| e-texts navigator |
| Wylie |
226a1 བྱའོ། ། ཆོ་ག་འདིས་རང་གི་ལུས་ནད་ཀྱིས་གོས་པར་མི་འགྱུར་ཞིང་ལོ་བརྒྱ་ལྔ་བཅུ་འཚེ་བ་དང་། དགྲ་ལས་རྣམ་པར་རྒྱལ་བ་དང་བློ་རྣོ་བར་འགྱུར་རོ།། དབྱངས་སྙན་པར་འགྱུར་རོ།། གལ་ཏེ་རང་གིས་མ་ནུས་ན་དེའི་ཚེ་རང་དང
226a2 འདྲ་བས་བྱས་ན་ཞི་བ་ཆེན་པོར་འགྱུར་རོ། ། དེ་ནས་གཞན་ཡང་སྒྲུབ་པར་འདོད་ན་གཙུག་ཏོར་གྱི་རྒྱལ་པོ་ཆེན་པོ་ཚེ་དང་བློ་རྣོ་བ་དང་བཅས་པས་འབུམ་ཕྲག་གཅིག་སྦྱིན་བསྲེག་བྱས་ཏེ། དང་པོ་དང་མཐར་སྟོང་སྟོང་གི་མཆོད་པ་བྱས
226a3 ལ་ཡང་འབུམ་ཕྲག་གཅིག་བཟླས་པ་བྱས་ན་ཚེ་ལོ་འབུམ་ཕྲག་གཅིག་ཐུབ་པར་འགྱུར་རོ། ། བྱེ་བ་བྱས་ན་བྱེ་བ་ཐུབ་པོ།། དེ་ལྟར་འདིའི་ཚེ་གའི་རིམ་པས་ཚེ་ལོ་དཔག་ཏུ་མེད་པར་འགྱུར་ཞིང་ནམ་མཁའ་ལ་འགྲོ་བ་དང་དཔའ་བ་དང
226a4 དགྲ་ལས་རྒྱལ་བར་འགྱུར་རོ། ། དཔལ་འདོད་ན་འབུམ་ཕྲག་གཅིག་སྦྱིན་སྲེག་བྱས་ན་དཔལ་ཆེན་པོ་ཐོབ་པར་འགྱུར་རོ།། རྒྱལ་པོ་འདོད་ན་པད་མ་འབུམ་ཕྲག་གཅིག་སྦྱིན་བསྲེག་བྱས་ན་རྒྱལ་པོ་ཆེན་པོ་ཐོབ་པར་འགྱུར་རོ།།
226a5 བྱེ་བ་གཅིག་བྱས་ན་འཁོར་ལོས་བསྒྱུར་བ་ཐོབ་པར་འགྱུར་རོ།། ཡང་ན་རལ་གྲི་ལ་སོགས་པ་སྒྲུབ་པར་འདོད་ན་རིང་སྲེལ་དང་བཅས་པའི་མཆོད་རྟེན་གྱི་མདུན་དུ་ཐང་སྐུ་བཀྲམ་ལ་སྟོང་གི་མཆོད་པ་ཆེན་པོས་མཆོད་ལ་བཟླས
226a6 པ་འབུམ་བྱས་ལ་ཡང་ལྕགས་ལྔའི་རང་བཞིན་གྱི་རལ་གྲི་ལ་བཟླས་པ་འབུམ་བྱས་ཏེ། ལག་པ་གཡས་པར་བཅངས་ན་ཡིད་ཀྱིས་འགྲོ་བ་འམ་འདོད་པའི་གཟུགས་འཛིན་པ་དང་། སྟོབས་ཆེ་ཞིང་གཞན་གནོན་པ་དང་སམ།།
226a7 ཅན་ཐམས་ཅད་ཀྱི་གཅིག་ཏུ་འདྲེན་པ་པོར་གྱུར་ནས་སྨན་པ་ཆེན་པོའི་མཆོག་ཚེ་དཔག་ཏུ་མེད་པར་འགྱུར་རོ།། དེ་ལྟར་རྡོ་རྗེ་དང་འཁོར་ལོ་དང་རྩེ་གསུམ་ལ་སོགས་པ་ཡང་བསྒྲུབ་པར་བྱའོ།། དེ་ལྟར་ཕན་ཡོན་དཔག་ཏུ་མེད་པའི
226a8 གཟུངས་ཆེན་མོ་དེ་བཞིན་གཤེགས་པ་ཐམས་ཅད་ཀྱི་སྙིང་པོར་གྱུར་པ་མཆོག་ཏུ་རྙེད་པར་དཀའ་བ་འདི་ཇི་ལྟ་ཇི་ལྟར་སྦྱར་བ་དེ་ལྟ་དེ་ལྟར་ལས་གྲུབ་པར་བྱེད་དོ། ། གང་ཡང་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར
iiif viewer powered by OpenSeadragon
