| e-texts navigator |
| Wylie |
223a1 མཆོག་གི་ཚེ་དང་བློ་རྣོ་བ་སྦྱིན་པར་བྱེད་པར་འགྱུར་རོ། ། དེ་ལྟར་བྱས་པས་ཞག་བདུན་པའི་ཚེ་ནི་ལོ་བདུན་ཐུབ་བོ།། ལོ་བདུན་པའི་ཚེ་ནི་ལོ་བདུན་བཅུ་ཐུབ་བོ།། དེ་ལྟར་མཆོག་གི་ཚེ་འཐོབ་ཅིང་དྲན་པ་དང་ལྡན་པ་དང་ནད་མེད
223a2 པ་དང་སྐྱེ་བ་དྲན་པར་འགྱུར་རོ། ། མཆོད་རྟེན་ལ་བཞུགས་སུ་གསོལ་ནས་མགོ་ལ་བཅངས་ན་ནད་ཆེན་པོ་ལས་གྲོལ་བར་འགྱུར་རོ།། གོས་སམ་ཤིང་ཤུན་ལ་འགི་ཝང་གིས་རང་གི་མིང་དང་བཅས་པའི་གཟུངས་བྲིས་ཏེ། ཙན་དན་གྱི་རང
223a3 བཞིན་གྱི་མཆོད་རྟེན་ལ་བཞུགས་སུ་གསོལ་ཏེ་རང་གི་ཁྱིམ་དུ་བཞག་ལནྡེ་ཆེ་བ་སྟོང་གི་མཆོད་པས་མཆོད་ཅིང་ཟླ་བ་རེ་རེ་ཞིང་བརྒྱ་ཕྲག་བརྒྱད་ཀྱི་སྨྲམ་པའི་མཆོག་མཆོད་པའི་ཆོ་ག་བྱས་ན་ནད་ལས་གྲོལ་ཞིང་ཚེ་ལོ་བརྒྱ་ཐུབ་པར་འགྱུར་རོ། ། མེད་ན
223a4 འདམ་པའི་རང་བཞིན་ལ་ཡང་བྱའོ། ། ཡང་གོས་གཙང་མ་ལ་སྣ་ཚོགས་རྡོ་རྗེ་ལ་གནས་པའི་མཆོད་རྟེན་བྲིས་ལ་རྡོ་རྗེ་ཕྲེང་བས་བསྐོར་བས་བརྒྱན་པ་དེའི་ནང་དུ་རང་གི་མིང་དང་། གཟུངས་ཀྱི་ཚིག་འདི་འགི་ཝང་གིས་བྲིས་ལ་ཁམ
223a5 པར་ཁ་སྦྱར་གྱི་ནང་དུ་གཞུགས་སུ་གསོལ་ལ། རང་གི་ཁྱིམ་དུ་བཞག་སྟེ་མཆོད་པ་རྒྱ་ཆེན་པོས་མཆོད་པ་བྱས་ན་རྟག་ཏུ་བསྲུང་བར་འགྱུ་རོ།། གཞན་ཡང་ཆོ་ག་ནི་ས་ལ་མསྲུང་བའི་ལྕི་བས་མཎ་ཌལ་གྲུ་བཞིར་བྱས་ལ་མེ་ཏོག་དཀར
223a6 པོ་བཀྲམ་སྟེ། མཚམས་བཞིར་ཞུན་མར་གྱི་མར་མེ་བཞི་བཞག་ལ། ཨ་ཀ་རུ་དང་དུ་རུ་ཀའི་བདུག་པ་བྱས་ལ་དེ་བཞིན་དུ་དྲིའི་ཆུས་གང་བའི་སྣོད་མེ་ཏོག་དཀར་པོས་བརྒྱན་ཏེ། གཟུངས་ཀྱི་སྙིང་པོ་ཅན་གྱི་མཆོད་རྟེན་ནམ་སྐུ
223a7 གཟུགས་དབུས་སུ་བཞུགས་སུ་གསོལ་ལ། དེ་ལ་གཡོན་པའི་ལག་པས་རེག་སྟེ། གཡས་པའི་ལག་པ་ཕྲེང་བ་འཛིན་པས།། ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ་དེའི་ཆུ་ཁྱོར་བ་གསུམ
223a8 འཐུངས་ན་ནད་མེད་པ་དང་། ཚེ་རིང་བ་དང་ངག་ཡོངས་སུ་ཉམས་པ་དང་། འཛིན་བློ་རྣོ་བ་དང་ངག་བཙུན་པར་འགྱུར་རོ།། སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ།། དེའི་ཆུས་ཁང་པ་དང་ཕྱུགས་ཀྱི་ར་བ་འམ་རྟའི་ར་བ་འམ། རྒྱལ
iiif viewer powered by OpenSeadragon
