| e-texts navigator |
| Wylie |
230b1 བདག་ནི་བྱས་པ་བཟོ་བར་བགྱིད་ཅིང་། བྱས་པ་མི་བཟོ་བར་མི་བགྱིད་དོ།། དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས
230b2 གཟུངས་འདིའི་ཆོ་ག་ཞིབ་མོ་དང་། བགྱི་བའི་ཆོ་ག་ཚུལ་རྒྱས་པར་བཤད་དུ་གསོལ།། དེ་ནས་བཅོམ་ལྡན་འདས་ཀྱིས་རྒྱལ་པོ་བཞི་པོ་དག་ལ་འདི་སྐད་ཅེས་བཀའ་སྩལ་ཏོ།། ཉོན་ཅིག་དང་གཟུངས་འདིའི་བྱ་བའི་ཚུལ
230b3 བཤད་པར་བྱའོ། ། སེམས་ཅན་ཚེ་ཐུང་བའི་དོན་གྱི་ཕྱིར་རིགས་ཀྱི་བུ་འམ། རིགས་ཀྱི་བུ་མོས་ཚེས་བཅཝ་ལྔ་ཟླ་བ་ཉ་བ་ལ་ཁྲུས་བྱས་ཏེ་ལན་སྟོང་རྩ་བརྒྱད་བཟླས་བརྗོད་བྱས་ན་དེས་སེམས་ཅན་ཚེ་ཟད་པ་དེའི་ཚེ་ཕྱིར་ནར་ནས
230b4 ནད་ཐམས་ཅད་དང་བྲལ་བར་འགྱུར་རོ། ། སྒྲིབ་པ་ཐམས་ཅད་རྣམ་པར་དག་པ་ཐོབ་པར་འགྱུར་རོ།། སེམས་ཅན་དམྱལ་བ་ལ་སོགས་པ་ངན་འགྲོ་ཐམས་ཅད་ལས་ཡོངས་སུ་ཐར་བར་འགྱུར་རོ།། ཐ་ན་དུད་འགྲོའི་སྐྱེ་གནས་སུ
230b5 སོང་བའི་སྲོག་ཆགས་བྱའི་རྣ་ལམ་དུ་གཟུངས་འདིའི་སྒྲ་བསྒྲགས་པར་བྱ་སྟེ། ། དེས་ནི་དེའི་ངན་འགྲོའི་ཐ་མ་ཡིན་པར་རིག་པར་བྱའོ།། གང་ཞིག་ནད་ཆེན་པོས་བཏབ་ཏེ་སྨན་པ་རྣམས་ཀྱིས་བྱེ་བྲག་བྱེ་བ་དེ་ཡང་ནད་དེ་ལས་ཡོངས
230b6 སུ་ཐར་བར་འགྱུར་རོ། ། དེའི་ངན་འགྲོར་སྐྱེ་བ་ཐམས་ཅད་ཀྱང་རྒྱུན་ཆད་པར་འགྱུར་རོ།། ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ།། དེ་ཉིད་དེའི་མངལ་གྱི་གནས་ཐ་མ་ཡིན་པར་རིག་པར་བྱའོ།།
230b7 གང་དང་གང་དུ་སྐྱེས་པ་དེ་དང་དེར་པད་མའི་སྙིང་པོ་ཁོ་ན་ལས་བརྫུས་ཏེ་སྐྱེ་བར་འགྱུར་རོ།། ཚེ་རབས་ཐམས་ཅད་དུ་ཡང་ཚེ་རབས་དྲན་པར་འགྱུར་རོ།། སེམས་ཅན་སྡིག་པ་བྱེད་པ་གང་དག་ཤི་བའི་དུས་བྱས་པ་དེ་དག་གི
230b8 དོན་དུ་གཟུངས་ཉུངས་དཀར་དག་ལ་ལན་ཉི་ཤུ་རྩ་གཅིག་ཡོངས་སུ་བརྗོད་དེ། དེ་དག་གི་རུས་གོང་རྣམས་ཀྱི་སྟེང་དུ་གཏོར་ན་དེ་དག་དམྱལ་བ་འམ། དུས་འགྲོའི་སྐྱེ་གནས་སམ་གཤིན་རྗེའི་འཇིག་རྟེན་ནས་ཡི་དགས་སམ
iiif viewer powered by OpenSeadragon
