀྱི་ལེའུ་ཀླུ་ཐམས་ཅད་ཀྱི་སྙིང་པོ་ཀླག་པར་བྱའོ།། དེ་ནས་ཀླུ་རྣམས་དང་པོའི་ཉིན་མོ་ནས་བརྩམས་ཏེ། དེ་རི་རིར
198b4 སྒྲ་སྒྲོགས་པར་བྱེད་ཅིང་། སྒྲ་ཡིད་དུ་འོང་བ་དག་འབྱིན་པར་འགྱུར་ཏེ་ལེའུ་འདི་ལ་ཐེ་ཙོམ་དང་བསྙས་པར་མི་བྱའོ་གལ་ཏེ་རྒྱ་མཚོ་དུས་ཚོད་ལས་ཡོལ་ན་འདི་ཡང་ཆར་ལས་ཡོལ་བར་འགྱུར་རོ།། བཅོམ་ལྡན་འདས་དེ་བཞིན་གཤེགས་པ་དགྲ
198b5 བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་སྒྲ་སྒྲོགས
198b6 ལ་ཕྱག་འཚལ་ལོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་དཔལ་ལ་ཕྱག་འཚལ་ལོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
198b7 སངས་རྒྱས་འབྲུག་སྒྲོགས་ལ་ཕྱག་འཚལ་ལོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ཀུན་དུ་སྟོན་ལ་ཕྱག་འཚལ་ལོ།། བཅོམ་ལྡན་འདས་དེ་བཞིན་གཤེགས་པ་དགྲ
198b8 བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛག་ལ་ཕྱག་འཚལ་ལོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་རྣམ་པར་རྒྱས་མཛད་ལ་ཕྱག་འཚལ་ལོ།།
iiif viewer powered by OpenSeadragon
