| e-texts navigator |
| Wylie |
229b1 འདིལྟ་སྟེ་བྲམ་ཟེའི་རིགས་ཤིངས་ལ་ཆེན་པོ་ལྟ་བུའམ། རྒྱལ་རིགས་ཤིང་ས་ལ་ཆེན་པོ་ལྟ་བུ་འམ། ཚོང་དཔོན་གྱི་རིགས་ཤིང་ས་ལ་ཆེན་པོ་ལྟ་བུར་སྐྱེའོ་ཞེས་ང་སྨྲའོ།། ལྷའི་དབང་པོ་དེ་ལྟར་ན་གཟུངས་འདིའི་མཐུས་བྱང་ཆུབ
229b2 ཀྱི་སྙིང་པོ་ལ་མཐར་ཐུག་གི་བར་དུ་སྐྱེ་བ་ཡོངས་སུ་དག་པ་ཆེན་པོ་འཐོབ་སྟེ། ལྷའི་དབང་པོ་གཟུངས་འདི་ནི་དེ་ལྟར་མཐུ་ཆེ་སྟེ། ལྷའི་དབང་པོ་གཟུངས་འོད་ལྟར་མཐུ་ཆེ་བ་ཕན་ཡོན་ཆེ་བ་མཐུ་སྟོབས་ཆེ་བ་དགེ་ཞིང་ཤིས་པ་ཡིན་ཏེ།
229b3 ལྷའི་དབང་པོ་སེམས་ཅན་རྣམས་ཀྱི་དོན་གྱི་ཕྱིར། གཙུག་ཏོར་རྣམ་པར་རྒྱལ་ཞེས་བྱ་བའི་གཟུངས་ངན་འགྲོ་ཐམས་ཅད་ཡོངས་སུ་སྦྱོར་བ་འདི་བཞག་གོ། འདི་ལྟ་སྟེ་དཔེར་ན་ནོར་བུ་རིན་པོ་ཆེ་ཉི་མའི་སྙིང་པོ་ཤིན་དུ་དྲི་མ་མེད་པ་ནམ་མཁའ
229b4 ལྟར་ཡོངས་སུ་དག་པ་འོད་གསལ་བ་ནི་འོད་ཟེར་གྱི་སྣང་བས་འབར་ཞིང་འདུག་གོ། ལྷའི་དབང་པོ་དེ་བཞིན་དུ་སེམས་ཅན་དེ་ཡང་གོས་པ་མེད་པར་ཤེས་པར་བྱའོ།། འདི་ལྟ་སྟེ་དཔེར་ན་འཛམ་བུའི་ཆུ་བོའི་གསེར་ནི་དྲི་མ་མེད་པ་ཤིན་ཏུ
229b5 ཡོངས་སུ་དག་པ་དང་ཤིན་དུ་མཉེན་པ་ཤིན་དུ་སྡུག་པའོ། ། ལྷའི་དབང་པོ་དེ་བཞིན་དུ་སེམས་ཅན་དེ་ཡང་ཤིན་དུ་ཡོངས་སུ་དག་པར་རིག་པར་བྱ་སྟེ། ཚེ་རབས་གཞན་དུ་ཡང་དེ་བཞིན་དུ་སྐྱེ་བར་འགྱུར་རོ།། ལྷའི་དབང་པོ་གང་ན་གཟུངས
229b6 འདི་རབ་ཏུ་སྟོན་པ་དང་། བྱེ་བྲག་ཏུ་ན་ཡི་གེར་འདྲིར་འཇུག་པ་དང་། འཛིན་པ་དང་། ཀློག་པ་དང་། འདོན་པ་དང་། ཁ་ཏོན་དུ་བྱེད་པ་དང་མཆོད་པ་དང་། ཀུན་ཆུབ་པར་བྱེད་པ་དང་། ཉན་པ་དང་འཛིན་པར་འགྱུར་བ་དེར་འགྲོ་བ་ཐམས་ཅད
229b7 ཡོངས་སུ་དག་པར་འགྱུར། སེམས་ཅན་དམྱལ་བ་ཐམས་ཅད་རྒྱུན་ཆད་པར་འགྱུར་རོ།། ལྷའི་དབང་པོ་གཟུངས་འདི་ཡི་གེར་བྲིས་ཏེ་རྒྱལ་མཚན་གྱི་རྩེ་མོར་གཞག་པར་བྱ།། རི་མཐོན་པོ་འམ་ཁང་པ་མཐོན་པོ་འམ་མཆོད་རྟེན་གྱི
229b8 སྲོག་ཤིང་གི་སྟེང་དུ་གཞག་པར་བྱའོ། ། ལྷའི་དབང་པོ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དེ་ལས་གཞན་པའི་རིགས་ཀྱི་བུའམ་རིགས་ཀྱི་བུ་མོ་གང་གིས་རྒྱལ་མཚན་གྱི་རྩེ་མོར་བཞག་པ
iiif viewer powered by OpenSeadragon
