| e-texts navigator |
| Wylie |
223b1 པོའི་ཁབ་ཏུ་གཏོར་ན་རྐུན་མོ་དང་། སྦྲུལ་དང་གནོད་སྦྱིན་དང་། སྲིན་པོ་ལ་སོགས་པའི་འཇིགས་པ་མི་འབྱུང་ཞིང་ནད་ཀྱིས་ཡོངས་སུ་གདུངས་པར་མི་འགྱུར་རོ།། མགོ་ལ་གཏོར་ན་དེ་ནད་དེ་ལས་གྲོལ་བར་འགྱུར་རོ།། དེ་ལྟར་ཆེད་པ།
223b2 ཏུ་མེད་པའི་ཕན་ཡོན་ཆེན་པོའི་གཟུངས་འདི་གང་དང་གང་དུ་རབ་ཏུ་སྦྱར་ན་དེ་དང་དེ་རུ་ཞི་བ་ཆེན་པོར་འགྱུར་རོ།། སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་འཚོས་ན་ནད་མེད་པ་དང་བློ་རྡོ་བ་དང་ཚེ་རིང་བར་འགྱུར་རོ།། ཆུ
223b3 ཁྱོར་བ་གསུམ་ལ་དུས་གསུམ་དུ་ལན་ཉི་ཤུ་རྩ་གཅིག་རྩ་གཅིག་ཡོངས་སུ་བཟླས་ཏེ་འཐུངས་ན་ནད་ཐམས་ཅད་ལས་ཡོངས་སུ་གྲོལ་ཞིང་ཡུན་རིང་དུ་འཚོ་བར་འགྱུར་རོ། ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན
223b4 པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ཚེ་དཔག་ཏུ་མེད་པ་ལ་སྐོར་བ་བྱས་ནས་འདི་སྐད་ཅེས་གསོལ་ཏོ། ། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོས་མཆོད་རྟེན་གྱི་ལས་ཇི་ལྟར
223b5 བགྱི། སྐུ་གཟུགས་ལ་སོགས་པ་བསྒྲུབ་པ་ཇི་ལྟར་བགྱི།། འདིར་སྦྱིན་བསྲེག་ཀྱང་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། དྲི་བ་ལེགས་པར་སྨྲས་པ་ནི།། དཔའ་བོ་ཆེན་པོ་ལེགས་སོ་ལེགས།། སེམས་ཅན
223b6 ཀུན་ལ་ཕན་བརྩེའི་ཕྱིར། ། འདིར་ནི་རྩེ་གཅིག་ཡིད་ཀྱིས་ཉོན།། དེ་ནས་བཅོམ་ལྡན་འདས་ཀུན་ཏུ་འོད་དཔག་ཏུ་མེད་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཚེ
223b7 དཔག་ཏུ་མེད་པ་ཞེས་བྱ་བའི་གཟུངས་འདི་གསུངས་པ་ནི་འདི་ལྟ་སྟེ། ། ཨོཾ་ཨ་མྲི་ཏེ། ཨ་མྲྀ་ཏོ་བྷ་བེ། ཨ་མྲི་ཏ་བི་ཀྲཱནྟེ། ཨ་མྲི་ཏ་གཱ་ཏྲེ། ཨ་མྲི་ཏ་ག་མི་ནི། ཨ་མྲི་ཏ་ཨ་ཡུརྞྞ་ཏེ། ག་ག་ན་ཀཱི་དྷེ་ཀེ་རེ་སརྦ་ཀླེ་ཤ་ཡཾ་ཀ་རི་ཡེ་སྠཱ
223b8 ཧཱ། ཞེས་བྱ་བའི་གཟུང་འདིས་མཆོད་རྟེན་བྱེད་པའི་འཇིམ་པ་བླང་བ་དང་། བྱུག་པ་ལ་སོགས་པ་དང་། གདུགས་གདགས་པའི་བར་ཇི་སྲིད་རྫོགས་པར་བྱའོ།། འདིའི་ཆོ་ག་ནི་མཆོད་རྟེན་ཆོ་ག་མཆོག་གྱུར་པ།། དེ་ནས་ཡང་དག
iiif viewer powered by OpenSeadragon
