| e-texts navigator |
| Wylie |
111a1 ས་བཅུ་ཕ་རོལ་ཕྱིན་བཅུ་བདག། དབང་བཅུ་དོན་བཅུ་རྣམ་པ་བཅུ། མི་འཇིགས་བཞི་དང་མ་འདྲེས་ཆོས། བྱམས་དང་ཐུགས་རྗེ་ཆེན་པོ་དག། དབྱངས་གཅིག་གིས་ནི་སྔགས་ཀྱིས་སུ།། སྡུག་བསྔལ་སྣ་ཚོགས་རབ་ཞི་དང་།
111a2 ཡིད་འཕྲོག་དཔལ་འབྱོར་དབང་ཕྱུག་དང་།། མཐུ་སྟོབས་དུས་བསྐྱེད་པ་དང་།། རྟག་གནས་ཐོབ་དང་དོན་དེས་ཐོབ།། རྡོ་རྗེ་བླ་ན་མེད་སེམས་བསྐྱེད།། མདོར་ན་གང་གིས་གང་འདོད་པ།། བསམ་པས་སེམས་རྣམས་རྫོགས་པའི
111a3 ཕྱིར། རྡོ་རྗེ་བླ་ན་མེད་པ་གསོར།། ཆོས་སུ་བླ་ན་མེད་པ་སྒྲོགས།། འཁོར་ལོ་བླ་ན་མེད་པ་བསྐོར།། རལ་གྲི་བླན་མེད་བཟུང་།། པད་མ་བླ་ན་མེད་པ་ཆོངས།། རིན་ཆེན་བླ་མེད་གསལ་བར་གྱིས།། དཀྱིལ་འཁོར་ཚུལ་དུ
111a4 སྤྲོས་ནས་ཀྱང་། ། མཆོད་རྟེན་ཚུལ་དུ་བསྡུ་བར་གྱིས།། ལྷ་ཀླུ་གནོད་སྦྱིན་དྲི་ཟ་དང་།། ལྷ་མི་མཁའ་ལྡིང་མི་འམ་ཅི།། སྲིན་པོ་ཤ་ཟ་རྗེད་དབྱེད་ཚོགས།། འཇིགས་པ་དག་ཀྱང་འཇིགས་འགྱུར་བའི།། རྣམ་འཕྲུལ་དུ་མ་འདི
111a5 སྦྱར་ཅིག། གསུང་མཆོག་དེ་སྐད་ཐོས་མ་ཐག། ལག་ན་རྡོ་རྗེ་མཐུ་བོ་ཆེས།། དགའ་མགུ་ཐལ་མོ་རབ་སྦྱར་ཏེ།། སྙན་པའི་ཚིག་གིས་འདི་གསོལ་ཏོ།། གསེར་དང་རིན་ཆེན་ལྔ་པོ་ལས།། རབ་མཆོག་རི་བོང་གྱུར་པ་ལས།
111a6 འགྲོ་རྣམས་ཀུན་ཀྱིས་རྟེན་གནས་དང་།། རྟགས་སུ་ཡང་དག་འཛིན་པ་ལྟར།། རྣམ་པར་ཤེས་དང་ཕུང་པོ་བཞི།། འབྱུང་བ་རྣམ་པར་དག་བསྒྲུབས་པས།། ལྷ་དང་ཕྱག་རྒྱ་ཕྲིན་ལས་སུ།། སྔགས་ཤེས་རྣམས
111a7 ཀྱིས་གཟུང་བས་ནས། བརྟུལ་བའི་ཡེ་ཤེས་བྱང་ཆུབ་རིམ།། ། ཁྱད་པར་དེ་ལ་ལྡན་པར་འགྱུར།། དེ་ནས་བཅོམ་ལྡན་ཐུབ་པ་ཆེ།། ཀུན་མཁྱེན་ཡེ་ཤེས་གཙོ་བོ་ཆེས།། སྐུ་ལས་སྣ་ཚོགས་མདངས་འོད་ཅན
111a8 འོད་ཟེར་དུ་མ་བྱུང་ནས་ཀྱང་། ། གཞི་དང་སྙིང་པོ་མེ་ཏོག་གིས།། བརྒྱན་པའི་ཞིང་རྣམས་ཁྱབ་བྱས་ཚེ།། ས་ཡང་རྣམ་པ་དྲུག་དུ་གཡོས།། འཇིག་རྟེན་སྐྱོད་དང་བདུད་ཀྱི་ཚོགས།། མ་ལུས་པ་རྣམས་བརྒྱལ་བར
iiif viewer powered by OpenSeadragon
