| e-texts navigator |
| Wylie |
134a1 སངས་རྒྱས་འབྱུང་བའི་ཆོས་བསྟན་པ་ལེགས་སོ་ལེགས་སོ། ། འདི་ནི་ཐོས་པ་ཙམ་གྱིས་ཀྱང་སེམས་ཅན་རྣམས་ཤིན་ཏུ་རྣམ་པར་དག་པར་བྱེད་དོ།། གང་ལ་ལ་ཉན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད
134a2 པ་དེས་ནི་ཡོན་ཏན་ཕུན་སུམ་ཚོགས་པ་ཐམས་ཅད་དང་། ། དགེ་བའི་མཆོག་ཀྱང་ཐོབ་པར་འགྱུར་རོ།། དེ་ནས་ལྷའི་དབང་པོ་དབང་ཕྱུག་ཆེན་པོ་དཔག་ཚད་འབུམ་ཕྲག་དུ་མར་ཁྱབ་ཅིང་འཇིག་རྟེན་གསུམ་པོ་ཀུན་ཏུ་རྒྱས་ཀོ་ལྟེ་སྟེ།
134a3 འཁོར་དང་བཅས་པ་དང་། རྡོ་རྗེའི་དཀྱིལ་འཁོར་དུ་འདུས་པའི་བྱང་ཆུབ་སེམས་དཔའ་ཐམས་ཅད་ཀྱིས་མགོ་བོ་བཏུད་ནས་འཕགས་པ་སྤྱན་རས་གཟིགས་དབང་ཕྱུག་ལ་སའི་དབང་ཕྱུག་དཔའ་བོ་རྣམ་པར་རྩེ་བ་ཞེས་བྱ་བའི་མཚན་བརྒྱ
134a4 རྩ་བརྒྱད་པས་མངོན་པར་བསྟོད་པ། ། ས་ཡི་དབང་ཕྱུག་རྡོ་རྗེའི་དཀྱིལ་འཁོར་བ།། སྲིད་གསུམ་མ་ལུས་ཡོན་ཏན་ཆེན་པོའི་བདག། དྲི་མེད་སྐྱོན་བྲལ་གསལ་བའི་དཀྱིལ་འཁོར་ཅན།། སྙིང་རྗེས་ཁྱབ་པའི་དཀྱིལ་འཁོར་རྒྱ་ཆེ་བ།།
134a5 རབ་དགའ་རབ་དགྱེས་རབ་ཏུ་བསྟོན་པ་པོ།། བསྐལ་པ་བཟང་པོ་རྣམ་ཐར་ཞི་བའི་མཆོག། ཤིན་ཏུ་རྣམ་དག་ཡོན་ཏན་ཆེན་པོའི་བདག། རྣམ་དག་དུ་མར་གྲགས་པའི་མེ་ཏོག་ཐོང་།། རབ་མཆོག་སྲིད་གསུམ་དག་གི་མིག་གཅིག་པ།།
134a6 མཆོག་སྦྱིན་འགྲོ་བ་ཀུན་གྱི་འབྱོར་པ་མཛེས།། དཔག་མེད་པས་ཀྱང་དཔག་མེད་བསྐལ་པར་འབྱུང་།། སྐྱབས་དང་ཡིད་འཕྲོག་དག་ཅིང་གསལ་བར་མཛད་ནོར་བུའི་ཐོད་ཅན་རྡོ་རྗེ་ལས་བྱུང་བ།། སྲིད་གསུམ་གཅིག་པ་དཔའ་བོ
134a7 པད་མའི་སྤྱན། ། ཐོས་པའི་རྒྱ་མཚོ་སེམས་ཅན་ཀུན་པས་དཔའ།། འགྲོ་བ་ཐམས་ཅད་རྣམ་པར་གྲོལ་མཛད་མཆོག། སྙན་ཆ་འགུལ་ཞིང་པད་མ་དག་པ་བསྣམས།། དབང་ཕྱུག་བདེ་གཤེགས་བཞུགས་པའི་ཐོར་ཚུགས་ཅན
134a8 ཚུལ་བཟང་ཡོན་ཏན་རྒྱན་དུ་འཚལ་པའི་གཟུགས། ། འཇིག་པའི་རླུང་ཆེན་འཚུབ་པའི་མཚོན་ཆ་ཅན།། དགེ་བའི་རྒྱུ་སྟེ་དམ་པ་སྩོལ་བའི་རྒྱུ།། ཚུལ་གྱི་ལོངས་སྤྱོད་བདེ་ཆེན་མཆོག་གི་རྒྱུ།། དཀྱིལ་འཁོར་མཆོག་གི་སྤྱོད་ཡུལ་ཏུ
iiif viewer powered by OpenSeadragon
