| e-texts navigator |
| Wylie |
224a1 བཤད་པར་བྱ། ། གསེར་དང་ཨིན་དྲ་ནི་ལ་དང་། དངུལ་དང་པད་མ་རག་ལ་སོགས་པའི་རང་བཞིན་མང་པོའི་རིན་པོ་ཆེས་སྦས་པ་སོར་བཅུ་གཉིས་ཀྱི་ཚད་པད་མའི་སྟེང་དུ་བཞུགས་པ། དེའི་ལོགས་བཞིར་འཇིག་རྟེན
224a2 སྐྱོང་བ་བཞི་ལག་ན་རྒྱལ་མཚན་བསྣམས་པའོ། ། མེ་ཏོག་དང་བདུག་པ་དང་དྲི་ལག་ན་བཟུང་བའི་གནས་གཙང་མའི་ལྷའི་བུ་རྣམས་དང་ལྷ་རྣམས་ཀྱི་དབང་པོ་བརྒྱ་བྱིན་ལག་ན་གདུགས་ཐོགས་པ་དང་གཡས་དང་གཡོན་གྱི
224a3 ལོགས་གཉིས་ན་སྤྱན་རས་གཟིགས་དང་རྡོ་རྗེ་འཆང་གཉིས་རྔ་ཡབ་དཀར་པོ་ཕྱག་ན་བསྣམས་པ་གཉིས་བྱའོ། ། དེ་ལྟ་བུའི་ཚོགས་མཆོད་རྟེན་ལ་གཡས་བསྐོར་གྱི་སྦྱོར་བས་པད་མའི་འདབ་མ་ལ་བྲི་བར་བྱའོ།། དེ་བཞིན
224a4 གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་བྲིས་ལ། དེའི་རིང་སྲེལ་གྱི་སྙིང་པོ་ཅན་དུ་བྱས་ལ་དྲི་ཞིམ་པོ་དང་བསྲེས་པའི་ཆུ་གཏོར་ཞིང་དྲི་ཞིམ་པོའི་མེ་ཏོག་གིས་མཆོད་ལ་སྟོང་ཕྲག་གཅིག་གི
224a5 མཆོད་པ་ཆེན་པོ་བྱས་ཏེ། དཀར་པོའི་ཕྱོགས་ཀྱི་ཚེས་བརྒྱད་ཀྱི་ཉིན་ཞག་ལ་བསྙུང་བར་གནས་ཤིང་། སེམས་ཅན་ཐམས་ཅད་ལ་ཕན་པའི་བློས་ཚེ་དང་བློ་སྟེར་བའི་ཡོན་བྱིན་ཏེ་སྟོང་ཕྲག་གཅིག་བཟླས་པར་བྱའོ།། ཟླ་བ་རེ་རེ་ཞིང་བྱས་ན
224a6 ཟླ་དྲུག་གིས་ཚེ་ལོ་སྟོང་ཐུབ་པར་འགྱུར་རོ། ། རྟག་ཏུ་ལོ་གཅིག་ཏུ་བྱས་ན་ཚེ་ལོ་འབུམ་ཐུབ་པར་འགྱུར་རོ།། རྟག་ཏུ་བྱས་ན་ཚེ་ལོ་མི་ཟད་པར་ཐུབ་ཅིང་སྟོབས་དང་ལྡན་པ་དང་། གང་གིས་ཀྱང་མི་ཐུབ་ཅིང་ལྷ་དང་ལྷ་མ་ཡིན་དང་མི་མཉམ
224a7 པའི་མཁའ་སྤྱོད་ཀྱི་གཙུག་ཏོར་མཆོག་ཏུ་འགྱུར་རོ། ། དེ་ནས་གཞན་ཡང་ཆོ་ག་ནི་རབ་ཏུ་དགེ་བའི་གནས་སུ་ས་བླངས་ལ། དྲི་ཞིམ་པོས་བསྲེས་ལ་མཆོད་རྟེན་བྱའོ།། སྟོང་ཕྲག་གཅིག་ནས་བརྩམས་ཏེ་ཇི་སྲིད་ལྔ་འམ་གཅིག
224a8 གི་བར་དུའོ། ། ཉི་མ་རེ་རེ་ཞིང་མཆོད་རྟེན་དུ་གཏོགས་པ་གཙུག་ཏོར་རྣམ་པར་རྒྱལ་བ་ཡང་དག་པར་བཞུགས་སུ་གསོལ་ལ།། ཇི་སྐད་གསུངས་པའི་མཆོད་པ་རྒྱ་ཆེན་པོ་བྱས་ལ་སྟོང་ཕྲག་གཅིག་ནས་བརྩམས་ཏེ། ལན་བདུན
iiif viewer powered by OpenSeadragon
