| e-texts navigator |
| Wylie |
229a1 རྒྱས་བཏབ་པ་སྟེ། སེམས་ཅན་ཐམས་ཅད་བདེ་འགྲོར་འགྲོ་བར་བྱ་བ་དང་། ངན་འགྲོར་ལྷུང་བ་རྣམས་བཟློག་པ་དང་། སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལ་སོགས་པ་སྡུག
229a2 བསྔལ་གྱི་གནས་ཐམས་ཅད་དུ་སྡུག་བསྔལ་ཞིང་ཉམ་དབར་གྱུར་པ་རྣམས་དང་། སྡུག་བསྔལ་གྱི་རྒྱ་མཚོར་ལྷུང་བའི་སེམས་ཅན་རྣམས་རྣམ་པར་གྲོལ་བར་བྱ་བའི་ཕྱིར་གསུངས་པའོ།། དེ་བཞིན་དུ་སེམས་ཅན་ཚེ་ཐུང་ཞིང་སྐལ་བ་ཆུང
229a3 བ་སྨད་པ་དང་བསམ་པ་ཉམས་པ་དང་སེམས་ཅན་ལམ་ལས་ཉམས་པ་རྣམས་ཀྱི་དོན་དུ་གཟུངས་འདི་འཛམ་བུའི་གླིང་དུ་བཞག་གོ། ། ལྷའི་དབང་པོ་ཁྱོད་ཀྱིས་གཟུངས་འདི་བཟུང་ལ་ལྷའི་བུ་ཤིན་དུ་བརྟན་པ་ལ་སྒྲོགས་ཤིག། བསྒྲག
229a4 ནས་ཀྱང་གདོན་པ་དང་ཁ་ཏོན་དུ་བྱ་བ་དང་། བསམ་པ་དང་སྒོམ་པ་དང་དྲན་པར་བྱ་བ་དང་། མཆོད་པ་དང་བཟུང་བ་དང་ཀུན་ཆུབ་པར་བྱ་བ་ལ་དེ་སྦྱོར་བར་གྱིས་ཤིག་དང་། དེ་ལྟར་ལྷའི་གནས་ཐམས་ཅད་ན་འཁོད་པའི་ལྷའི་བུ་རྣམས་དང
229a5 འཛམ་བུའི་གླིང་པའི་སེམས་ཅན་རྣམས་ཀྱི་དོན་དང་ཕན་པ་དང་བདེ་བའི་ཕྱིར་གཟུངས་ཀྱི་ཕྱག་རྒྱ་དང་། གསང་སྔགས་འདི་དག་ཁྱོད་ལ་གཏད་དོ།། དེའི་ཕྱིར་ལྷའི་དབང་པོ་ཁྱོད་ཀྱིས་གཟུང་བར་བྱའོ།། ལྷའི་དབང་པོ་གཟུངས་འདི
229a6 ཐོས་མ་ཐག་ཏུ་བསྐལ་པ་བརྒྱ་སྟོང་དུ་བསགས་པའི་ལས་ཀྱི་སྒྲིབ་པ་ཡོངས་སུ་བྱར་བར་འགྱུར་རོ། ། སྐྱེ་བར་སྐྱེ་བ་རྣམ་པ་སྣ་ཚོགས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་ཡི་དགས
229a7 གྱི་ཡུལ་དང་། ལྷ་མ་ཡིན་གྱི་རིས་དང་། འདི་ལྟ་སྟེ་གནོད་སྦྱིན་ད་སྲིན་པོ་དང་འབྱུང་པོ་དང་། ཤ་ཟ་དང་སྲུལ་པོ་དང་། ལུས་སྲུལ་པོ་དང་། ཁྱི་དང་དུ་སྦལ་དང་། སྦྲུལ་དང་གཅན་ཟན་ཁྲོ་བོ་དང་། བྱ་དང་སྦྲ་བུ་དང་སྦྲང་མ་དང་། སྡིག
229a8 སྦྲུལ་དང་གྲོག་སྦུར་ལ་སོགས་པའི་སྲོག་ཆགས་ཀྱི་རིགས་སུ་ཕྱིས་མི་སྐྱེ་བར་ཤེས་པ་བྱའོ། ། གཞན་དུ་ན་དེ་བཞིན་གཤེགས་པ་དང་ཕྲད་པ་དང་། བྱང་ཆུབ་སེམས་དཔའི་རིགས་སུ་སྐྱེ་བ་ནི་མ་གཏོགས་སོ།། དེ་རིགས་ཆེན་པོ
iiif viewer powered by OpenSeadragon
