| e-texts navigator |
| Wylie |
151a1 དྲི་མ་མེད། ། རྣམ་དག་ཟུགས་མངའ་ཞི་བ་མཁྱེན།། ཉེས་སེལ་ཁྱོད་ལ་ཕྱག་འཚལ་ལོ།། རྩེ་མོ་ཡངས་པར་རྣམ་པར་གྲགས།། སྔགས་ཆེན་མང་པོས་འདུལ་མཛད་པ།། སྙིང་པོ་ཆེན་པོ་དཀྱིལ་འཁོར་མཆོག། དཀྱིལ་འཁོར
151a2 མཁྱེན་པ་ཁྱོད་ཕྱག་འཚལ། ། སྡུག་བསྔལ་གསུམ་སེལ་གསུམ་གྱི་མཆོག། དཀོན་མཆོག་གསུམ་དང་སྤྱོད་ཡུལ་འདྲ།། ནམ་གསུམ་མཁྱེན་པ་རྙེད་པའི་བདག། ནམ་ཐར་གསུམ་ཁྱོད་ཕྱག་འཚལ་ལོ།། བྱང་ཆུབ་སེམས་དཔའ་ཡོན་ཏན་གྱི།།
151a3 འབྱོར་བ་བརྙེས་ཤིང་མཉམ་ཉིད་བསྙེས།། བསྐལ་པ་དག་ནི་གྲངས་མེད་པར།། ཚོགས་ཆེན་བསགས་པ་ཁྱོད་ཕྱག་འཚལ།། ས་ལ་གནས་པས་ཆེན་བརྙེས།། སའི་འབྲས་བུ་ཕུན་སུམ་ཚོགས།། ཡང་དགས་འཛིན་ལས་བྱུང་བ།། ཡེ་ཤེས་ས
151a4 ཁྱོད་ཕྱག་འཚལ་ལོ། ། ཏིང་ངེ་འཛིན་ལ་མངའ་བརྙེས་པ།། ཉེས་གསུམ་སྤོང་ཞིང་སྡིག་པ་སེལ།། ཏིང་འཛིན་མཁྱེན་ཅིང་རྒྱ་ཆེ་བ།། མཉམ་པ་ཉིད་མཉམ་ཁྱོད་ཕྱག་འཚལ།། མགོན་པོ་ཆེན་པོ་སྣང་བ་ཆེ།། སྡུག་བསྔལ་ཆེན་པོའི་དྲི་མ་སེལ།།
151a5 ཞིཟླར་མ་ལུས་ཞི་མཛད་པ།། ཡོན་ཏན་པ་མཐའ་ཁྱོད་ཕྱག་འཚལ།། སངས་རྒྱས་ཀུན་མཚུངས་གསུང་ལྡན་པ།། ཆོས་ཀུན་ཞི་བ་ཕུན་སུམ་ཚོགས།། དཀོན་མཆོག་གསུམ་རིགས་དཔེ་མེད་པ།། རིན་ཆེན་མཐའ་ཡས་ཁྱོད་ཕྱག་འཚལ།
151a6 རྡོ་རྗེ་ཆེན་པོ་དྲི་མེད་མཆོག། རྡོ་རྗེའི་མཚོན་བསྣམས་སྡིག་མི་མངའ།། ནམ་མཁའ་མ་ལུས་ཡུལ་དང་ལྡན།། ཡེ་ཤེས་སྤྱོད་ཡུལ་རྒྱ་མཚོ་མངའ།། དེ་བཞིན་གཤེགས་དང་ཡུལ་གཅིག་པ།། སེལ་བ་པོ་སྟེ་དྲི་མ་སྟོད་།། ཤེས་རབ་ཆེན་པོ་རྒྱལ
151a7 བའི་སྲས། ། སྲེད་གཅོད་ཁྱོད་ལ་ཕྱག་འཚལ་ལོ།། རྡོ་རྗེའི་དཀྱིལ་འཁོར་རྡོ་རྗེའི་མཆོག། རྡོ་རྗེས་འདུལ་བ་རྡོ་རྗེ་འཆང་།། རྡོ་རྗེ་རྩལ་ཅན་རྣམས་ཀྱི་རྩལ།། རྡོ་རྗེ་སྣང་བ་ཁྱོད་ཕྱག་འཚལ།། རིན་ཆེན་ཆེན་པོ་རིན་ཆེན་པོ།། རིན་ཆེན་རྡོ་རྗེ
151a8 འོད་ཆེ་བ། ། རིན་ཆེན་འོད་མཛེས་རིན་ཆེན་འབྱུང་།། རིན་ཆེན་བསྟན་པ་སྲུང་མཛད་པ།། སྟོང་པ་ཉིད་ཀྱི་ཡུལ་བརྙེས་པ།། ཡེ་ཤེས་སྟོང་པ་ཉིད་ཀྱིས་སྟོན།། སྟོང་ཉིད་ལོངས་སྤྱོད་ཡུལ་དང་ལྡན།། སྟོང་ཉིད་མཆོག་ཁྱོད་ཕྱག་འཚལ་ལོ།།
iiif viewer powered by OpenSeadragon
