| e-texts navigator |
| Wylie |
158b1 མཆོག། པད་མའི་ལྟེ་བ་ཐུབ་མེད་རྒྱལ།། ཚངས་པར་སྤྱོད་པ་རྒྱ་མཚོ་ཆེ།། གནོད་འཛིན་བདག་ཉིད་ཆེ་བ་ཡི།། མིང་བརྒྱ་རྩ་བརྒྱད་ངེས་བཤད་འདི།། སྡིག་པ་ཐམས་ཅད་འཇོམས་བྱེད་ཅིང་།། དབུལ་བའི་ཉོན་མོངས་སེལ་བྱེད་པ།། འབྱོར་དང་།
158b2 ཀལ་བཟང་སྐྱེད་པ་པོ།། གླང་པོ་ཏ་ནོར་འཕེལ་བྱེད་པ།། གཟའ་དང་རྒྱུ་སྐར་མི་ལ་མ་ངན།། ལྷས་ངན་སལ་བར་བྱེད་པ་སྟེ།། ནགས་ས་མགལ་ཏེ་གྲོང་དང་ནི།། དུར་ཁྲོད་ཡང་ན་རི་ཡང་རུང་།། མཁས་པ་གང་ན་ཀློག་པ་དེར་གསུལ་དང་ངགྲན
158b3 ཉམ་ངབ། ། སྦྲུལ་དང་མཆུ་ཆོམ་རྐུན་སོགས།། སྟག་དང་དོམ་དང་འཇིགས་པ་ཆེ།། རྒྱ་མཚོ་བགྲོད་དཀར་མི་བཟང་ལས།། མི་ནི་རབ་དུ་ཞི་བར་འགྱུར།། དབང་པོ་མེ་དང་ཆུ་ལྷ་དང་།། གཤིན་རྗེ་སྲིན་བདག་རླུང་ལྷ་དང་།། ནོར་སྦྱིན་དཔལ
158b4 ལྡན་ཀུ་བེ་ར། ། ནོར་བུ་བཟང་སྲས་ལྔ་རྩེན་དང་།། རྩེ་མ་ཅན་དང་འབྲོག་གནས་དང་།། ལྷ་དང་གནོད་སྦྱིན་གཞན་དག་ཀྱང་།། གཡེལ་བ་མེད་པར་ཉིན་མཚན་དུ།། རབ་ཏུ་དགའ་བཞིན་སྲུང་བར་བྱེད།། གང་ན་མིང་འདི་ཀློག་པ་དང་།། གླང
158b5 ཆེན་རྟ་དང་བ་ལང་དང་། ། ལོ་ཏོག་རྣམ་པ་སྣ་ཚོགས་དང་།། འབྲས་བུ་མེ་ཏོག་རྣམས་ཀྱང་འཕེལ།། མི་ནད་དང་ནི་འགོ་བའི་ནད།། གནོད་པ་ཀུན་ལས་བྱུང་བ་རྣམས།། ཐམས་ཅད་དུ་ནི་བདེ་ལེགས་འགྱུར།། ལྷག་པར་བྱིས་པ་རྣམས་ལ
158b6 ཤིས། དེ་ལ་ཡི་དགས་ཀླུ་ནམས་དང་།། མ་མོ་དང་ནི་གདོན་དྲག་དང་།། མཁའ་འགྲོ་མ་དང་མི་འམ་ཅི།། སྲིན་པོ་རྣམས་ཀྱང་འཆི་མི་བྱེད།། ནད་དོ་ཅོག་ལས་རྣམ་པར་གྲོལ།། དེ་བཞིན་བདེ་ཞིང་ནོར་དང་ལྡན།། བུ་དག་དང་ནི་ཚ་བོ་དང་།། དཔལ
158b7 དང་གཏོང་བ་རྣམས་ཀྱིས་རྒྱས། ། རིགས་མཆོག་རྒྱལ་བ་འབྱུང་བ་དང་།། ལོངས་སྤྱོད་ཆེན་པོའི་ནང་དུ་སྐྱེ།། ཚེ་དང་དཔལ་དང་ལྡན་པ་དང་།། ནད་མེད་རིམས་དང་བྲལ་བར་འགྱུར།། ཚེ་རབས་ཀུན་དུ་སྐྱེ་བ་དྲན།། ལོབས་སྤྱན་ཐོས་པ་འཛིན
158b8 པ་དང་། བྱང་ཆུབ་སེམས་དཔའི་ཡོན་ཏན་ལྡན།། སྐལ་བ་བཟང་པོ་ཉིད་དུ་འགྱུར།། ཕྱག་འཚལ་ཕྱག་འཚལ་གནོད་སྦྱིན་རྗེ།། གསང་བདག་ཁྱོད་ལ་ཕྱག་འཚལ་ཏེ། མ་རུངས་འདུལ་ལ་བརྩོན་པ་པོ།། ལག་ན་རྡོ་རྗེ་ཁྱོད་ལ་འདུད།།
iiif viewer powered by OpenSeadragon
