| e-texts navigator |
| Wylie |
231a1 དེ་ལས་གཞན་ངན་འགྲོ་རྣམས་སུ་སྐྱེ་བར་གྱུར་ཀྱང་རུང་སྟེ། དེ་དག་གཟུངས་འདིའི་མཐུས་དྲན་འགྲོ་དེ་དག་ལས་ཐར་བར་འགྱུར་རོ།། དེ་དག་ལས་ཐར་ནས་ཀྱང་ལྷར་སྐྱེ་བར་འགྱུར་རོ།། སུ་ཞིག་འདི་ཉིན་གཅིག
231a2 བཞིན་དུ་ལ་ནི་ཉི་ཤུ་རྩ་གཅིག་རེ་རེ་ཡོངསུ་བརྗོད་པ་དེ་འཇིག་རྟེན་མང་པོའི་མཆོད་པའི་འོས་སུ་འགྱུར་རོ། ། ཚེ་རིང་བར་འགྱུར་རོ།། བདེ་བ་མྱོང་བར་འགྱུར་རོ།། རྟག་ཏུ་སྤྲོ་བ་དང་ལྡན་པ་དང་མྱ་ངན་ལས་འདས་པ་ཆེན་པོ་ཐོབ་པར
231a3 འགྱུར་རོ། ། ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ།། དེ་ནས་ཀྱང་སངས་རྒྱས་ཀྱི་ཞིང་ཐ་དད་པ་སྣ་ཚོགསུ་ཡོངས་སུ་འགྲོ་བར་འགྱུར་རོ།། དེར་ཡང་དེ་བཞིན་གཤེགས་པ་ཐམས་ཅད་དང
231a4 ཕྲད་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ཀྱང་དབུགས་འབྱིན་པར་འགྱུར། དེ་བཞིན་གཤེགས་པ་ཐམས་ཅད་ཀྱིས་ལུང་སྟོན་པར་འགྱུར་རོ།། སངས་རྒྱས་ཀྱི་ཞིང་ཐམས་ཅད་དུ་ཡང་འཇིག་རྟེན་སྣང་བར
231a5 བྱེད་པར་འགྱུར་རོ། ། ལྷའི་དབང་པོ་ཐབས་འདིས་ནི་འགྲོ་བ་ཐམས་ཅད་ཀྱང་སེམས་ཅན་དམྱལ་བ་ལ་སོགས་པའི་འགྲོ་བ་ཐམས་ཅད་ལས་ཡོངས་སུ་ཐར་བར་འགྱུར་རོ།། དེ་དག་གི་འགྲོ་བ་ཐམས་ཅད་ཀྱང་ཡོངས་སུ་དག་ཅིང
231a6 ཆོ་རིང་བར་ཡང་འགྱུར་རོ། ། ལྷའི་དབང་པོ་སོད་ལ་ལྷའི་བུ་བློ་གྲོས་ཤིན་དུ་བརྟན་པ་ལ་གཟུངས་འདི་རྗེས་སུ་སྟོན་ལ་སྒྲོགས་ཤིག། ལྷའི་དབང་པོ་དེས་ན་ཞག་བདུན་ན་ལྷའི་བུ་ཤིན་དུ་བརྟན་པའི་འགྲོ་བ་ཐམས་ཅད་ཡོངས་སུ
231a7 དག་ཅིང་ཚེ་རིང་བར་འགྱུར་རོ། ། སྟོབས་ཆེ་བར་འགྱུར་རོ།། དེ་ནས་ལྷའི་དབང་པོ་བརྒྱ་བྱིན་གྱིས་དེ་བཞིན་གཤེགས་པ་ལས་རྗེས་སུ་བསྟན་པ་འདི་བླངས་ཏེ། དེའི་གནས་སུ་ཕྱིན་ནས་ལྷའི་བུ་ཤིན་ཏུ་བརྟན་པ་ལ་གཟུངས་འདི་བྱིན་ནོ།།
231a8 དེནས་ལྷའི་བུ་དེས་ཉི་མ་བདུན་པའི་བར་དུ་ཉིན་དྲུག་མཚན་དྲུག་ཏུ་གཟུངས་འདི་ལ་བརྩོན་པར་བྱས་པ་ན་དེའི་བསམ་པ་ཐམས་ཅད་ཕུན་སུམ་ཚོགས་ཏེ། འདི་ལྟ་སྟེ་ངན་འགྲོ་ལས་ནི་ཡོངས་སུ་ཐར།། བདེ་འགྲོའི་ལམ་ལ་ཡང
iiif viewer powered by OpenSeadragon
